سؤال لجميع ملاك الاوكتافيا a4

[FAR!D]

معلش يا شباب اسم الموضوع كده والله مش بشدكم المهم:
انا معايا نوبيرا 99 مواصفات اوربي 1500 2 كامه الحمد لله ماتور محترم جدا و العربيه فايقه وانا ربنا يسترها معايا و معاكم من هواه الشد والجري ربنا يحفظنا و كان معايا قبلها فلشيا 97 وربنا خلصني منها الحمد لله و نويت على الله اغير و اجيب اسكودا اوكتافيا a4 بس محتار بين 99 و 2003 عشان بس شكل الفانوس الامامي و الخلفيبس مش اكتر
الاهم باه انا شوفت وقرأت على النت ( ويكيبديا )ان اخر قدره الماتور ال 1600 هوا 99 حصان ومتور تاني تقريبا موديل 99 خارجه 75 حصان و انا عربيتي قدره متورها 107 حصان و ده كفيل بانه ينسف الفكره كلها من دماغي....
السؤال باه هوا لو فيه حد كان راكب عربيه قبل الاسكودا بتعته و ياحبذا لو النوبيرا يقولي انطباعه ايه في الاسكودا هل اقوى ولا بطه على الطريق و الكل بيفسحها ولا ايه؟ طب بيجيب اخرها كام على العداد؟ والشد بتجمع بسرعه ولا لأ؟ طب انهوا احسن ال99 ولا 2003 ؟ وليه؟ والعيوب وغيره ؟ فاهمني ولا توهتكم ههههه
الله يكرمكم فيدوني و ردوا عليا بس حلفتكم بالله الرد يكون عن تجارب واقعيه و خبره بدون تحيز للسكودا وانا عارف انها ماركه حلوه وانا مجربها قبل كده و اكيد حد حيكون زي حلاتي وفاهمني كويس
معلش طولت عليكم بس حبيت اشرككم في حيرتي ويلا ردودكم باه

[amrelsaqqa]

الموتور الصغير 75 حصان ده فكك منه
الموتور ال100 حصان او 101 او 102 مش متأكد بالظبط ، ده اللى 100 100

بيبقى له غطا بلاستيك ومكتوب عليه sr المفروض انه من بعد موديلات 2000
بس انا شفت عربيات 99 ( الشكل القديم في التابلوه والفوانيس ) وموتور sr

فمش عارف بالظبط الواحد يعرف منين موتور العربية غير انه يشوف العربية نفسها ..

انا مهتم بالاوكتافيا برضه وبفكر اشترى واحدة بس على اول الصيف كدة ان شاء الله

بس عمرى ما هجيب الـ 75 حصان ده ! انا شايفه هيبقى ضعيف جدا جدا على وزن العربية ومش هيستحمل خالص
مش هيفرق معايا اوى شكل التابلوه والفوانيس انما الموتور في فرق كبير


انا سقت عربية 99 مانيوال قبل كدة وبالموتور الـ SR وكانت تحفة في سواقتها والموتور معقول عليها ، طبعا مش فيرنا في الجري بس مش بطة
انما الـ 75 ده بيتهيألى هيبقى عامل زي موتور الفليشيا الـ 1300 كدة ، ضعيف فحت :D


لو انت متابع اسعار موديلاتها واسعارها في السوق ، ياريت تعرفنى ايه الدنيا دلوقتى

وفي انتظار اراء ملاك العربية اللى جربوا الموتور الصغير فعلا ..

