يا جماعة اللي يعرف سعر الزجاج الخلفي للفانتزيا 2012

[Jumper]

السلام عليكم ورحمة الله وبركاته

انا عايز اعرف سعر الزجاج الخلفي للفانتزيا 2012 بكام في التوكيل يعني الاصلي مع التركيب بكام ؟

وجزاكم الله خير

[lava2000]

1600 جنيه بالتركيب في التوكيل

[inspiron]

1600 جنيه بالتركيب في التوكيل

مين قال لحضرتك السعر ده إذا كان سعر الزجاج الأمامي في كارتك العبور 1250 بالظبط !!!!!

صاحب الموضوع حضرتك ممكن تجيب الزجاج من برة إستيراد هيعمل حوالي 400 جنيه ( أصلي بحالة الزيرو تماماً )

أو تجيبه زيرو من دكتور جريش بنفس القيمة ( مصري )

[ahmed_gman]

مين قال لحضرتك السعر ده إذا كان سعر الزجاج الأمامي في كارتك العبور 1250 بالظبط !!!!!

صاحب الموضوع حضرتك ممكن تجيب الزجاج من برة إستيراد هيعمل حوالي 400 جنيه ( أصلي بحالة الزيرو تماماً )

أو تجيبه زيرو من دكتور جريش بنفس القيمة ( مصري )

ا.احمد حضرتك كنت نصحت فى مشاركة اخرى بتركيب الزجاج الاصلى من التوكيل فأيهما افضل انا فى الضمان و فى التأمين وعند الزجاج الخلفى كسر
رأيك يهمنى وجزاك الله خيرا ومحدش يجيلك فى حاجة وحشة انت والاخوة الافاضل

[ابو ابراهيم]

متابع
--------------------
غيرتة قبل كدا برا وكان تماام مفيهوش اى مشكلة ابدا (مستورد )
وصديقى غيرة برا التوكيل وبدون اى مشاكل (جرنتش )
بس حاول تروح لحد كويس ومتخصص - عشان لا قدر الله لو دخل مياة ولا حاجة بين السيلكون هايسببلك مشكلة وكمان لو مثبتش كويس هايسببلك صوت مزعج ( حصل معايا فى عربيات تانية قبل كدا )

[ahmed_gman]

متابع
--------------------
غيرتة قبل كدا برا وكان تماام مفيهوش اى مشكلة ابدا (مستورد )
وصديقى غيرة برا التوكيل وبدون اى مشاكل (جرنتش )
بس حاول تروح لحد كويس ومتخصص - عشان لا قدر الله لو دخل مياة ولا حاجة بين السيلكون هايسببلك مشكلة وكمان لو مثبتش كويس هايسببلك صوت مزعج ( حصل معايا فى عربيات تانية قبل كدا )

شكرا ابو ابراهيم على سرعة الرد والسعر كام داخل التوكيل وخارج التوكيل

[AhmedBahgat]

الزجاج الخلفي فيه السخانات وأظن كمان فيه الاريال الداخلي

أنا أفضل تركيب الأصلي

[inspiron]

بالنسبة للزجاج الخلفي مش هيفرق تركيبه برة أو جوة التوكيل.وهو مفيهوش ايريال علي فكرة.
الزجاج الأمامي هو اللي لازم في التوكيل عشان موضوع المراية

[ابو ابراهيم]

شكرا ابو ابراهيم على سرعة الرد والسعر كام داخل التوكيل وخارج التوكيل

برا التوكيل
وكان فى حدود الـ 400 جنية - نقول هايزيد دلوقتي شوية هايبقى بـ 500 جنية
وحكاية المراية مفيش فيها مشكلة ابدا لانها مستقلة عن القزاز وهما بيركبوها وبيفكوها عادي
وحكاية السخانات عادي بردو هما هايعملوها بدون مشكلة ان شاء الله

ودمتم بود

[Mohamed Bander]

ا.احمد حضرتك كنت نصحت فى مشاركة اخرى بتركيب الزجاج الاصلى من التوكيل فأيهما افضل انا فى الضمان و فى التأمين وعند الزجاج الخلفى كسر
رأيك يهمنى وجزاك الله خيرا ومحدش يجيلك فى حاجة وحشة انت والاخوة الافاضل

انا رائى ان مادام عندك تامين شامل يبقى غيره فى التوكيل بالاصلى و استفيد بتامينك

[Ahmed_Adham]

انا رائى ان مادام عندك تامين شامل يبقى غيره فى التوكيل بالاصلى و استفيد بتامينك

+111111

[ahmed_gman]

