قاعدة mqb والأوكتافيــــا الجديـــــدة

[HAITHAM1985]

قاعدة MQB والأوكتافيــــا الجديـــــدة



فى معرض الحديث الرسمى عن إطلاق الساحرة الجديدة الأوكتافيــــا 2013 ورد النص التالى :

وستستخدم أوكتافيا قاعدة فولكس فاغن الجديدة والمتطورة باسم MQB (سبق وأن استخدمتها أودي A3 الجديدة)

السؤال هنــــا

من الشروحات والمناقشات العميقة والكثيرة عن الساحرة الأوكتافيــــا وجدنا بعد ضمها رسميا لمجموعة فولكس فاجن أنها تتشارك مع أغلب شبيهاتها فى المجموعة مثل الباسات والجيتا والإبيزا والكوردوبا تتشابه فى مكونات كثيرة وهذا منطقى

الكل يتغنى بأداء السيارة الرائع ...... أغلبنا متفقين

فلماذا فارق السعر اللى مش قليل بين إصدارات الفولكس والسكودا وأتكلم عن الإصدارات الشبيهه ؟

هل عند أحد تفاصيل قاعدة الــ MQB ؟

[HAITHAM1985]

الكلام على الأودى A3 Sportbackالجديدة :

وتم بناء A3 Sportback الجديدة على قاعدة MQB الخاص بمجموعة فولكس فاغن، وهي نفس قاعدة (شاصي) فولكس فاغن ڤولف، مما سمح بتخفيض وزنها بـ90 كلغ إلى 1205 كلغ مقارنة مع سابقتها من نفس الفئة، وبزيادة طول قاعدة العجلات بمقدار 4 سنتيمترات، وزيادة الطول الإجمالي للسيارة بمقدار 7 سنتيمترات، مما انعكس على رحابة المقصورة الداخلية التي جهزت بمقاعد رياضية جلدية أو نسيجية رفيعة، وهو ما يتجلى بوضوح في المقعد الخلفي الذي يمتاز بإتاحة المزيد من حرية الحركة للأقدام. كما زادت سعة حيز الحمولة بمقدار 15 لتراً، لتصل حالياً إلى 380 لتر. وإذا قام السائق بطي مساند المقاعد الخلفية، تزداد سعة الحمولة بالسيارة A3 Sportback لتصل إلى 1220 لتر.

السؤال هنا :

هل سيكون إستخدام نفس قاعدة العجلات نفس التأثيرات على الأوكتافيا الجديدة ؟

• تخفيض وزنها بـ90 كلغ
• زيادة طول قاعدة العجلات بمقدار 4 سنتيمترات، وزيادة الطول الإجمالي للسيارة بمقدار 7 سنتيمترات
• رحابة المقصورة الداخلية
• زادت سعة حيز الحمولة بمقدار 15 لتراً

[HAITHAM1985]

Volkswagen MQB floor assembly on display at the 2012 Hanover Messe.

[HAITHAM1985]

All MQB cars will share the same front axle, pedal box and engine positioning,

بمعنى إن كل عربية ليها قاعدة عجلات MQB ستتشارك فى :

1- أكس الجر الأمامى ومتعلقاته



2- مجموعة الدواسات ومتعلقاتها



3- موقع المكنة وتوزيع متعلقاتها

ورسميا ...... MQB-based models

هم :

• Audi A3 Mk3
• SEAT León Mk3
• Volkswagen Golf Mk7
• Škoda Octavia Mk3

ما يؤكد أحقية السؤال


لماذا فارق السعر اللى مش قليل بين إصدارات الفولكس والسكودا وأتكلم عن الإصدارات الشبيهه ؟


مع إستبعاد Audi A3 Mk3

[akmm]

هايل .........................

[Moratoz]

نفس الشاسيه في الفلوكس فاجن بس مش نفس الرحابة يعني إحنا متفقين ان الجيتا والأوكتافيا شبه واحد ونفس الشاسيه ولكن الجيتا اقل اتساعا من الأوكتافيا ودا يمكن يكون راجع للمقدمه الهجوميه الجيتا واستخدام جزء اكبر من الشاسيه في هذا الرسم للمقدمه علشان كدة لما يتكلموا عن الشاسيه الجديد ومدي تقديمه لرحابة اكبر اعتقد انها ليست بزات المقياس للأوكتافيا التي هي وسعه اصلا مع شنطه مهوله وان كانت الشنطه هتكبر كام لتر كدة
وعلي فكرة الكلام دا كله ائلي انا قلته مش كلام علمي وانما رأي شخصي مني

[HAITHAM1985]

هايل .........................