[windofchange]

اهم حاجة كود الموتور مش بالبكفر البلاستيك اللي عليه مكتوب sr وده ثلاث حروف انجليزي علي بلوك الموتور من فوق تقريبا مطبوعين بالليزر عليه

[Moratoz]

حبيبي جيت في ملعبي انا كان معايا نوبيرا ٢٠٠٤ ما نوال وكان أدائها جيد وبعتها وجبت اوبترا أوتوماتيك وأدائها كان ممتاز جداً لكن وحش في البنزين ثم بعتها وابتديت رحله الأوكتافيا وجبت ٤ سيارات a4 وكلهم موديل ٢٠٠٣ ومكتشف بحب الموديلات القديمه علشان الفوانيس والتابلوه احلي من ٢٠٠٢ تقريبا وغالبا تم زيادة علو السيارة أيضاً
المهم نيجي للأداء اداء ممتاز ثبات مش طبيعي علي السرعات العاليه ولكن تقل قيام للعربيه من الثبات علشان العربيه تقيله جداً وان كان بيأثر علي تجميع العربيه في الاول لكن بعد مدة أوعي وشك اداء جبار وسحب حلو وثبات مش طبيعي فوق الممتاز وانا قلبي خاف يجيب سرعة فوق ١٨٠ ك والعربيه لسه فيها تاني سرعة والتكيف شغال وفوق الممتاز
ومفيش فرق في الموتور علي الأغلب طبعا في موتور ٥٥ وآت وماتور ٧٥ وآت ١٠١ حصان وهو دا الموجود في مصر سواء موديلات ٩٩ او ٢٠٠٣ في اكثر من ٩٩٪ من السيارات الموجودة وطبعا لون كان حظك مش تمام ولقيت واحدة من الموتور الصغير طبعا بلاش منه ولكن صعب تقابل سيارة بهذا الموتور
أتمني اكون أفدتك ويرد علي حضرتك شخص اخر لتأكيد المعلومات او إفادتنا بتجربه اخري للسيارة ووجهة نظر اخري وبنا يوفقك في شراء حاله جيدة

[Moratoz]

اه تقريبا الموتور بيبقي مكتوب عليه ٧٥ وآت وهو دا الكبير وليس عدد الاحصنه وطبعا القدرة مكتوبه في الرخصة ١٦٠٠ cc

[forti]

بص يا معلم انا كنت لسه هعمل موضوع عن مواتير الاوكتافيا a4 ..

طبعا هنكلم على الـ 1600 cc البنزين عشان دى الى نزلت مصر

فى 3 مواتير 1600 cc

الاول و ده 55 كيلووات بيولد 74 حصان و ده فكك منه خالص و صعب تلاقيه اصلا و بتاع موديلات من 96 - 2000



التانى و ده 74 كيلووات بيولد 99 حصان - بتاع موديلات 98 - 2000 و موجود بالفعل فى عربيتى




التالت و ده 75 كيلووات و بيولد 101 حصان - بتاع موديلات 2000 - 2010 و مفيش فرق كبير يعتبر بينه و بين السابق

[amrelsaqqa]

بص يا معلم انا كنت لسه هعمل موضوع عن مواتير الاوكتافيا a4 ..

طبعا هنكلم على الـ 1600 cc البنزين عشان دى الى نزلت مصر

فى 3 مواتير 1600 cc

الاول و ده 55 كيلووات بيولد 74 حصان و ده فكك منه خالص و صعب تلاقيه اصلا و بتاع موديلات من 96 - 2000



التانى و ده 74 كيلووات بيولد 99 حصان - بتاع موديلات 98 - 2000 و موجود بالفعل فى عربيتى




التالت و ده 75 كيلووات و بيولد 101 حصان - بتاع موديلات 2000 - 2010 و مفيش فرق كبير يعتبر بينه و بين السابق

100 100
بالمناسبة بقى ، بما ان حضرتك فاهم :d

الاوكتافيا ساعات بشوفها بموتور 1800 ( هنا في مصر ) شفتها كتير في سوق السيارات

الموتور ده تقريبا بتاع الجولف agn 1.8

الموتور ده ايه نظامه ؟
حاجاته موجودة ورخيصة ولا قطع غياره مش موجودة ؟ لأن تقريبا العربيات دى كلها مستوردة التوكيل ما نزلهاش

[forti]

