العدادات فى الاوكتافيا 2000 لا تعمل

[cheetos10]

السلام عليكم ورحمه الله وبركاته

العددات عندى فى سكودا اوكتافيا 2000 (السرعة والحرارة والبنزين و rpm) لا تعمل
واحيانا تعمل فجاة لمدة بسيطة ثم لا تعمل مرة اخرى فانا جبت الخريطة بتاعة الفيوز و غيرت الفيوز الخاص بالعدادات بس نفس المشكلة لكن المفاجأة بقى لما شلت الفيوز خالص العدادات شغاله زى الفل بس لما العربية بتشيل منها المفتاح بتفضل العدادات معلقة زى ما هيه مش بتنزل للصفر لما تجى تشغل العربية تانى تنزل للصفر فى الاول وبعدين تشتغل طبيعى تانى
ياريت اهل الخبرة ينصحونى

[SAMEH_FOUAD]

انت كدة عندك مشكلة فى علبة الفيوزات هتلاقى عندك فية قفلة

فك فيوز فيوز ونظف مكانة , وغير اللى محتاج تغير

[cheetos10]

شكرا يا سمسم باشا على ردك .. طيب فى اى نصيحة باسف منظف معين استخدمه ؟؟ علشان انا كده لازم افك كل الفيوزات . ولو فيه اى علامة تقول الفيوز بايظ ولا سليم علشان انا مش عندى اى خبره فى الموضوع ده

[SAMEH_FOUAD]

شكرا يا سمسم باشا على ردك .. طيب فى اى نصيحة باسف منظف معين استخدمه ؟؟ علشان انا كده لازم افك كل الفيوزات . ولو فيه اى علامة تقول الفيوز بايظ ولا سليم علشان انا مش عندى اى خبره فى الموضوع ده

بص فى داخل الفيوز كدة لو لقيت القطعة المعدنية الداخلية لية مكسورة او محروقة

وهات منظف الكترونيات هو لونة ازرق كدة اسمة electro cleaner ودة بيتم تننظيف بية الدوائر الكهربائية , وترشة وتجيب بلاور وتنفخ بية علبة الفيوزات

وفك واحد واكشف علية وركبة تانى وهكذا , لكن ماتفكهمش كلهم مرة واحدة عشان كل واحد بيكون لية امبير معين وقوة تحمل معينة ماينفعش تركبها اكتر او اقل

[midoabokhadra]

http://www.nilemotors.net/Nile/322578-99.html
مع احترامي للردود اللي جاتلك بس الصح هو اللي ف الرابط دة وعن تجربة وكل الاوكتافيا من 98 ل 2000 وال باسات نفس الموديل فيه نفس المشكلة

[cheetos10]

يا جدعان .. طيب ازاى يكون لما اخلع الفيوز الخاص بالعدادات .. الدنيا شغالة تمام .. لو الموضوع فى مشكلة فعلا فى الايسيه يبقى هتفضل بايظة على طوول ولا ايه رايكم ؟