كيفية تشغيل الموسيقي من الموبيل على البلوتوث

[lord0000]

السلام عليكم

عندي حاجة مش فاهمها في الفانتازيا بعرف أتكلم من البلوتوث عادي جدا وبيشوف الموبيل وكل حاجة تمام لكن مش بيرضى يشغل أي موسيقى أو أي حاجة صوتية من الموبيل ولا البلوتوث .. حد يقدر يساعدني

[طارق _عبد السلام]

السلام عليكم

عندي حاجة مش فاهمها في الفانتازيا بعرف أتكلم من البلوتوث عادي جدا وبيشوف الموبيل وكل حاجة تمام لكن مش بيرضى يشغل أي موسيقى أو أي حاجة صوتية من الموبيل ولا البلوتوث .. حد يقدر يساعدني

هو نوع الكاسيت الموجود عندك ايه rns315
ولا الصغير

[lord0000]

مش عارف الموديل بالضبط لكن مش الصغير الكبير موديل 2010

[طارق _عبد السلام]

مش عارف الموديل بالضبط لكن مش الصغير الكبير موديل 2010

هات من القائمه بتاع الايوكس والكارد والاسطوانه والبلوتوث
اضغط على بلوتوث
وبعدين اعمل بحث بلوتوث بالموبايل عند لحد مايعمل اتصال مع الكاسيت واسمع براحتك

[lord0000]

هجرب وشوف ومتشكر جدا على الإهتمام

[lord0000]

للأسف مشتغلتشي برده والغريب إني جربت موبيلي على فانتازيا تانية موديل 2012 اشتغلت ... يا ترى فيه فرق في البلوتوث فيرجن هارد أو سوفت وير؟؟

[hany63]

اه طبعا في اختلاف في الفيرجن بتاع البلوتوث
الاحدث بينزل ببروتوكول اسمه a2dp وده المسئول عن تشغيل الموسيقى بالبلوتوث

[Moratoz]

اه طبعا في اختلاف في الفيرجن بتاع البلوتوث
الاحدث بينزل ببروتوكول اسمه a2dp وده المسئول عن تشغيل الموسيقى بالبلوتوث

الفيرجن الخاص بالبلوتوث قصدك في التليفون ولا ئل في الكاسيت وبعدين هوا قال انه شغل التليفون الخاص بيه علي سيارة فانت أزيا اخري فهل حضرتك تقصد فيرجن البلوتوث الخاص بالكاسيت

[شاهين - بنز]

ممكن يكون موبايلك قديم
يعني مثلا أنا معايا نوكيا e72 لو وصلته بالعربية وهي شغالة مبيرضاش يشغل الموسيقى وتيجي تعلي أوتوطي الصوت تلاقيه مهنج لكن لو شغلت البلوتوث بتاع الموبايل الأول وبعدين دورت العربية وسبتها تتعرف لوحدها عالموبايل بيشغل الموسيقى عادي من غير مشاكل جرب الحركة دي وقولنا

ولو مش طالعلك أوبشن البلوتوث أوديو دوس على الزرار إللي زي بتاع الصوت بس إللي على يمينه دوسة طويلة حيفتحلك قايمة الكاسيت وأتأكد من خلالها إنك مفعل البلوتوث أوديو

[lord0000]

أنا اتأكدت بنسبة كبيرة إنها مشكلة كاسيت سوفت وير أو هارد مش فارقة لكن الموبيل بتاعي شغال عادي على كذا فانتازيا 2011 و 2012 .... السؤال بقى هو فيه سوفت وير upgrade للكاسيت ؟؟؟؟

[Ahmed gouda]

حليت الموضوع ازاي انا عندي نفس المشكله

[abohalmos]

انا معايا اوكتافيا a5 .. اليجانس ٢٠٠٨ .. هل ممكن تشغيل الموسيقي من الموبيل ( ايفون 5 ) علي البلوتوث اللي في الكاسيت بتاعها و لا لا ؟؟؟انا بتكلم مكالمات بمنتهي النقاء و التحكم و البحث من الدركسيون يعمل بكفاءة بالمناسبة

[KABOKY_2010]

انا بردوة معايا فانتازيا 2010 الفئة الثانية وبتكلم من البلوتوث زى الفل بس مش بعرف اشغل اغانى خالص لدرجة انى جايب وصلة aux عشان اسمع الاغانى من الموبايل هل فى طريقة اشغل بيها الاغانى من الموبايل عن طريق البلوتوث

[unisman]

يا جماعه انا عامل موضوع مشابه
اتكلمت مع الاخ الفاضل inspirion و قالي اعمل تحديث لسوفت العربيه كله بما فيه الكاسيت و كله
هيبقي تمام باذن الله

[احمد الشاطر]

شرح

السلام عليكم انا معاية فنتازية 2012 وعايز اشغل اغاني عن طريق البلتوث ارجو شرح مفصل عن طريق التشغيل اكون شاكر لكم وشكرا