قطع غيار استيراد و صيانه سكودا و فولكس و كيا فى الاسكندريه

[aliabdo]

السلام عليكم
انا لقيت ميكانيكى كويس جدا و بيفهم فى اسكودا و كيا وفولكس بتعامل معاه بصراحه محترم جدا
الرجل ده عنده اجهزه فحص للعربيه و قطع غيار سكودا و فولكس استيراد و بيعمل كل حاجه فى العربيه كنت لسه عنده بيصلح فتيس بتاع جيتا و قطع الغيار بتاعته موجوده عنده كمان و اسعاره كويسه

اسمه مركز الصفا و المروه "الاسطى سعد اسكودا او الاسطى جمال "
العنوان الحضره الجديده شارع الازله اسئل على ورشه الاسكودا او الاسطى سعد اسكودا او جمال
ارقامهم 3830965
01224190403
01223686224
الى يروح قوله من طرف م/على و ان شاء الله يعملو معاه الواجب و ارجو انى اكون افدت الجميع

[mahmoud 1]

بس انا سمعت فى المنتدى هنا انه نرفوز اوى ومش بياخد ويدى فى الكلام وكأنه دكتور يعنى
وواحد قال لو عندك صبر شوية ممكن تروحله وتتعامل معاه
ايه رأيك انت يا اخى الكريم فى الكلام ده على اساس انك تعرفه يعنى

[aliabdo]

و الله يا اخى انا اول مره اسمع منك الكلام ده الراجل محترم جداااا و امين و انا بعقد عنده اكتر من ساعتين 3 عمرى ما شوفت له موقف سئ مع حد ابدا

[mahmoud 1]

عربيتى فيفوريت 94 ولسة جايبها وفيه بوجيه واحد بيعرق زيت ، والعربية ذى ما بيقولو متلتة وسحبها ضعيف بعد الغيار التالت واخرها تجيب 90 ودا بعد ما نضفت الكربراتير اتعدلت شوية وجابت ال 90 ،، فشكلها هاحل المكنة وعايز حد بيفهم لانها مش شرط يكون شنبر ممكن يكون جلدة صباب ( ذى ما اخوانى فى المنتدى هنا قالولى )

[aliabdo]

اعتقد تعريق الزيت شمبر يا عمره جلده الصباب متعملش كده