أسعار قطع غيار a4 2007 من الهاشمية

[magedkahla]

السلام عليكم ورحمة الله وبركاته
انا النهردة كلمت الهاشمية و سألت على قطع الغيار عندهم بكام ده بعد ما انت دلتوني عليها وقولتولي زي التوكيل حاجتو كلها اصلية بس اسعرها اخف من التوكيل فجبت أسعار شوية حجات كدة قولت يعني ده اهم حجات بنحتاجها معلش بقى الموضوع مش منظبم بس انا ده اول مرة اعمل موضوع والكلام ده انشاء الله مع التعود يبقى المواضيع الجاية احسن
طبعا قطع الغيار لأوكتافيا a4 2007
نبدأ بقى في المهم
تيل فرامل امامي 375 جنيه طبعا ده إل من غير فيشة ومعرفش إل بفيشة ده بيركب على انهي نوع ومعرفش فايدتو ايه بس انا فاكر اني لما غيرت التيل بتاعي كان من غير فيشة
تيل فرامل خلفي 385 جنيه
معرفش ليه إل وراى اغلى
طنابير امامي 750 جنيه
طنابير خلفي 1250 جنيه ومعرفش ليه بردو اغلى
سير كاتينة 200 جنيه
بلي الكتينة 375 جنيه
سير دنمو 245 جنيه
بكر الدنمو 135 جنيه
فلتر هواء 110
فلتر بنزين 75 جنيه
فلتر تكيف 90 جنيه
بوجيهات 195 جنيه
زيت فتيس بــ 175 بتاع 4 كيلو والفلتر 245 جنيه
وطبعا إل فوق ده سعر الكيلو
مبرد زيت فتيس وكان عامل 1850 جنيه مش عارف ليه غالي اوي كدة
وعلبة الشكمان الآمامية عاملة 4850 جنيه إل هي بتاعت البيئة
بردو غالية اوي وانا عندي المكانيكي قالي العلبة بايظة وعايزة تتغير هي ومبرد الفتيس طبعا الأهم مبرد الفتيس وعلبة البئية سعات بطلع صوت عالي كدة مش عارف لو سبتها هيبق ليها اضرار ولا لأ وانا متشائم من الإستراد لإني جبت مبرد فتيس استيراد وطلع بايظ فقولت اصلي وخلاص
ايه رأيكم بقى في الأسعار يا ريت لو حد شايف حاجة غالية يقولي طبعا انا مش هجيب كل ده بس قولت طلاما كلمتهم اعرف فكرة عن قطع الغيار إل جت على بالي ساعتها انا عايز بس مبرد الفتيس وزيت فتيس و علبة الشكمان فإيه رأيكم اجيبها من هناك ولا فيه حتة تانية ارخص وتكون حاجتها اصلية ومضمونة

[Moratoz]

الهاشميه قطع الغيار عندة اصلي ولو غليه فهي أرخص من الاصلي برة وايه حاجة تانيه أرخص كتير مش اصلي

[mostafa3000]

علبة البيئة جيبها استيراد
أنا جبتها ب ١٥٠٠ وشغالة معايا زي الفل الحمد للة

[Moratoz]

علبة البيئة جيبها استيراد
أنا جبتها ب ١٥٠٠ وشغالة معايا زي الفل الحمد للة

حبتها منين

[EngAhmedSayed]

موضوع جميل
عن اسعار قطع الغيار
جزاك الله كل خير
و منتظرين منك تقرير و مواضيع تفيد الاخوه هنا فى القسم
وربنا يبركلك فى عربيتك و يكفيك شرها

[magedkahla]

الهاشميه قطع الغيار عندة اصلي ولو غليه فهي أرخص من الاصلي برة وايه حاجة تانيه أرخص كتير مش اصلي

ما ناس كتيرة هنا في المنتدى قالتلي كدة وإل خلاني اركز عليه اوي انو مش بعيد اوي بالنسبالي

[magedkahla]

