اداء الفانتازيا

[yasserelsayad]

بسم الله ما شاء الله ربنا يبارك لك فيها

بس ايه موضوع ال 120 km limit exceeded هو العداد الديجيتال أخرة ١٢٠ ولا ايه؟؟

لا يا باشا ملوش اخر
دا limit انت بتعمله على سرعة انت عايزها عشان مثلا يفكرك متعديهاش

[Mohamed Bander]

الف مبروك يا باشا

انا استلمت فانتازيا 2012 من اباظه .. انصحك بأنك تبص على غطا الموتور اللى بيبقا عليه علامة الاسكودا و 1,6 عشان بيتسرق ويتباع بره .. وانا استلمت العربيه ومكنش فيها الغطا ده ومكنتش اعرف واشتريتو من التوكيل ب 490 جتيه

والكاوتش بيبقى بردجستون عادى بس احيانا بيبقى كونتينتبال فى الهاى لاين .. والكاتالوجات والمفتاحين والكوريك بتاع العربيه والشبكه اللى فى الشنطه والاريااال اهم حاجه عشان بيتفك وبيتركب

والسحبه الفعلبه بتاعة العربيه اكتر من 102 ولا تقارن بالاوبترا وعن تجربه .. بس لو انتا بتحب تشد بالعربيه هيضايقك موضوع الغيارات الكتير دى .. وبعدين انتا عندك سبورت درايف فى العربيه وده سحبته مخيفه جدااا والعربيه بتقفل معايا لحد 225 كم/س

الف مبروك مره تانيه

الف شكر يا باشا على نصايحك

انا عامةً مش بتاج شد ،، انا بس عايز اطمن فى المواقف اللى بتحتاج فيها شد هل هتسد ولا لا

شكرا على ردك

[Mohamed Bander]

لا يا باشا ملوش اخر
دا limit انت بتعمله على سرعة انت عايزها عشان مثلا يفكرك متعديهاش

الف شكر يا ياسر باشا

[Mohamed Bander]

تعقيب بسيط بس...225 إيه اللي حضرتك بتقول عليها !! أكيد بقه حضرتك بتتكلم علي فانتازيا 1800 tsi مش اللي احنا راكبينها !!
العربية يا سيدي الفاضل محددة إلكترونياً عند 180 كم وعشان تفك الـ limit ده في فيوز بيتشال عشان تكسر الـ 180 ( الكلام ده بداية من موديلات آخر 2010 حتي تاريخه )



ربنا يكرمك يا فندم..الرسالة اللي ظهرت عند 120 ده إنذار انك متجاوز السرعة المسموحة .. والإنذار ده انت بتحدد بيشتغل عند سرعة كام..أنا عامله عند 120..ممكن تعمله علي أي سرعة تعجبك..لكن الديجيتال عادي شغال معاك لحد آخر عدادك.

الف شكر يا استاذى على ردودك ويا ريت لو عندك اى نصايح اخرى عن الاستلام والتليين يبقى كتر خيرك

[inspiron]

الف شكر يا استاذى على ردودك ويا ريت لو عندك اى نصايح اخرى عن الاستلام والتليين يبقى كتر خيرك

تأكد من وجود الآتي :-

- المفتاحين
- غطاء المحرك الفيبر
- الاطارات أنا طول عمري أعرف إنها كونتينينتال مش بريدجستون في جميع الفئات.أول مرة أعرف موضوع البريدجستون ده.علماً بأن فردة الكونتينينتال سعرها معدي الـ 1000 جنيه
-كوريك
-إيريال
- كتيب الضمان ( من غيره التوكيل مش هيفعلك الضمان )
-الولاعة

بالنسبة للتليين حظك كويس إنك داخل شتاء.بلاش التكييف..متوسط السرعة 90 لمدة 1500 كم وده كلام ناس كتير بتستهتر بيه ومش مدركين أهميته.بيفرق بعد كده في عمر الموتور وصوته ونعومة أدائه

[Mohamed Bander]

تأكد من وجود الآتي :-

- المفتاحين
- غطاء المحرك الفيبر
- الاطارات أنا طول عمري أعرف إنها كونتينينتال مش بريدجستون في جميع الفئات.أول مرة أعرف موضوع البريدجستون ده.علماً بأن فردة الكونتينينتال سعرها معدي الـ 1000 جنيه
-كوريك
-إيريال
- كتيب الضمان ( من غيره التوكيل مش هيفعلك الضمان )
-الولاعة

بالنسبة للتليين حظك كويس إنك داخل شتاء.بلاش التكييف..متوسط السرعة 90 لمدة 1500 كم وده كلام ناس كتير بتستهتر بيه ومش مدركين أهميته.بيفرق بعد كده في عمر الموتور وصوته ونعومة أدائه

الف شكر يا باشا

بس معقول السرعة 90 لمدة 1500 كم ؟

كتير قوى المسافه و السرعه برضه قليله

[MOstafa Hashem]

لا يا باشا انا اقصد الـ 1600 .. والموتور انا عارف انو متحدد عند 190 مش 180 .. بس جرب تحط بنزين 95 واجرى على طريق نضيف زى طريق الجيش مثلا هاتقفل معاك اكتر من كده .. واللى قالى كده مهندس فى التوكيل

