مساعدة في تركيب فتيس اوتو في الـ a4

[eng_ahesham]

السلام عليكم و رحمة الله و بركاته
نويت ان شاء الله اركب للعربيه فتيس اوتوماتيك
العربيه اوكتافيا a4 موديل 1998 وارد فرنسا ( كانت علي حس المعاقين :) )
وفيها الماتور lk ( الصغير )
عاروز اعرف اجيب الفتيس منين
هيكلفني كام
بيجي معاه ايه بيركب في العربيه
هحتاج اغير التابلوه ولا لآ
مساويء الموضوع ده ايه ( لو ليه مساويء)
ترشحولي حد اركب عنده الفتيس ده
لو محتاجين مثلا اصورلكم شكل الحوض او اي حاجه تاني قولولي
ومتشكر جدا مقدما يا رجاله

[Moratoz]

بيعها زي ما هي أحسن واشتري سيارة أخري اوتوماتيك بدل وحع دماغ الصنيعيه وعدم فهمهم

[eng_ahesham]

يعني مفيش امل ؟؟؟

[Moratoz]

مش دا القصد وانما بلاش تلعب في حاجات كتير فأحسب تكلفة الشراء والتعديلات وبناء عليه يكون قرارك ولو عايز هناك مركز مهندس هاني عند حديقة بدر ومهندي محمد سمير في النزهة هما الأثنين شركاء ممكن حضرتك تذهب لأحدهما وعرض الموضوع عليه وأخذ رأيهم حيث يمون رأيهم هو الأقرب للتنفيذ بناءا علي خبرتهم العمليه وليست النظريه مثلنا

[eng_ahesham]

طيب ممكن العنواين بالتفصيل و التليفونات
ومتشكر جدا لحضرتك

[Moratoz]

مهندس هاني جسر السويس تخش جانب حديقة بدر مباشرة وتعدي مزلقان السكه الحديد تلاقيه مباشرة علي اليمين
محمد سمير تخلي حديقه بدر علي شمالك وتكمل في اتجاه مصر الأسماعيليه تلاقي بنزينه علي ايدك اليمين تدخل الشارع السابق لها مباشرة ئلي علي نصيته البنزينه تمشي شويه هتلاقي شارع واسع علي الشمال تخش فيه تمش تلاقيه بجوار مركز خدمه لمرسيدس علي الشمال

[Land_Cruiser]

بيعها زي ما هي أحسن واشتري سيارة أخري اوتوماتيك بدل وحع دماغ الصنيعيه وعدم فهمهم

+11111
الموضوع ده هتبقى فى الاغلب نتيجته عربيه فيها مشاكل لا هى مانيوال و لا حصلت اتوماتيك و ده بالاضافه للمبالغ اللى هتصرف عليها. فعلا الافضل تبيع و تشترى اتوماتيك و توفر وقتك و فلوسك و حرقه الدم مع الصنايعيه و خللى بالك الشعب المصرى لا يمكن يقولك ما اعرفش او ما ينفعش علشان اى حد هتروحله هيعملك البحر طحينه و هيقولك الموضوع سهل و بعد ما تشترى الفتيس و الحاجات اللى هيطلبها وارد جدا تطلعله مشاكل يفضل يصلح فيها إذا عرف و ممكن فى الاخر تضطر تعيش ببعض المشاكل. النصيحه ابعد عن الطريق ده

[amrelsaqqa]

بيعها وهات اوتو ، العربيات دى ما بتحبش اللعب والعك الكتير ..
تحياتى ..

[Moratoz]

+11111
الموضوع ده هتبقى فى الاغلب نتيجته عربيه فيها مشاكل لا هى مانيوال و لا حصلت اتوماتيك و ده بالاضافه للمبالغ اللى هتصرف عليها. فعلا الافضل تبيع و تشترى اتوماتيك و توفر وقتك و فلوسك و حرقه الدم مع الصنايعيه و خللى بالك الشعب المصرى لا يمكن يقولك ما اعرفش او ما ينفعش علشان اى حد هتروحله هيعملك البحر طحينه و هيقولك الموضوع سهل و بعد ما تشترى الفتيس و الحاجات اللى هيطلبها وارد جدا تطلعله مشاكل يفضل يصلح فيها إذا عرف و ممكن فى الاخر تضطر تعيش ببعض المشاكل. النصيحه ابعد عن الطريق ده

تمام التمام