شكرا لكل من شارك بالرأى والنصيحة وجزاكم الله خيرا

تم بفضل الله تغير الزجاج فى التوكيل الحمد لله وتم عمل الاتى .:.
1_اتصلت بالتأمين ورحت عملت معاينة واخطار فى مصر للتأمين
2_رحت على التوكيل الى فى دير الملاك غمرة من غير حجز على طول بعد المعاينة فى التأمين ودخلت العربية حوالى الساعة 12 ظهرآ المهندس الى قابلنى قالى انها حتبات قلت ماشى بس التكلفة كام قالى حوالى 2000 ج الى 2200 قلتله ليه كدة انا سألت على السعر بدون تركيب فى التوكيل بالتليفون قالى 1300 ج قالى اعمل حساب المصنعية والضريبة قلت ربنا يسهل الله المستعان المهم استلم العربية وقالى تعالى بكره الساعة 4 م بالفعل جيت واستلمت العربية وكله تمام و الفاتوره طلعت وانا قاعد ب 1762.5ج عبارة عن 1200سعر الزجاج 101 سعر السيلكون 300 المصنعية 10%ضريبة مبيعات واستلمت العربية والحمد لله 100 100
ملحوظة ......المهندس قالى اهم من التركيب انه السيلكون ينشف كويس ويتهوا كويس وميجيش عليه مياه قبل 48ساعة
3_اخدت الفاتورة وجري على التأمين وعاينو العربية وختم الفاتورة وتمام وبعد كدة فوت علينا بعد اسبوعين يا حضرت نكون طلعنالك الشيك وكدة بأة هو كدة ومشيت والحمد لله على كدة
4_بعد 3 ايام رحت غسلت العربية فى البنزينة وبالهوا وادى ونفضت حصا الزجاج الى كان على الرف الخلفى والكنبه وكاه تمام الحمد لله

[elferekiko]

شكرا لكل من شارك بالرأى والنصيحة وجزاكم الله خيرا

تم بفضل الله تغير الزجاج فى التوكيل الحمد لله وتم عمل الاتى .:.
1_اتصلت بالتأمين ورحت عملت معاينة واخطار فى مصر للتأمين
2_رحت على التوكيل الى فى دير الملاك غمرة من غير حجز على طول بعد المعاينة فى التأمين ودخلت العربية حوالى الساعة 12 ظهرآ المهندس الى قابلنى قالى انها حتبات قلت ماشى بس التكلفة كام قالى حوالى 2000 ج الى 2200 قلتله ليه كدة انا سألت على السعر بدون تركيب فى التوكيل بالتليفون قالى 1300 ج قالى اعمل حساب المصنعية والضريبة قلت ربنا يسهل الله المستعان المهم استلم العربية وقالى تعالى بكره الساعة 4 م بالفعل جيت واستلمت العربية وكله تمام و الفاتوره طلعت وانا قاعد ب 1762.5ج عبارة عن 1200سعر الزجاج 101 سعر السيلكون 300 المصنعية 10%ضريبة مبيعات واستلمت العربية والحمد لله 100 100
ملحوظة ......المهندس قالى اهم من التركيب انه السيلكون ينشف كويس ويتهوا كويس وميجيش عليه مياه قبل 48ساعة
3_اخدت الفاتورة وجري على التأمين وعاينو العربية وختم الفاتورة وتمام وبعد كدة فوت علينا بعد اسبوعين يا حضرت نكون طلعنالك الشيك وكدة بأة هو كدة ومشيت والحمد لله على كدة
4_بعد 3 ايام رحت غسلت العربية فى البنزينة وبالهوا وادى ونفضت حصا الزجاج الى كان على الرف الخلفى والكنبه وكاه تمام الحمد لله

100 جنيه سليكون ؟؟؟ ليه هما استعملوا قد ايه ان شاء الله ؟؟؟؟ وللا حيدفعونا تمن كام انبوبة كدا اونطة وكمان 300 مصنعية ؟؟!!!!!!!!!
الكلام دا استهبااااال رسمي

[meero31]

بالنسبة للزجاج الخلفي مش هيفرق تركيبه برة أو جوة التوكيل.وهو مفيهوش ايريال علي فكرة.
الزجاج الأمامي هو اللي لازم في التوكيل عشان موضوع المراية

كلام مظبوط جداً كانت معايا 2012 إليجانس والزجاج الأمامي اتكسر ركبته بره التوكيل كانت المرايه كل يومين تقع وواحد بتاع زجاج جبلي لصق بتاع حديد وقلي مستحيل المرايه حتفك تاني بس والله العظيم فكت وخدت حتة من الزجاج معاها كمان بقت مكانها زي الحفرة كدة في الزجاج. الأمامي فانتازيا التوكيل علطول اما الخلفي لو الامكانيات المادية ميسرة عادي هاته توكيل لو عايز تلم الموضوع خلاص بتاع برة كويس بردة مش وحش وربنا ييسر لك الأمور .