سؤال فني

[Ahmed elrefa3y]

بعد اذنكم يا جماعه انا كان عندي سؤال غريب شويه
هو تقليب النور ف الاوكتافيا لازم عن طريق البكره ولا ممكن اقفل واعلي واوطي من الدراع
اصل احنا عندنا اوكتافيا 2006 وشايف انها طريقه سخيفه اني كل شويه اسيب ايدي عشان اعلي واوطي يعني ولا ليها حل تاني
وشكرا ليكم مقدما

[Mostafa.Ramdan]

بصراحه مش هقدر افيدك فى الاوكتافيا

ان شاء الله حد من رجاله الاوكتافيا يفيدك

[forti]

بص انا مش فاهم قصدك اوى بس هشرحلك

البكرة لازم تبدا بيها تشغل الاضاءة بعدين النور الواطى
و العكس لو هتقفل النور الواطى لازم البكرة

عشان تقلب للعالى بتدوس على الدراع لورا و العكس لو هترجع تانى للواطى

عشان تقلب نور للى قدامك دى بقى انك عادى ترفع الدراع ناحيتك و تسيبه ( تقليب النور العادى )
سواء كان النور مش والع اصلا او كان على الواطى فبتقلب عالى

بس كده

[forti]

اما عربيات تانية بيبقى فيها فكرة ان البكرة دى فى الدراع نفسه .. لكن نظام الاوكتافيا و الفولكس و الالمانى عموما سواء bmw او مرسيدس البكرة لوحدها

[forti]

و دى صورة كده على الماشى

[HAITHAM1985]

بص انا مش فاهم قصدك اوى بس هشرحلك

البكرة لازم تبدا بيها تشغل الاضاءة بعدين النور الواطى
و العكس لو هتقفل النور الواطى لازم البكرة

عشان تقلب للعالى بتدوس على الدراع لورا و العكس لو هترجع تانى للواطى

عشان تقلب نور للى قدامك دى بقى انك عادى ترفع الدراع ناحيتك و تسيبه ( تقليب النور العادى )
سواء كان النور مش والع اصلا او كان على الواطى فبتقلب عالى

بس كده

وكأنك بتتكلم على الفابيا بالظبط

[Ahmed elrefa3y]

هو فعلا زي ما حضرتك بتتكلم كده بالظبط بس انا عاوز اعرف يعني مش ممكن اركب دراع تبقي البكره فيه اصل مش معقول كل ما ابقي ماشي بالليل واطفي النور عشان اللي قدامي اعمل كده بصراحه حاسس ان الفكره غبيه جدا اني اسيب ايدي واعمل كده اكيد مره هتلغبط !!! وشكرا جزيلا لردك

[forti]

هو فعلا زي ما حضرتك بتتكلم كده بالظبط بس انا عاوز اعرف يعني مش ممكن اركب دراع تبقي البكره فيه اصل مش معقول كل ما ابقي ماشي بالليل واطفي النور عشان اللي قدامي اعمل كده بصراحه حاسس ان الفكره غبيه جدا اني اسيب ايدي واعمل كده اكيد مره هتلغبط !!! وشكرا جزيلا لردك

انا مش شايفها صعبة .. البكرة مش فى اخر الدنيا يعنى بعدين انت بتبقى ماسك الدركسيون بايدك اليمين و بتغير بايدك الشمال عادى و دى لحظة بعدين لو هتنقل فتيس ولا حاجه .. اوعى تطلع عربيتك اوتوماتيك :d

بعدين بقول لحضرتك المرسيدس و البى ام كده

معرفش الصراحة ممكن تتعمل فى الدراع ازاى

[طارق _عبد السلام]

هو زرار النور فى الاوكتافيا
اول تكه النور الصغير
ثانى تكه النور الواطى
لو عايز تقلب وانت ماشى بين النور الواطى والنور العالى بترفع دراع الاشارات لفوق ناحيه الدريكسيون
ولو عايز تمشى على العالى على طول بتنزل دراع الاشارات لتحت وهو هيثبت على تحت

[Ahmed elrefa3y]

انا مش شايفها صعبة .. البكرة مش فى اخر الدنيا يعنى بعدين انت بتبقى ماسك الدركسيون بايدك اليمين و بتغير بايدك الشمال عادى و دى لحظة بعدين لو هتنقل فتيس ولا حاجه .. اوعى تطلع عربيتك اوتوماتيك :d

بعدين بقول لحضرتك المرسيدس و البى ام كده

معرفش الصراحة ممكن تتعمل فى الدراع ازاى

هي المشكله اني مانيوال وعلطول ايد ع الدريكسيون وايد ع الفتيس :d ع العموم متشكر لحضرتك واضح انها هتفضل كده علطول :)

[forti]

هي المشكله اني مانيوال وعلطول ايد ع الدريكسيون وايد ع الفتيس :d ع العموم متشكر لحضرتك واضح انها هتفضل كده علطول :)

لا العفو احنا فى الخدمه :)