معلومة مهمة لوجة الله للصيانة

[thenders]

[justify]
اولا الموضوع يختص على صيانة الأسكودا والجيتا والباسات بجميع أنوعهم وعن تجربة لاحظت فى المنتدى كام واحد مشهوريين للصيانة بالرغم انو يوجد ناس اخرى بنفس الكفاءة او اعلى شوية ودة مش معناة انى بقلل من قيمتهم طبعا هما ناس ممتزين برضو بس حبيت اضيف عليهم واحد بعد التجربة هو واحد فى الحرفيين شهرتة الشيخ احمد وهو متخصص فى الأنواع الى زكرتها فقط الراجل دة بصراحة أبهرنى بأنو حافظ كل مسمار فى العربية والحمد لله عندو حل لمعظم المشاكل الى نعرفها ويمتاز كمان فى أسعار مصنعياتة والطقم الى شغال معاة ناس محترمين جدا وفهميين ونضاف فى الشغل الى بيميز مكان الراجل دة انو جمبو اكتر من محل قطع غيار سواء استيراد أو جديدة يعنى مش هتقعد تلف قد كدة عشان تجيب حجتك عموما انا قلت أقول يمكن حد يستفاد وعناون الورشة بتعتة فى الحرفيين بجوار جامع أسمة الجامع الكبير وبجوار أيضا مهران بتاع قطع الغيار ودة رقم تليفونة أذا حد حب يستفسر عن حاجة أو يرحلة 01007629024 أنا عن نفسى عربيتى اوكتافيا a5 وبأذن الله مش هروح لحد غيرة أثناء أى صيانة
[/justify]

[S O P H O S]

مشكورررر علي الافادة ..

[طارق _عبد السلام]

نشكرك على الافاده

[Moratoz]

طبعا مشكور
بس قول لينا انتا كنت عملت ايه عندة وطلع حلو وكام كانت المصنعيه

[المنسي]

ياريت تنقل لنا تجربتك معاه والشغل اللى عمله فالعربية وكده يعني

[thenders]

بص ياباشا انا أول مرة غيرت زيت فتيس وزيت موتور والفلتر طبعا وربطلى العفشة وكشف على العربية بالكمبيوتر بعد كدة غسلى الماتور وطبعا الى أهم من تغير زيت الفتيس هو غسيل الفتيس نفسة فك الكرتيرة بتاعت الفتيس والمصفة والكلام دة كلة وقام غاسل الفتيس من جوة والصفاية والكرتيرة وخلااهم أكنهم جداد الى عجبنى فى الموضوع دة كلة النضافة بتاعت الشغل مش يفضى الزيت ويحط التانى وخلاص المهم جبلى زيت فتيس المانى العلبة كانت 95 جنية جبلى 5 علب والفتيس خد حوالى 4 علب ونص وقلى دة لازم تغيرة بعد 40 ألف كيلو وخد فى القصة دى كلها مصنعية 80 جنية والى شغال معاة أديتو 20 جنية تانى مرة بقى غيرت عوامة البنزين والبوجيهات ومقاس الزيت وفلتر البنزين وبرضو صرفت حوالى 100 مصنعيات هو والكهربائى بس وكان وهو شغال كنت بسئلو حبت أسئلة كدة كان بيجوبنى بصراحة على كل حاجة أكنو حافظ العربية هو الموضوع بأختصار أنك بتحس أنى العربية فى أيد أمينة مش واحد بيفك ويركب وخلاص يعنى فاهم مش حافظ

[Moratoz]

ببلاش والله رخيص وكويس وعندة يردة كمبيوتر أعطال بكشف بيه علي العربيه
حضرتك عربيتك a4 صح كدة ولا حاجة تانيه

[EngAhmedSayed]

مشكور على نقل التجربه
و ان شاء الله خير على كل شىء
و ياريت لو حد من الاعضاء الافاضل اتعمل فى نفس الموضوع او هيتعمل ياريت ينقل التجربه يا جماعه
علشان نتاكد من الموضوع كامل
ربك المستعان

[Moratoz]

بس مش غريبه شويه ان العرييه a5 ويتم تغير الزيت الكيلو ب٩٥جم فقط المعروف ان ثمن الكيلو حوالي ٢٥٠ جم ولا وا محطش زيت اصلي
ومعلش سؤال صغير تاريخ الصيانه المذكور في الموضوع أمتي

[thenders]

يجماعة أنا نفسى بس أوضح حاجة مفيش حاجة أسمها زيت أصلى المقصود من الكلمة دى هو أنو الزيت بيقعد أكبر فترة ممكنة من غير مايتوسخ وبعدين هقول على أهم حاجة لو حطيتو الزيت يارب حتى يكون الكيلو 1000 جنية من غير متنظفو الفتيس ويتغسل كويس هو والصفاية والكرتيرة والكلام دة كلة ساعتها الزيت ملوش أى لزمة والراجل بصراحة قلى قبل 40 ألف كيلو لازم الزيت دة ينزل أنما الزيوت التانية هى الى هى تمنها من 200 الى 250 بتقعد حولى من 60 ألف كيلو لحوالى 70 ألف وتنزل نظيفة بس مش معنى كدة أننا نجيب برضو زيت مجهول الهواية ونحطة هو حطلى زيت كدة ألمانى مشهور بس فعلا مش فاكر أسمة بصراحة وأتمنى أنى أكون فيدكو

[Moratoz]

يجماعة أنا نفسى بس أوضح حاجة مفيش حاجة أسمها زيت أصلى المقصود من الكلمة دى هو أنو الزيت بيقعد أكبر فترة ممكنة من غير مايتوسخ وبعدين هقول على أهم حاجة لو حطيتو الزيت يارب حتى يكون الكيلو 1000 جنية من غير متنظفو الفتيس ويتغسل كويس هو والصفاية والكرتيرة والكلام دة كلة ساعتها الزيت ملوش أى لزمة والراجل بصراحة قلى قبل 40 ألف كيلو لازم الزيت دة ينزل أنما الزيوت التانية هى الى هى تمنها من 200 الى 250 بتقعد حولى من 60 ألف كيلو لحوالى 70 ألف وتنزل نظيفة بس مش معنى كدة أننا نجيب برضو زيت مجهول الهواية ونحطة هو حطلى زيت كدة ألمانى مشهور بس فعلا مش فاكر أسمة بصراحة وأتمنى أنى أكون فيدكو

انا مختلف في هذه الأفادة مع سيادتكم علشان موضوع الزيت دا علي الأخص أكثر العربيات الأوكتافيا بتشتكي منه وانا والهم وكل مراكز الصيانه الخارجيه بردة بيقولة كدة فهل التجربه مع سيادتكم مر عليها كام كيلوا وتاريخها أمتي علشان يكون الحكم علي الموضوع دا

[karamfone]

مشكور اخى على الافادة بارك الله فيك
لو اسعارو زى ما بتتكلم وبالنضافة دى
ربنا يباركلك ويباركلو ان شاء الله
ولازم نعملو دعايا ونجيب الناس اللى تعبت من الميكانيكةي الغير نضيفة والغالية فى السعر بدون فائدة
انا عن نفسى معايا فابيا 2004 العربية دى بحبها قوى بس المشكلة ان الميكانيكية يا مش فاهمين وطبعا خايف حد يلعب فيها لان الغلطة بفورة
يا فاهمين ومش نضاف وغالين فاربنا جعلك سبب على شان تنورنا طريق الراجل

[thenders]

ربنا يوفقك الجميع يارب