أول مشكلة تواجهني في الفانتازيا

[inspiron]

النهاردة الصبح الساعة 7 وأنا مسافر بورسعيد عندي شغل هناك..أول ما السرعة تزيد عن 140 تحصل رجة خفيفة في الدريكسيون..وتزيد لحد الـ 170 وتختفي عند 180
وأنا راجع عديت علي توكيل كارتيك العبور عشان أشوف إيه الموضوع وتبين إن العربية عاوزة كوبلين يمين :( والمهندس اللي هناك قال لي ممكن تمشي عليها كده لحد ما تجيب آخره..سألته سعر الكوبلن كام..قالي بـ 1850 بدون المصنعية ( بعد ما كان بـ 1600 جنيه )...والكوبلن هيجي بعد 3 أيام من برة....هركبه إن شاء الله وأوافيكم بالجديد

[mahmoudysf]

الاعراض ممكن تحصل لو الكاوتش فيه مشكلة
او لو الجنوط عايزة ترصيص
هل اتاكدت الاول من الموضوعين دول
لان الكبالن معمرة في الاوكتافيا عموما

[AlGazar2]

الحمد لله انها جت على قد كده

بس ايه السبب فى انها تجيب كبالن بالسرعه دى المفروض العربيه لسه جديده و الكبالن عمرها على الاقل 150:200 الف كيلو و ممكن تقعد اكتر من كده بكتير

[inspiron]

الاعراض ممكن تحصل لو الكاوتش فيه مشكلة
او لو الجنوط عايزة ترصيص
هل اتاكدت الاول من الموضوعين دول
لان الكبالن معمرة في الاوكتافيا عموما

إتأكدت أه يا باشا من كل حاجة

الحمد لله انها جت على قد كده

بس ايه السبب فى انها تجيب كبالن بالسرعه دى المفروض العربيه لسه جديده و الكبالن عمرها على الاقل 150:200 الف كيلو و ممكن تقعد اكتر من كده بكتير

السبب إن السواق ( ربنا يسامحه ) كل بالعربية غطا بلاعة عمودي ممكن يحطم الربع اليمين أدام كله بالمساعد بالمقص بس ربنا ستر..والخبطة كلها جات في الكوبلن..يعني سن غطا البلاعة لطش في الكوبلن والعربية بسرعتها

[mero100]

قدر الله و ما شاء فعل .... احمد ربنا انها جت في قطعه بتتشال و يركب مكانها قطعه بدون الدخول في حوارات .... لان موضوع غطيان البلاعات ده لما بيلطش تحت بيبهدل الدنيا .

[AlGazar2]

السبب إن السواق ( ربنا يسامحه ) كل بالعربية غطا بلاعة عمودي ممكن يحطم الربع اليمين أدام كله بالمساعد بالمقص بس ربنا ستر..والخبطة كلها جات في الكوبلن..يعني سن غطا البلاعة لطش في الكوبلن والعربية بسرعتها

الحمد لله انها جت على كده و مخادتش معاها حاجة تانية من تحت و ربنا يكفينا شر الطرق المصريه ببلاعاتها بمطباتها بسواقينها

[طارق _عبد السلام]

قدر الله ماشاء فعل
الحمد لله قدر ولطف
اظن كوبلن داخلى هو اللى بيعمل الرجه دى مش كوبلن كامل
والحمد لله على كل حال

[Moratoz]

قدر الله ماشاء فعل
الحمد لله قدر ولطف
اظن كوبلن داخلى هو اللى بيعمل الرجه دى مش كوبلن كامل
والحمد لله على كل حال

نفس الرأي

[حماده المصري]

لو متاكد انه كبلن

الكبلن متهيالي بيتباع كامل في التوكيلات عموما

ف ممكن تجيب كوبلن يمين كامل استيراد وشكرا على كده

ومعلش الحمد لله على كل حال

[S O P H O S]

ان شاء الله تتحل علي خير
والحمد الله علي كل شئ ..

[المنسي]

الحمد لله على كده وكويس انها مجتش فى مقص ومساعد كمان