خبراتكم في إصلاح بدي فلف فنيس a5

[Moratoz]

مساء الخيرات
انا كان الفتيس طبعا بينتش بس كانت نتشه خفيفه في النقله الثالثة ولكن من فترة قصيرة بدأت النتشه تزيد وابتدت تزرع وتخبط في الغيار الثالث وساعات الثاني وطبعا المرشيديل
المهم انا عاوز من الاعضاء الذين مروا بهذه التجريه إخباري اين تم الاصلاح وتكلفته وحاله العربيه بعد الأصلاح وهل في ضمان علي الاصلاح ولا لَا
ومحدش يستعجل عليا والنبي ويقلي علي طول غير البدي فلف علشان جديد تقريبا ١٠٠٠٠ جم واستيراد تقريبا ٥٥٠٠ جم
علشان انا سمعت ان في ناس تقوم بفكه وتغير البلف البايظ والعطلان فقط ما دام كهربه البدي فلف سليمه
برجاء النصح والأفادة عن تجاربكم او معلوماتكم قبل ما أدبس وأعمل حاجة معرفهاش او يضحك عليا في الأصلاح وأرجع أقول ياريت
أسف علي الاطاله وأرجو من الأدارة في حاله وجود إجابات وافيه وكافيه تثبيت الموضوع علشان المشكله دي بيعاني منها اغلب اصحاب a5 بس الإجابات عنها تاهت داخل القسم
وتقبلوا تحياتي وتشكراتي مقدما

[Omar.Shawki]

هى العربية موديل كام؟
عاملة كام كيلو ؟
غيرت زيت فتيس؟
الفتيس قعد فترة قد ايه من ساعة النتشة الخفيفة لحد موصلت للرزعة ؟(او حوالى كام كيلو)

معلش شوية اسئلة بس هتساعد فى الاجابة

[Omar.Shawki]

معلش سؤال كمان
الفتيس بينتش والعربية لسه بارده(لسه طالع بيها) ولا بيقعد شوية شغال كويس وبعدين ينتش؟

[حماده المصري]

متابع


واتمنى اعرف اجابه سؤالي

هل الموضوع ده عيب في موديلات معينه في الاوكتافيا مثلا 2005 و 2006 وبعد كده اتغير البدي فالف باخر ليصبح بدون عيوب


ام الموضوع كله انه فيه مستهلكين مش بيغيروا زيت الفتيس

وليه الموضوع ده مش ظاهر في الجيتا

[Moratoz]

بص يا سيدي العربيه موديل 2007 اليجانس خليجي والعربيه في الأغلب ما بتنتش وهي باردة النتشه بتيجي بعد متمشي بيها شويه ثم بعد كدة التخبيطه او الرزعه والعربيه ماشيه 101000 كيلو والزيت كان متغير علي ٧٠٠٠٠ كيلو بس المشكله أني اشك ان الزيت اصلي علشان مش انا ئلي مغيرة انا اشترتها بعد كدة بس لقيت في الصيانه بتاعتها ثمن الذيت حوالي 600 جم ودا طبعا مش ثمن الاصلي
وشاكر علي اهتمام سيادتكم

[طارق _عبد السلام]

طيب اكشف على العربيه الاول
ممكن يكون قاعد فتيس مقطوعه ولا انت متأكده من موضوع البلوف
البلوف ومشكلتها اسمع واحد عندنا فى المحله اسمه مكاوى بيعالج الموضوع ده بطريقه سهله جدا بس فى حاله بدايه المشكله
بينضف الفلتر وبيحط للعربيه غيار زيت معين ده بيبقى غسيل وبتمش بالعربيه يومين تلاته
وبترجع له بينزل الزيت القديم ده وبعدين بيحط الزيت الاصلى والعربيه بتبقى تمام
بس اعرف انه بيعمل الموضوع ده فى بدايه اكتشاف النتشه فى الفتيس مش عارف الحاله عندك ايه

[Moratoz]

طبعا مش قواعد والموضوع عدي البدايه خلاص اعتقد ان البلوغ محتاجه تتغير بس فين وبكام وجودة الاصلاح إيه

[طارق _عبد السلام]

طبعا مش قواعد والموضوع عدي البدايه خلاص اعتقد ان البلوغ محتاجه تتغير بس فين وبكام وجودة الاصلاح إيه

