الفانتازيا مش بتجرى ..

[MOstafa Hashem]

السلام عليكم

يا جماعه الفانتازيا بتاعتى تقيله اوى فى السحب ومش حاسس انها 102 حصان خالص وحاسس ان العربيه مخنوقه وتقيله وصوتها عالى ولما بطلع من وضع التوقف بحس انى بطلع بسفينه .. وكل لما اقول لحد على الموضوع ده يقولى يعم انتا راكب فانتازيا المفروض تطير ..

مع العلم انى كنت راكب اوبل فيكترا 95 موتور 1800 مانوال وكنت واخد على الشد والجرى ..

ممكن يكون السبب انى متعود على الأوبل او انى خنقت العربيه وهيا لسا زيرو علشان انا مكنتش بجرى بيها خالص وكنت بعاملها بحنيه أوى

العربيه انا كنت جايبها زيرو و دلوقتى هى 16000 كيلو ..

ارجو الافاده من الملاك ..

[buddha]

محتاجة تنظيف الحساسات

[Moratoz]

هل الأحساس دا جديد ولا من يوم ماجبت العربيه

[المنسي]

ممكن تكون بعد فترة التليين مفتحتش الموتور بتاعها يعني مشديتش بيها جامد او محتاج تنظيف رشاشات زى ما الزملاء قالو

[خالد عادل]

حاول تغير المكان اللي بتجيب منة البنزين ... لان حصل معايا كدة كنت فولت من اويل لبيا في طريق مصر الاسكندرية والعربية فضلت متشقلبة ولا بتجري ولا تشد وتقيلة ومش موزونة استنت لغاية اخر ٥ لتر ورحت فولت من موبيل اللي في روكسي العربية رجعت تاني زي الفل

[الع العمدة مدة]

هيا اساسا كدا لانها محطوطة علي الماتور الغلط@

[sas5]

هيا اساسا كدا لانها محطوطة علي الماتور الغلط@

السلام عليكم ورحمه الله
معذره انا مش فاهم يعنى ايه محطوطه على الماتور الخطا ؟

[lanos2004]

الفانتازيا اصلا مبتجريش
وتقيله على ماتورها
جريت معاها كتير من اسهل العربيات الى يتعلم عليها فى الطرق المفتوحه

[الع العمدة مدة]

السلام عليكم ورحمه الله
معذره انا مش فاهم يعنى ايه محطوطه على الماتور الخطا ؟

يعني الشركة منزلنها علي ماتور مش قد حملها عشان الجمارك عشان تحس بطلعة العربية ديه لازم عل الاقل ماتور متربن صغير او 2000 سي سي عادي عشان يستحمل وزنها
من الاخر العربية عاوزه عزم اعلي شوية عشان الطلعة وفي الحقيقة هيا عاوزة شوية احصنة كمان عشان قليلة اوي@
واكيد هتنزل تربو الشكل الجديد
يعني عندك مثل المرسيدس الشبح s320 98 يعتبر احصنة قليلة شوية عل عربية بالمنظر ده لاكن عزمها جبار وبتاخد كل عزمها عند rbm قليل اوي ده المفروض الي يتعمل مع الفانتازيا عاوزة ماتور عزمه اشد شوية

[Land_Cruiser]

وارد جدا يكون السبب فى البنزين المغشوش . هو معظم الاوروبى تجميعه فى الاول بطئ مقارنه بالاسيوى لكن بعد كده بتجرى عادى و بتقفل عداداتها. جرب حضرتك تحط من بنزينه تانيه بعد ما تخلص البنزين اللى موجود فيها دلوقتى و لاحظ الفرق . لما البنزين بيبقى مغشوش العربيه ما بتسحبش كويس و ما بتجريش و كمان استهلاكها للبنزين بيبقى اقل من المعتاد و مش متناسب مع الكيلومترات المقطوعه

[الع العمدة مدة]

وارد جدا يكون السبب فى البنزين المغشوش . هو معظم الاوروبى تجميعه فى الاول بطئ مقارنه بالاسيوى لكن بعد كده بتجرى عادى و بتقفل عداداتها. جرب حضرتك تحط من بنزينه تانيه بعد ما تخلص البنزين اللى موجود فيها دلوقتى و لاحظ الفرق . لما البنزين بيبقى مغشوش العربيه ما بتسحبش كويس و ما بتجريش و كمان استهلاكها للبنزين بيبقى اقل من المعتاد و مش متناسب مع الكيلومترات المقطوعه

ااممممم متاكد الفاتنازيا بتقفل عدادها ؟

[Land_Cruiser]

ااممممم متاكد الفاتنازيا بتقفل عدادها ؟

ايوه يا فندم و عن تجربه مش سمع من حد

[الع العمدة مدة]

ايوه يا فندم و عن تجربه مش سمع من حد

هههههههههه طيب ياريت فيديو بس ل 1.6 ههههه + مش عدادها 240 علي ما اعتقد لو جابت 220 بركة لان هي ولا عمرها هتجيبه الا لو في منزل هههههههههههه

[الع العمدة مدة]

ايه ماردتش ليه عمال تدور في يوتيوب ومش لاقي وحدة مقفلة العداد صح ؟ هههههههههههههههههههههههههههههههههههههههههههههههههه هه

[lanos2004]

الفانتازيا لو جابت ١٩٥ مش في منزل نعمل فرح ونقول لولولي
الفانتازيا ثبات فرامل شياكه سرعه لاااااااااااااااااا