Tweet
مشكلة فانتازيا نبيتى 2011
يا جماعة انا كنت عامل موضووع قبل كده علشاااان انا كنت بسمع صوت طقطقة وانا بلف الدركسيون نص لفة او ازيد حاجة بسيطة سواء يمين او شمااااال ... وهقولكوا على اللى حصل معايا وانا عملت إيييه عشاااان كلنا نستفيـــد ... 
انا من اسكندرية فا روحت لتوكيل سكودا اللى وانت رايح على الصحراوى كلنا عارفينوا بدون ذكر اسامى
المهم كشفوا على العربية وجربووووها وقالولى ان الصوت ده من السكاترا بتاعت الدركسيون وممكن الدركسيون كله يتغير ... قولتلهم تتكلف كااااام السكاترا ديه ... قالولى 6000 جنيه ... سكت شوية وكان عندى مشكلة تانية قولتلهم عليها وهيه ان فيه مسمار من مسامير القنطرة الشماااال ما كانش بيربط كويس وكل ما تقرط عليه يفوت ... قالولى هنبصلك عليه واحنا بنعمل الصيانة ... تمااام كده ... خلصوا العربية وماعملتش الدركسيون وقالولى ما عندناش مسامير بس احنا ثبتنا المسمااار قولتلهم طب تماااام والمهندس قاللى المسمار ده مش مهم لأنه مش هوه الوحيييد اللى ماسك العفشة قولتله ماشى... المهم خرجت من التوكيل متضايق انى ما عملتش الصوووت ده ... 
...وانا قاعد مع صحابى واحد قاللى يعرف واحد عفشجى اسمه محمد جابر كان شغااال فى توكيل BMW بس سااابووا وااااد شاطر جداً روحلوا خليييه يشخصلك المشكلة ايييه عشان تتأكد من كلاام التوكيل فى موضوووع الطقطقة ديه ... اخدت رقم تليفونه واتفقت معاااه وروحتلوا ... طلع جرب العربية وعمل شوية حاجات فى الدركسيون وبعدين رفع العربية وبيربط فى المسامير ... المسمااار إياااه قااام فوت معااااه فقاللى العيب فى المسمااار ده عاوز يتغير ... فقولتلوا على اللى قالوهولى فى التوكيل ... فقاللى عيب ان توكيل محترم زى ده يقول كده ... لأن أى مسمااار لو مالوووش لازمة ما كانش الخواجة بلدها حطوه ... قولتله كلااام منطقى والله ... المهم فك المسمااار لقاهم مثبتينه بمادة لاصقة تقريبا سيليكون ... المهم سألته تعرف حد يغيرلى المسمااار قاللى يعرف مهندس كان شغااال فى توكيل سكودا بس سابوا وفتح مركز خدمة للسكودا والفولكس اسمه مهندس محمد عبدالحميد قولتله تماام كده ...
كلمت المهندس محمد وروحتله مركز الخدمة وكشف على العربية وقاللى المسمار ده السن بتاعه متاكل والسن عاوز يتغير عشان كده مابيربطش كويس ... فقولتله طب الحل ايييه ... قاللى عاوزة خرااط فقولتله تعرف واحد قاللى انا اجيبهولك هنا يعملهالك ... قولتله تتكلف كاااام قاللى فى حدود 250 جنيه قولتله ماشى على تليفون لما تجيب الخراط ... المهم كلمنى روحتلوا ساعتين ونص وخلص العربية قولتلوا كااااام قاللى 200 جنيه قولتله الله ينور عليك يا باشمهندش ... ومشييت بالعربية وقرصت عليها وملفات يمين وشمال ما شااااء الله صوتها رجع زى ما كاااان واحسن الحمد لله ...
العفشجى محمد جابر ... ده تليفووونه ... 01204500995
مركز الخدمة ده متكااااامل للسكودا والفولكس واسمه كار فيكس Car Fix وانت رايح على الموقف الجديد قبله على الشمال وتليفون المهندس محمد عبدالحميد ... 01009526256 ... 035826362
اللى يكلمهم يقولهم من طرف المهندس كامل اللى معاه الفانتازيا النبيتى اللى كان فيها مسمار القنطرة الشمال وده تليفونى 01200006806 ...
وآسف على الإطااالة بس كنت عاوز اخليكوا تكونوا عايشين معايا الحدث ... وشكــــراً لحضراتكـــم
Comment