شكــــــرا .... بس حاول تتفاعل ولو بالنذر اليسير

[HAITHAM1985]

نفس الشاسيه في الفلوكس فاجن بس مش نفس الرحابة يعني إحنا متفقين ان الجيتا والأوكتافيا شبه واحد ونفس الشاسيه ولكن الجيتا اقل اتساعا من الأوكتافيا ودا يمكن يكون راجع للمقدمه الهجوميه الجيتا واستخدام جزء اكبر من الشاسيه في هذا الرسم للمقدمه علشان كدة لما يتكلموا عن الشاسيه الجديد ومدي تقديمه لرحابة اكبر اعتقد انها ليست بزات المقياس للأوكتافيا التي هي وسعه اصلا مع شنطه مهوله وان كانت الشنطه هتكبر كام لتر كدة
وعلي فكرة الكلام دا كله ائلي انا قلته مش كلام علمي وانما رأي شخصي مني

بغض النظر عن علمية كلامك من عدمه ... أهم حاجة إن أنت بتحاول تلاقى أسباب ...... بس يا رتى نقطة فارق السعر دى إيه رأيك فيها ؟

[hossam_elwani]

تقرير ممتاز

بس ليا سؤال هيا العربيات سالفة الذكر والمشتركه معاها فى الشاسيه مش هيا من نوع الهاتش باك زى الجولف مثلا ازاى يبقى شاسيه واحد ؟؟

[Moratoz]

بغض النظر عن علمية كلامك من عدمه ... أهم حاجة إن أنت بتحاول تلاقى أسباب ...... بس يا رتى نقطة فارق السعر دى إيه رأيك فيها ؟

فارق السعر ساعات بيبقي مقابل تكنولوجيا جديدة زي الفتيس وساعات بتبقي فارق خامات وكماليات زي التابلوة الجديد وقرق الجلد وطبعا تقنيه وسعر التكنولوجيا المستخدمه وساعات بيكون فرق سعر الدولار وساعات بيبقي استهبال فقط من الوكيل + الجمارك

[gebreel]

اعتقد فرق السعر قصة تسويق مش اكثر

انهم بيجافظوا على سعر الفولكس و الاودي و مدينهم مكانة معينة و بيعتبروا الاسكودا الماركة الرخيصة اللي فيهم نسبيا + اكيد استرخاص شوية في الخامات الداخلية مثلا

ده تخمين و فتي و واارد جدا يبقى غلط =)

[طارق _عبد السلام]

احييك على الموضوع المميز
اظن ان مجموعه فولكس لن تترك سياراتها التى تحمل علاماتها تكون رقم 2 لماركه اخرى هى تنتجها
وهى اوكتافيا وايضا لو هناك تكنولجيا متقدمه ستضاف اولا لعلامه فولكس واجن اولا وعندما تقدم قليلا ستضاف الى العلامات الاخرى فى مجموعه فولكس وعلى سبيل المثال اسكودا وسيات لأنهم ليسوا نفس بلد المنشأ الاول وهى المانيا
كان لى تجربه صغيره فى المانياسأحكيها ممكن تفيد كنت فى شركه المانيه متقدمه لصناعه ماكينات النسيج الدائرى وانا فى الدوره التعليميه هذه وجدت فى دوائر الماكينه مقاومات واجزاء الكترونيه صناعه تايوانى وعندما سئلت المهندس اجابنى بأن تكنولجيا الالكترونيات التايوانيه قريبه فى الجوده من الالمانيه بل تضاهيها ولكن بسعر ارخص فقال لى نستعين ببعض اجزاء الكترونيه فقط من تايوان لرخص سعرها بالنسبه للألمانى لنستطيع ان ننزل بسعر للماكينه تنافسى مع ماكينات اخرى
المقصود هنا انه ممكن يتبعوا نفس النهج ايضا فى انتاج السيارات
يعنى اليد العامله فى التشيك ليس بنفس اسعار اليد العامله الالمانيه وايضا بعض المكونات والمواد الخام
اسعارها تختلف من بلد الى بلد آخر وهذا ممكن يعطى فارق فى السعر
ده احتمال وتخمين
تقبل تقديرى

[Formulator]

هو طبعا فرق تكلفة التصنيع والخامات والمكونات -زى ما الإخوة قالوا،
+ الـmarketing-strategies أو فروق العلامات التجارية

يعنى زى ما الأستاذ طارق _عبد السلام قال
قد يكون فقط الشاسيه والموتور والجيربوكس (الأجزاء الأساسية) هما اللى بييجوا من ألمانيا..
(وقد يكون الموتور مثلا بيتعمله assembly فـ كذا مصنع)؟!!
- وباقى العربية كله بيبقى Local من التشيك أو أسبانيا -للسيات، طبعا بتبقى أرخص!!