علبة البيئة جيبها استيراد
أنا جبتها ب ١٥٠٠ وشغالة معايا زي الفل الحمد لله

المشكلة انا معرفش حد بتاع استيراد و فيه مكانيكي جابلي قبل كدة الكولر بتاع الزيت وطلا لا بيبرد ولا نيلة لما روحت لأحمد زاهر قالي ده بايظ و عايز يتغير حتى انا استغربت انو مكشفش عليه انا حاجكتلو على ان العربية بتتأخر في النقلات قالي علطول الكولر و هو قالي عندو الإستيراد بــ 800 و الصيني 700 و الأصلي في الهاشمية فأنا محتار الصراحة وعلبة البيئة لقيتها في التوكيل بــ 11 ألف جنيه طبعا صدمت من المبلغ وقولت انا ابيع العربية احسن وبردو 4000 مش قليل يعني وهل هي مينفعش تتصلح ولا لازم تتغير وتمنها استيراد معقول بس معرفش تبقى مضمونة ولا تبوظ بعد كام شهر

[magedkahla]

موضوع جميل
عن اسعار قطع الغيار
جزاك الله كل خير
و منتظرين منك تقرير و مواضيع تفيد الاخوه هنا فى القسم
وربنا يبركلك فى عربيتك و يكفيك شرها

انشاء الله أي حاجة تحصل معاية هعمل عليها تقرير ولما اظبط مشكلة الفتيس عندي هعملها تقرير من اول المشكلة ما حصلت لحد لما تتحل انشاء الله

[mostafa3000]

حبتها منين

اللي جابهالي الميكانيكي اللي بيعملي صيانة العربية

[Moratoz]

احمد زاهر المركز الموجود في صقر قريش ولا واحد تاني

[magedkahla]

بص انا اصلا كنت بتعامل مع واحد في عين شمس هو إل جابلي الكولر وبعدين روحت لمحمد سمير والصراحة ارتحت معاه والورشة بتعتو كويسة بس اضحك علية في المحل بتاع قطع الغيار بيبعها غالية اوي فانا ناويت اني اتعامل معاه بس اجيبلو الحاجة من بررة وهو يركبها بالنسبة لما حصلت مشكلة الفتيس هو إل دلني لأحمد زاهر إل في صقر قري والميزة اني انا كمان من صقر قريش بس معرفش والله لسة متعاملتش معاه معرفش كويس ولا لأ

[forti]

مشكور جدا على الاسعار دى و ياربت يا بشمهندس احمد نضمها مع كلها مع السابق فى موضوع لاسعار قطع الغيار

[Karim_Monir]

موضوع جميل وممكن تعملو موضوع مثبت لاسعار قطع غيار كل موديل بيكون مرجع والناس تضيف فيه الاسعار
عاملين زيه عندنا في بي ام
مثلا موضوع للفابيا
وموضوع لل a4 وزيه A5
والناس تحط اسعار قطع الغيار وممكن اسم المحل ولكن بدون كتابة تليفونة عشان قوانين المنتدي
تحياتي للقسم النشط وباشمهندس احمد عامل شغل كويس في القسم يا بختكو بيه :)

[EngAhmedSayed]

موضوع جميل وممكن تعملو موضوع مثبت لاسعار قطع غيار كل موديل بيكون مرجع والناس تضيف فيه الاسعار
عاملين زيه عندنا في بي ام
مثلا موضوع للفابيا
وموضوع لل a4 وزيه a5
والناس تحط اسعار قطع الغيار وممكن اسم المحل ولكن بدون كتابة تليفونة عشان قوانين المنتدي
تحياتي للقسم النشط وباشمهندس احمد عامل شغل كويس في القسم يا بختكو بيه :)

ان شاء الله كل ده فى الاعتبارات يا كريم
و انا مكلم التيم ووورك للاعادة تقييم القسم و تنسيقه
ربك المستعان

[forti]

ان شاء الله كل ده فى الاعتبارات يا كريم
و انا مكلم التيم ووورك للاعادة تقييم القسم و تنسيقه
ربك المستعان

ان شاء الله