100 100
بالمناسبة بقى ، بما ان حضرتك فاهم :d

الاوكتافيا ساعات بشوفها بموتور 1800 ( هنا في مصر ) شفتها كتير في سوق السيارات

الموتور ده تقريبا بتاع الجولف agn 1.8

الموتور ده ايه نظامه ؟
حاجاته موجودة ورخيصة ولا قطع غياره مش موجودة ؟ لأن تقريبا العربيات دى كلها مستوردة التوكيل ما نزلهاش

ده اول موتور فى 1.8 92 كيلووات بيولد 123 حصان

طبعا موتور فاجر بس موضوع قطع الغيار معرفش بس غالبا مش هتبقى متوفرة اوى و هتغلبك و تدوخ عليها و ممكن حاجه متلقيهاش كمان فمش عملى

[FAR!D]

بص يا معلم انا كنت لسه هعمل موضوع عن مواتير الاوكتافيا a4 ..

طبعا هنكلم على الـ 1600 cc البنزين عشان دى الى نزلت مصر

فى 3 مواتير 1600 cc

الاول و ده 55 كيلووات بيولد 74 حصان و ده فكك منه خالص و صعب تلاقيه اصلا و بتاع موديلات من 96 - 2000



التانى و ده 74 كيلووات بيولد 99 حصان - بتاع موديلات 98 - 2000 و موجود بالفعل فى عربيتى




التالت و ده 75 كيلووات و بيولد 101 حصان - بتاع موديلات 2000 - 2010 و مفيش فرق كبير يعتبر بينه و بين السابق

تمام وي يا باشا معلوماتك تمام بس فيه برضوا حاجه غريبه واخد بالي منها ان اصلا اصلا الاوكتافيا صاجها تقيل وهيا علربيه طويله وعريضه ازاي تبقى خرجها 99 حصان ده كده برضوا بطه بالنسبه لعربيه نوبيرا موتورها خرجه 107 حصان ولا ايه؟

[FAR!D]

ده اول موتور فى 1.8 92 كيلووات بيولد 123 حصان

طبعا موتور فاجر بس موضوع قطع الغيار معرفش بس غالبا مش هتبقى متوفرة اوى و هتغلبك و تدوخ عليها و ممكن حاجه متلقيهاش كمان فمش عملى

انا معايا واحد زميلي بس جايبها من بره نظام معاقين 1800 و بيقول انه ماتور حلو و خصوصا انه اصلا بيسوق
بس سؤالي عايز تجربه واحد خارج من عربيه حلوه برضوا يكلمنا عن شدها و سحبها

[FAR!D]

[QUOTE=Moratoz;3874681322]حبيبي جيت في ملعبي انا كان معايا نوبيرا ٢٠٠٤ ما نوال وكان أدائها جيد وبعتها وجبت اوبترا أوتوماتيك وأدائها كان ممتاز جداً لكن وحش في البنزين ثم بعتها وابتديت رحله الأوكتافيا وجبت ٤ سيارات a4 وكلهم موديل ٢٠٠٣ ومكتشف بحب الموديلات القديمه علشان الفوانيس والتابلوه احلي من ٢٠٠٢ تقريبا وغالبا تم زيادة علو السيارة أيضاً
المهم نيجي للأداء اداء ممتاز ثبات مش طبيعي علي السرعات العاليه ولكن تقل قيام للعربيه من الثبات علشان العربيه تقيله جداً وان كان بيأثر علي تجميع العربيه في الاول لكن بعد مدة أوعي وشك اداء جبار وسحب حلو وثبات مش طبيعي فوق الممتاز وانا قلبي خاف يجيب سرعة فوق ١٨٠ ك والعربيه لسه فيها تاني سرعة والتكيف شغال وفوق الممتاز
ومفيش فرق في الموتور علي الأغلب طبعا في موتور ٥٥ وآت وماتور ٧٥ وآت ١٠١ حصان وهو دا الموجود في مصر سواء موديلات ٩٩ او ٢٠٠٣ في اكثر من ٩٩٪ من السيارات الموجودة وطبعا لون كان حظك مش تمام ولقيت واحدة من الموتور الصغير طبعا بلاش منه ولكن صعب تقابل سيارة بهذا الموتور
أتمني اكون أفدتك ويرد علي حضرتك شخص اخر لتأكيد المعلومات او إفادتنا بتجربه اخري للسيارة ووجهة نظر اخري وبنا يوفقك في شراء حاله جيدة[/QUOT
ايوه كده انا عايز ناس جربت عربيات قبلها عشان تدينا انطباعنا و متشكر لذوقك ياباشا