بالنسبة للعلامة التجارية واللوجو:
كلنا عارفين ان الأودى هى الـLuxury/premium براند فـ مجموعة VW
الـVolks نفسها تقدر تقول Eco أو كومباكت فـ أعلى فئة الشعبى
والإسكودا والسيات عربيات إقتصادية -شعبية.. وكده

أساسى لازم يميز الأودى (عشان يبرر فرق السعر) فـ المكونات والتجهيزات.. ده مش كده وبس؟!!
دا ممكن لما يستثمر فـ الأبحاث والتطوير.. ويطلع تكنولوجى جديدة -- ينزلها فـ البراندات الـpremium أو الـSport الأغلى الأول (عشان يلم فلوسه اللى حطها فـ الـR&D)؟!!
وبعدين ينزلها down للماركات الأقل فالأقل...

أمثلة - راجع توقيت نزول التكنولوجى داخل مجموعة VW فـ عربياتها:

1- مواتير الـTSI
إستفاد بتكنولوجى أودى فـ الحقن المباشر FSI
أودى نفسها هى اللى طورت للمجموعة مواتير الـTFSI
(للمواتير الكبيرة ثم للمواتير الصغيرة)
وعمل مواتير الـTSI للفولكس
آخر ماركتين وصلتلهم تكنولوجى/مواتير الـTSI هما الأرخص: سيات-سكودا

2- فتيسات الديوال-كلتش أو الـDSG
الأول كانت فـ البورشه PDK
نزلها بعدها للأودى اللى هى S-Tronic
وبعدها بفترة نزلها للـVW ثم السيات بإسم DSG
وفـ الآخر نزلها فـ السكودا

قيس الكلام ده على كل حاجة فـ VAG.. وآخرها شاسيه الـMQB اللى بدأ فـ الـA3

وماتنساش ان زمان -ولحد دلوقتى- شاسيه الجولف هو اللى كان modular بتركب عليه كل العربيات دى: جولف-جيتا-A3-أوكتافيا

- لما أودى تعمل platform جديد أخف وأكثر صلابة (الـMQB) وطبعا ينفع لكذا عربية...
يبقى من البديهى جدا -من باب تقليل التكلفة- ان VW تستخدم الشاسيه ده لكل عربيات الفئة دى!!
بمبدأ الـEconomy-of-Scale وتوحيد مكونات لإنتاج لتقليل تكلفة التصنيع
حاجة أخيرة
بالنسبة لموضوع الأسعار والفروق
- فـ شركة بحجم VW مش المهم الشاسيه والموتور (أو مش هو ده اللى بيحدد السعر)
الأهم: أيه اللى هيتبنى على الـplatform ده: براند أيه؟؟ وتجهيزاته أيه؟!!!

Rgds،

[Formulator]

من ركيب قديم لجولف4.. وألفا156
وعاشق للـVW والفيات (لأنهم أكثر شركتين تشابها فـ العالم)
مع الأخذ فـ الإعتبار ان الألمان أفضل فـ التخطيط والتسويق -والإيطالى لا ينقصه التكنولوجى المتفوقة..

فولكس عندها: بورشه وبوجاتى وبنتلى وأودى وفولكس وسيات وسكودا
وفيات عندها: فيررارى ومازيراتى وألفاروميو ولانشيا وأبارث وفيات

الإستراتيجى دى (البراندات وفروق الأسعار) Typical فـ مجموعة فيات بردو..

الشاسيه بييجى من الفيات
المواتير والفتيسات كلها من Fiat Powertrain Technologies
(مع الفرق ان المواتير الكبيرة مابتنزلش فـ الفيات الشعبى، فقط الألفا واللانسيا)
الأفكس بقى: التصنيع والتجميع -للعربيات نفسها- قد يكون فـ نفس المصانع؟!! وبنفس المكونات كمان؟؟!!!

شوف بقى الأسعار
- الفيات أرخص حاجة الـEco
- الأبارث ده الـTuning-Arm بتاع فيات أغلى بشوية
- اللانسيا ده الـLuxury بيبقى أغلى شويتين
- الألفاروميو ده الـSport/Performance division.. بيتباع أغلى شويتين-3-4

تقوللى بقى ألفا عفشتها MultiLink وفيها زرار DNA وتصميماتها فاجرة
اللانشيا فرش جلد الكانترا وفريم Magnesium و Titanium
طب ماهى الشاسيهات والمواتير والجربوكسات واحد؟؟!!!
مفيش الكلام ده!! هو كده؟!!! هههههههههههه

- المواتير التربو T-JET تنزل فـ الألفا الأول (وبباور أعلى Tune)
- الفتيسات الديوال كلتش TCT تنزل فـ الألفا وبعدين اللانشيا والأبارث والفيات فـ الآخر
- أى تكنولوجى جديدة: مواتير MultiJET تربو-ديزل عفشة MultiLink تنزل فـ البراند الأغلى الأول؟!!!

Rgds