وانا كنت راكب الاوكتافيا a5 المانيوال وقفلت معايا 230 على طريق الجيش

[طارق _عبد السلام]

الف شكر يا باشا على نصايحك

انا عامةً مش بتاج شد ،، انا بس عايز اطمن فى المواقف اللى بتحتاج فيها شد هل هتسد ولا لا

شكرا على ردك

لو عايز تشد ومحتاج تعفرت العربيه
حرك الفتيس على s وشوف العربيه هتتجنن ازاى ولاحظ الاداء
اطمئن ان شاء الله فلوسك انت دفعتها فى العربيه الصح
وستشعر بنفسك الفارق بينها وبين آخر عربيه حضرتك ركبتها
ولعلم حضرتك انا كنت بركز على موضوع الشد والحرق ده ايام المانيوال
بس لما كبرت وشوفت آخر الشد والعفرته فى صديق لى قلت مفيش احسن من العقل فى السواقه
انا مش عجوز يعنى هما 44 سنه بس :(
بس فعلا الفانتازيا اختيار موفق ان شاء الله
ولو حابب عربيه تدخل بيها رالى الفراعنه ابقى فكر فى اختيارات تانيه
ربنا يعطيك خيرها ويكفيك شرها ويحفظك لمحبيك

[inspiron]

بس لما كبرت وشوفت آخر الشد والعفرته فى صديق لى قلت مفيش احسن من العقل فى السواقه

[Mohamed Bander]

لو عايز تشد ومحتاج تعفرت العربيه
حرك الفتيس على s وشوف العربيه هتتجنن ازاى ولاحظ الاداء
اطمئن ان شاء الله فلوسك انت دفعتها فى العربيه الصح
وستشعر بنفسك الفارق بينها وبين آخر عربيه حضرتك ركبتها
ولعلم حضرتك انا كنت بركز على موضوع الشد والحرق ده ايام المانيوال
بس لما كبرت وشوفت آخر الشد والعفرته فى صديق لى قلت مفيش احسن من العقل فى السواقه
انا مش عجوز يعنى هما 44 سنه بس :(
بس فعلا الفانتازيا اختيار موفق ان شاء الله
ولو حابب عربيه تدخل بيها رالى الفراعنه ابقى فكر فى اختيارات تانيه
ربنا يعطيك خيرها ويكفيك شرها ويحفظك لمحبيك

ربنا يخليك يا استذ طارق شكرا جدا لردك

انا فعلا مش بتاع شد مع حد ،، انا بس كنت بسال فى حالة المواقف اللى بتحتاج شد،، انما انا مبحبش الشد خالص،، يمكن الجرى على طرق السفر النظيفه بس

شكرا وشرفتنى ردودك

[شاهين - بنز]

أولا ألف مبروك
بالنسبة للسحب حتسترغبه شوية في الأول بس بعد كده حتاخد عليه جدا
هي طلعتها بس إللي تقيلة لكن غير كده سحبها معقول مش وحش
وكتيب الضمان مش حتقدر تستلمه إلا بعد الترخيص
وبالنسبة للكوتشات فكلها بقت برجيستون دلوقتي
وفي حاجة برضه الأخوة نسيوا يضيفوها في الحاجات إللي تتأكد منها وهي طقم الدواسات الموكيت

[Mohamed Bander]

أولا ألف مبروك
بالنسبة للسحب حتسترغبه شوية في الأول بس بعد كده حتاخد عليه جدا
هي طلعتها بس إللي تقيلة لكن غير كده سحبها معقول مش وحش
وكتيب الضمان مش حتقدر تستلمه إلا بعد الترخيص
وبالنسبة للكوتشات فكلها بقت برجيستون دلوقتي
وفي حاجة برضه الأخوة نسيوا يضيفوها في الحاجات إللي تتأكد منها وهي طقم الدواسات الموكيت

الف شكر لرد حضرتك الله يبارك فيك

ايه موضوع الدواسات الموكيت ده بقي؟؟؟

اذا كان الجلد مش بيستحمل فما بالك بقي بالموكيت اللي بيتوسخ بسرعه وصعب تنظيفه؟؟

مبيتباعش دواسات جلد ليها؟

[شاهين - بنز]

الف شكر لرد حضرتك الله يبارك فيك

ايه موضوع الدواسات الموكيت ده بقي؟؟؟

اذا كان الجلد مش بيستحمل فما بالك بقي بالموكيت اللي بيتوسخ بسرعه وصعب تنظيفه؟؟

مبيتباعش دواسات جلد ليها؟

الله يخليك
أنا عن نفسي شاري دواسات جلد (العادية) وحاطتها فوق الأصلية عشان أحافظ عليها
حتى الطاسات عشان بتتسرق كتير فخليت الطاسات الأصلية في كيسها زي ماهية وإشتريت أربع طاسات ب 120جنيه وركبتهم ولو شفت الطاسة حتقول دي أحلى من الأصلية كمان مش بس زيها