[amrelsaqqa]

انا معايا واحد زميلي بس جايبها من بره نظام معاقين 1800 و بيقول انه ماتور حلو و خصوصا انه اصلا بيسوق
بس سؤالي عايز تجربه واحد خارج من عربيه حلوه برضوا يكلمنا عن شدها و سحبها

انا عارف انه موتور فااااااجر
بس عايزك تسأله بيلاقى قطع غياره بسهولة ولا لا

والضريبة بتاعت العربية كام في السنة

[forti]

تمام وي يا باشا معلوماتك تمام بس فيه برضوا حاجه غريبه واخد بالي منها ان اصلا اصلا الاوكتافيا صاجها تقيل وهيا علربيه طويله وعريضه ازاي تبقى خرجها 99 حصان ده كده برضوا بطه بالنسبه لعربيه نوبيرا موتورها خرجه 107 حصان ولا ايه؟

الاوكتافيا يعنى بــ 100 كيلو اتفرج عليها و على الثبات .. اما بالنسبة من 0 - 100 متقدرش تقول بردو بطة .. بتشد و تسحب تمام

[forti]

انا عارف انه موتور فااااااجر
بس عايزك تسأله بيلاقى قطع غياره بسهولة ولا لا

والضريبة بتاعت العربية كام في السنة

مش عارف و الله بس هحاول اسأل

[mohammedrefaat]

بص سعادتك انا كنت راكب فيات 132 موديل 75 و بعدين ركبت نوبيرا 2007و بصراحه حسيت بفرق كبير و بعد كده ركبت اوكتافيا 2003 اوتوماتيك تكييف تاتش بصراحه حسيت ان العربيات دى تكاتك و بيضحكوا علينا و مسمينها عربيات بص ياباش رغم ان العربيه 2003 و احنا فى 2012الا ان انا بجيب بيها 200 كم/ساعه و التكييف شغال و ولا تحس باى حاجه غير لما تبص فى العداد غير كده .. اوعى وشك
الثبات حاجه محترمه جدا الاسفلت يتخلع من تحتها و هى هاتلاقيها راسيه على الارض اما النوبيرا بصراحه لما كنت ابقى سايقها مثلا على 160 و اعدى جنب عربيه نقل على الطريق ولا حاجه كنت بحس بيها بتلعب من ورا و كنت بخاف اقوم انزل بالسرعه لغايه 120 ولا حاجه انما الa4 عربيه وحش دبابه و الله و انا حاليا بفكر اغير و اجيب فانتازيا بس مستنى اشوف الاراء استنى الشكل الجديد ولا اجيب الشكل الموجود حاليا
بس انا بعيب عليها فى حاه واحده بس لو ركب 3 اشخاص على الكنبه اللى ورا مش هايبقوا مرتاحين اوى فى القعد الكنبه مموله انها تشيل اتنين مرتاحين انما تلاته بيبقى مش مرتاحين اوى و العربيه عاليه حتى لو كنت محمل فيها انابيب بتواجاز مش بنى ادمين و الشنطه تشيل فيل كبيييييييييره جدا لو وقفت و فتحت الشنطه و ميلت و مديت ايدك جوه الشنطه مش هاتعرف تجيب اخرها الا لو ركبت فى الشنطه برجلك