ايه علاقه التكييف وترمومتر الحراره الخارجيه؟

[rozzario82]

يا جماعه هل فيه علاقه بين التكييف بتاع الاوكتافيا ايه فايف وبين ترمومتر الحراره الخارجيه اللى بيبقى ف شاشه التابلوه لان انا الترمومتر ساعات بيلخبط ومبيجبش قراءه خالص على الشاشه يعنى بيدينى شرط كده.
ساعتها اجى افتح التكييف الاقى زرار تدوير الهوا اللى بيخلى التكييف ياخد من المقصوره مش راضى يشتغل لحد ما الشاشه تجيب قراءه فيشتغل ؟؟ مش عارف ايه الارتباط بينهم وحل الموضوع ده ازاى؟

[MohammedAladel]

أنا من وجهة نظرى شايف ان مفيش علاقة بين التكييف وترمومتر الحرارة الخارجية والله أعلم

[Deshahcoka]

الاتنين مرتبطين ببعض بتخلي الكمبوسيور يسقع حسب درجة الحاراة ديه ... لازم تغيرها عشان الكمبويسور ميضربش

[طارق _عبد السلام]

ترمومتر الحراره الخارجيه ده حساس
وبيركب فى الاكصدام الامامى ناحيه الهوايات
وليس له علاقه بالتكييف
ممكن يكون الحساس مش راكب فى مكانه صح أو فيه مشكله

[MohammedAladel]

هو المفروض ان التكييف بتضبطه على درجة حرارة معينة يبقى المفروض ملهوش دعوى بدرجة الحرارة الخارجية

يعنى مثلا ضبطته على 16 المفروض يبقى ليه حساس داخل الكابينة أول ما يوصل للحرارة دى يفصل


وجايز يكون فيه علاقة بينهم والله أعلم

[Moratoz]

ممكن يكون في تعارض بين الحساس الخارجي والحساس الداخلي يؤثر علي كمبيوتر السيارة فما يشتغلون الا لما الحساس يلقط

[MohammedAladel]

يا سلام ..... يعنى أنا عندى الحساس منه للشاشة الراديو على طول إيه علاقته بالتكييف بقى وبالكمبيوتر

ياباشا كل حاجة محسوبة مينفعش حاجة تدخل فى حاجة

[Moratoz]

نجرب حاجة كدة ونشوف يجرب يفتح التكيف علي درجة الحرارة المنخفضة وليس الا تو ونشوف يشتغل ولا لَا

[seso100100]

متهيألى فى علاقة يعنى لو درجة الحرارة خارجيا 16 درجة و انت مشغل التكييف على 19 التكييف حيشتغل سخن
انا لاحظت ذلك فى الفانتازيا

[MohammedAladel]

جايز يكون ليها علاقة مع التكييف التاتش

لكن التكييف البكرة معتقدش وأكيد بتختلف من عربية للتانية

[Deshahcoka]

متهيألى فى علاقة يعنى لو درجة الحرارة خارجيا 16 درجة و انت مشغل التكييف على 19 التكييف حيشتغل سخن
انا لاحظت ذلك فى الفانتازيا

مظبوط كلامك :)

يا عالم بلاش فتي بجد :)

انا بتكلم عن تجربة ... في ال بي ام الحساس في كارتيرة العجلة اليمين .. لما كان بايظ التاكيف مكنش بيسقع تمام عشان الحساس كاتب مثلا -50 فلو خليت التاكيف 16 عمره محيسقع عشان حرارة بره تلج ...

هوا لازم تغيره لو بيدي قراات غلط جرب فكه نضف الوصلة و شوف ..

كل التاكيفات ديه تتش الي بتكلم عليها الي فيها اوتوا

معرفش قصت البكر ايه ..

[MohammedAladel]

أنا مش بفتى أنا بقول وجهة نظر مش أكتر يعنى توقع مش بأكد كلامى

وعلى العموم شكرا لحضرتك على التوضيح لكن بالفعل النظام دا مش موجود عندى فى عربيتى مع التكييف البكر

[rozzario82]

مظبوط كلامك :)

يا عالم بلاش فتي بجد :)

انا بتكلم عن تجربة ... في ال بي ام الحساس في كارتيرة العجلة اليمين .. لما كان بايظ التاكيف مكنش بيسقع تمام عشان الحساس كاتب مثلا -50 فلو خليت التاكيف 16 عمره محيسقع عشان حرارة بره تلج ...

هوا لازم تغيره لو بيدي قراات غلط جرب فكه نضف الوصلة و شوف ..

كل التاكيفات ديه تتش الي بتكلم عليها الي فيها اوتوا

معرفش قصت البكر ايه ..

انا فعلا عندى ف الاوكتافيا القراءه بلاقيها ساعات 30- يعنى بيهيس على كيفه بالمناسبه هو حساس الحراره الخارجيه فى الايه فايف بيبقى فين ولو محتاج يتغير بكام تمنه؟

[Deshahcoka]

أنا مش بفتى أنا بقول وجهة نظر مش أكتر يعنى توقع مش بأكد كلامى

وعلى العموم شكرا لحضرتك على التوضيح لكن بالفعل النظام دا مش موجود عندى فى عربيتى مع التكييف البكر

يا باشا مش قصدي :) انتا على دماغي من فوق حقك عليا لو الكلامة مكنتش في مكنها انا كنت بس بهزر يعني ك) عشان لقيت الناس عمالة تقول ملوش دعوة :]

انا فعلا عندى ف الاوكتافيا القراءه بلاقيها ساعات 30- يعنى بيهيس على كيفه بالمناسبه هو حساس الحراره الخارجيه فى الايه فايف بيبقى فين ولو محتاج يتغير بكام تمنه؟

مش غالي ده بتاع ال بي ام من سنة كان ب 250 جديد لنج اصلي :)