مش عارف افيدك والله
بس ربنا معاك فعلا الموضوع ده يعكنن
بس أنا رأيى تكشف الاول على العربيه فى مركز فنى محترم بلاش التوكيل لان التوكيل هيقول تغيير على طول
وهو يحدد المشكله
ممكن يكون الفلتر مسدود او يعرفوا يشيلوا الرايش من البلوف ممكن يكون لها حل
ولو لم يكن هو هيوجهك للافضل اكيد ان شاء الله

[HISHAM80]

حضرتك روح للمهندس خالد في مدينه نصر فين بالظبط مش عارف بس حضرتك دور في المنتدى هتلاقي العنوان

[thenders]

بص يابشا فى واحد فى الحرفييين اسمة الشيخ احمد دة بصراحة عن تجربة راجل ممتاز وانشاء الله هيلحق الموضوع دة هو هناك جمب جامع اسمة الجامع الكبير هو بيشتغل فى الأسكودا والجولف والبسات بس وفاهم كويس وحافظ العربية بالمسمار رحلوة وربنا يكرم وتتصلح

[Moratoz]

ممكن رقم تليفون او اسم المحل وهل في تجارب سابقة لأحد معرفك في إصلاح الفتيس عندة ام التعامل في الاصلاح عموما مع هذا الرجل
وشاكر معاونة الاعضاء

[aliabdo]

بص خلاصه الموضوع ده عشان انا عشت فيه
اهم سبب للمشكله الفتيس ده غيار الزيت لزم يتغير فى معاده و لزم زيت اصلى
اسباب المشكله دى يا فالف و اعتقد انه سعره حوالى 11 الف استيراد و فى التوكيل بيغير الفتيس كله ب 24 الف
السبب التانى ممكن تكون مجموعه الكلتش داخل الفتيس
السبب التالت الكونترول و لو المشكله فيه بيتغير لان صعب تصليحه شويه
المشكله لو فى الفالف تروح لحد فاهم فيهم كويس قوى و نضيف قوى قوي قوى بيتفك الفالف و يتعمل له تنظيف هو السلونيدات و يكشف عليهم لو فيهم حاجه بايظه ممكن تتغير
لو الكلتش ممكن تلاقى منه استعمال مخلوع من فتيس فيه مشكله فى حاجه تانيه

اهم حاجه فى الموضوع ده كله حد فاهم هوبيعمل ايه بالظبط
و ربنا يوفقك

[Moratoz]

ااستاذي aliabdo نا كنت مرة كشفت عند حد متخصص بالفتايس الأوتوماتيك وكشف علي الفتيس بالجهاز واخبرني ان الكهرباء والميكانيكا سلام وان الأغلب العيب في البلوف دي هيا ئل ي عامله المشكله
فهل حضرتك من واقع تجربتك عملت ايه وتكلفته اصلاح البلف البايظ قد ايه علما انني مش عاوز اغير البدي فلف كله
وعلي فكرة جديد ب 10000 جم تقريبا واستراد ب 6000 تقريبا والله واعلم
علشام كدة انا بسأل عن حد مر بالتجربه دي ةقام بأصلاح الفلف وما هي تكلفه الصلاح عند حد شاطر مش نصاب ولا حرامي ولا يتقي الله في مصيبتنا - يكفي ان تغير الزيت تقريبا ب 1250 جم غير تكلفه الأصلاح علشان العربيه بقت تخبط وترزع اكتر من الأول بعد مشزار زحمه 45 دقيه او ساعة والأول مكنتش بتعمل كدة
الله المستعان في التوصل الي حل سليم بأقل التكاليف الممكنه بدون تكلفه مبالغ فيها .

[aliabdo]

اعتقد ان المشكله لو بتظهر فى الزحمه بس تقريبا فى مبرد للزيت و لو مفيش بيتعمل ابديت للسوفت وير بتاع العربيه عشان ترفع نسبه درجه حراره الخطر فى الفتيس عشان فى عربيات نزلت فيها العيب ده

[aliabdo]

على فكره موضوع تصليح الفالف عباره عن ان الفالف بيتفك و يتحط فى ماده كده عشان تزيل اى رواسب فيه و يتجمع تانى ؛ من الاخر الفالف ده لو دخلت فيه شعر بيبوظ