تأملات اخر الليل

[mohammedrefaat]

و انا قاعد مع نفسى بليل سالت نفسى سؤال واحد
ســـــــؤال واحــــــد فــقـــــــــــط

هى ليه سكودا ماتنزلش فى عربياتها فتيس cvt
فتيس يديلك عدد لا نهائى من النقلات
فتيس ماتحسش معاه بالنقله و العربيه تمشى زى السكينه فى الحلاوة
فتيس مش بيبوظ و مالوش اى مشاكل ( حتى تاريخه )
فتيس بيخليك تستغل قوة الموتور بالكامل من غير ما يتعبه

و فى الاخر اقلكم ..... مجـــــرد تاملات فى اخل الليل

ما حدش بيتامل زيى

[S O P H O S]

يا باشا من حقك
انا بتأمل ان شركة تويوتا تفتح مصنع فمصر
اهو امنية فالاخر ..

[Moratoz]

علشان بتحاول تعتمد تقنيات تكنولوجيه خاصة بمجموعة فولكس وفي الاخر تيجي علي دمغنا

[dozo]

ياريت تعمل كده .
و من المفترض ان التكنولوجى العالى يخدم العملاء و ميجيش على حساب الاعتماديه اللى الناس بتدفع مبلغ مش شويه فيه عشان المانى و قطع غياره المعمره . لكن و بالرغم من مشاكل dsg اللى من اول 2009 الا ان vw مصممه عليه و بكتيرها بتغير الفتيس طب و بعد الضمان ؟؟؟ حتى لو فى الضمان ليه ابقى شارى عربيه بالسعر ده و ماشى قلقان و النتيجه هبوط مبيعات vw بدرجه كبيره و ده اللى متوقعه للاوكتافيا . بس مين عارف ربنا خلاف الظنون.

[EngAhmedSayed]

هههههههههههههههههه
و قطع الغيار قلى عندهم يعملو فيها ايه
و له انتا مش معايا
شركة شفروليه لما اشترت خط الانتاج دايو لانوس و سالو منصور شفروليه العربيه منتشره فى الشارع المصرى يعنى خلاص السوق شبع منها قالهم كلمه نسد بس على صيانة و قطع غيار الانوس قلى ماشيه فى الشارع هههههههههههههههههههههههه
ناس بتحسبها صح

[mohammedrefaat]

و الله اهو الواحد بيحلم
يمكن يعملوها و يعدلو وحدة الميجاترونك فى فتيس dsg محدش عارف!!!

يمكن سعرها ينزل شويه و ربنا يكرمنا

يمكن ..............!!!

[Mohamed Bander]

و الله اهو الواحد بيحلم
يمكن يعملوها و يعدلو وحدة الميجاترونك فى فتيس dsg محدش عارف!!!

يمكن سعرها ينزل شويه و ربنا يكرمنا

يمكن ..............!!!

انت اكيد بتحلم بده كله علشان مستحرم تدفع الفلوس في الشكل القديم ونفسك في الشكل الجديد وخايف

انا عن نفسي كنت عايز كده زيك ،، بس في حاجه تانيه انا فكرت فيها،، ان ماينفعش ادفع مبلغ كبير في شكل جديد بس محدش لسه جربه كآداء واعتمادية وسعر اعادة بيع فكل ده خلاني أضحي بالشكل الجديد واخد القديم اللي ليها ٣ سنين ماشية والناس مجربينها مش انا اجرب في نفسي :)))))

وبعدين برضه الشكل الخارجي مش هو كل حاجه وانا كبني ادم بعد ما جبت الفانتازيا اكيد هبص للبي ام ،، فمهما جبت هبص لغيرها ،، فتوكلت علي الله تاخد وقتها معايا وهتحصل اللي قبلها

تقبل مروري

[mohammedrefaat]

انت اكيد بتحلم بده كله علشان مستحرم تدفع الفلوس في الشكل القديم ونفسك في الشكل الجديد وخايف

انا عن نفسي كنت عايز كده زيك ،، بس في حاجه تانيه انا فكرت فيها،، ان ماينفعش ادفع مبلغ كبير في شكل جديد بس محدش لسه جربه كآداء واعتمادية وسعر اعادة بيع فكل ده خلاني أضحي بالشكل الجديد واخد القديم اللي ليها ٣ سنين ماشية والناس مجربينها مش انا اجرب في نفسي :)))))

وبعدين برضه الشكل الخارجي مش هو كل حاجه وانا كبني ادم بعد ما جبت الفانتازيا اكيد هبص للبي ام ،، فمهما جبت هبص لغيرها ،، فتوكلت علي الله تاخد وقتها معايا وهتحصل اللي قبلها

تقبل مروري

مرورك على راسى
طبعا انت مش قادر تتلم على نفسك من ساعه ما جبت العربية (( ياااااا بختك ))

انا فعلا دورت على بى ام و لقيت واحده 318 i بس حسيت انى هاتركب فى الضريبه و البنزين و الصيانه التلاته مع بعض

روحت قايم ... دخلت الحمام ... غسلت وشى علشان افوق نفسى و ارجع اعيش عيشة اهلى

المهم ..
روحت راجع للفانتازيا ( حبيبة قلبى )

قلت لو ماعرفتش اجيب الفئة التانيه وكيل زيرو ــ لانى تقريبا نزلت عند معارض كتير و كله مش بيرضى يحجز لانه مش ضامن العربيه تنزل تانى ــ تخيل شمير ريان مايرضاش يحجز و يقوللى ماقدرش احجز حاجه مش عندى

المهم قررت انى ادور على كسر زيرو ( فى حالة لو ماعرفتش اجيب الزيرو )

وربنا يهدينى و يهدى سرى و يباركلى فى القرشين اللى حيلتى .. دانا واخدهم سلفه من البنك

[Mohamed Bander]

مرورك على راسى
طبعا انت مش قادر تتلم على نفسك من ساعه ما جبت العربية (( ياااااا بختك ))

انا فعلا دورت على بى ام و لقيت واحده 318 i بس حسيت انى هاتركب فى الضريبه و البنزين و الصيانه التلاته مع بعض

روحت قايم ... دخلت الحمام ... غسلت وشى علشان افوق نفسى و ارجع اعيش عيشة اهلى

المهم ..
روحت راجع للفانتازيا ( حبيبة قلبى )

قلت لو ماعرفتش اجيب الفئة التانيه وكيل زيرو ــ لانى تقريبا نزلت عند معارض كتير و كله مش بيرضى يحجز لانه مش ضامن العربيه تنزل تانى ــ تخيل شمير ريان مايرضاش يحجز و يقوللى ماقدرش احجز حاجه مش عندى

المهم قررت انى ادور على كسر زيرو ( فى حالة لو ماعرفتش اجيب الزيرو )

وربنا يهدينى و يهدى سرى و يباركلى فى القرشين اللى حيلتى .. دانا واخدهم سلفه من البنك

والله انا اساسا مش عارف أتلم علي العربيه لان لسه مرخصتش لدلوقتي :))))

طيب بدل ما تجيب كسر زيزو خد الفئه الاولي اوتوماتيك انت بس هتسيبك من السنسور والجنوط والزينون بس معاك عربيه زيرو