مطلوب شراء أوكتافيا a5 مانيوال

[elbaz18]

السلام عليكم ورحمة الله وبركاته
ياجماعة انا بدور عايز أشترى عربية أوكتافيا a5 مانيوال ياريت لو فى حد عايز يبيع او يعرف حد ياريت يكون فى تواصل والف شكر لتعبكم معايا

[elbaz18]

إيييييييييه يا جمااااااااااااااعه
هو للدرجه دى الموضووووع صعب كده ده انا حاسيت انى بطلب ممنوعاااااااات ههههههههههههه

[Ali_Abdelhamid]

ممكن تقول لنا اشمعنا اوكتافيا ايه فايف و مانوال ؟!!!!

[elbaz18]

بص يا سيدى بما انك اول حد يرد عليا هنا يبقه هحكيلك القصه كامله هههههههههههههه
انا كان معايا لانسر1300 مانيوال ولسه بايعها من اسبوعين وبدور على عربيه تكون افضل
فقررت اجيب جيتا أو أوكتافيا a5 ولما جيت ادور وادخل على النت لقيت الناس كلها بتتكلم عن موضوع الفتيس الأوتوماتيك وعيوبه فى العربيتين فقررت اريح دماااااغى خاااااالص وأدور على اى واحده منهم بس مانيوال وكمان هستفاد بأنها هتكون أرخص بكتييير وللأسف من ساعتها وانا حاسيس انى بدور على سرااااااااب

[bob12345]

الاوكتافيا فيه منها منوال الجيتا نزل منها في 2006 و مش موجوده كتير نادرة اوي

[elbaz18]

الف شكر على المعلومة الجميله دية

[Ali_Abdelhamid]

استاذ الباز باشا
اضافه على كلامك ... استهلاك البزنين فى المانوال أفضل بكتير من الاتوتوماتيك ... انا معايا بتعمل 14 كيلو فى الليتر جوا البلد ... وبتعمل معايا تقريبا 15.5 فى السفر
دا غير التسارع معقول فى الاول واتانى ... لاكن بعد كدا مزهل وبعد 140 رائع
والاهم من ذالك ان الاسطوانه والديسك والبليه ب 1700 بالتركيب فى التوكيل

الحاجه الغربيه بقى ... انك بتقول ان المانوال ارخص بكتير من الاوتوماتيك ؟؟؟؟
انزل السوق وشوف او ادخل على مواقع البيع وشوف

على فكره ان زيك يالظبط لما جيت ادور على اوكتافيا ايه فايف مانوال ... قعد سنه ونصف بدور ... لغايه لما ربنا اكرمنى
لاكن لو مستعجل ... دور على ايه فور هتلاقى منها مانوال كتيير

[Moratoz]

ممكن تشوف a5 أوتوماتيك موديل ٢٠٠٨ و٢٠٠٩ مشكله الفتيس تم حلها في الموديلين دول قبل نزول الفنتازيا وبعدين لو الأسطوانه والديسم في المنوال ب ١٧٠٠ الفتيس الاوتوماتيك بيتصلح في مركز الصيانه ب ٦٠٠٠ تقريبا بتغير الزيت بتاعه فالفرق مش كبير يا اما بقي أنتا عاوز تركب منوال اصلا دا موضوع تاني
وتقبل تحياتي

[EngAhmedSayed]

انا فى اوكتافيا معروضه للبيع فى الشغل عندى تفصيلها مش عارف ان شاء الله بكره هنزل تفصيلها و لو حضرتك حابب تشوفها ممكن تكليمنى
صديقى كليمنى و قلى عارض للبيع
ان شاء الله بكره هشوفها و هقول لسياتك
ربك المستعان

[elbaz18]

الحمد لله شوفت ردود على الموضوع أخيراااااااااا
استاذ علي فى البداية بشكرك على اهتمامك وردك على الموضوع وفعلاً كلامك سليم لكن النقطة بتاعة السعر دى انا فعلاً متأكد منهاااااا لأنى اصحابى كلهم اشتروها مانيوال وفى كذا واحده كنت ببقه رايح علشان اشوفها لكن مابيحصلش نصيب وفى حد بيكون اشتراها وبيكون قدامى وشايف سعر البيع وربنا يارب يكرم والاقى احسن انا مش بحب a4 نهاااااائى

[elbaz18]

استاذ Moratoz
بشكرك على اهتمامك لكن انا عرفت فعلاً ان مشكلة الفتيس اتحلت من 2008 لكن خلى بالك مش كل 2008 سليم فطبعاً يبقه فاكس 2008 ونخلينا فى 2009 للأمان وطبعاً 2009 فى منها a5 وفى منها فانتازيا وبكده نبقه دخلنا فى سعر تانى خااااالص غير اللى انا نااااوى عليه
لكن ياباشا باللنسبة لتصليح الفتيس الخاص بالأوكتافيا اوضح لحضرتك ان اللى بيبوظ فى الفتيس حاجه اسمها فالف بودى او عقل فتيس وده سعرة فى التوكيل 14 الف جنية وشوية كسور وسعرة استيراد يعنى مستعمل وانت وحظك 8 الاف جنية وخلى بالك انه مستهلك والله الاعلم هيقعد معاك قد ايه ويبوظ يعنى ممكن شهر وتلاقية بالسلامة وده غالباً لكن تصليح الفالف بودى دة بقه حاجه مستحيلة بالرغم من وجود ناس بتقول انها بتصلحة بس لو فى مراحله الاولى لكن اللى عرفته انك بعد مابتدفع مش بيكمل حاجه وبيبوظ على طووووول

[elbaz18]

استاذ احمد سيد بجد الف شكر على اهتمامك واكون سعيد جداً لو قدرت تساعدنى وتجيبلى بيانات العربيه بتاعة صاحبك واكون سعيد اكتر للتعارف عليك

[Moratoz]

في التصليح دلوقتي تعديل بيحطوا فالف بادي الفنتازيا بس الحل دا بحوالي 8000 جم

[osha966]

بص يا سيدى بما انك اول حد يرد عليا هنا يبقه هحكيلك القصه كامله هههههههههههههه
انا كان معايا لانسر1300 مانيوال ولسه بايعها من اسبوعين وبدور على عربيه تكون افضل
فقررت اجيب جيتا أو أوكتافيا a5 ولما جيت ادور وادخل على النت لقيت الناس كلها بتتكلم عن موضوع الفتيس الأوتوماتيك وعيوبه فى العربيتين فقررت اريح دماااااغى خاااااالص وأدور على اى واحده منهم بس مانيوال وكمان هستفاد بأنها هتكون أرخص بكتييير وللأسف من ساعتها وانا حاسيس انى بدور على سرااااااااب

-,الله أنا أويدك فى قرارك ..فعلا المانيوال عديمة المشاكل ..خاصة أن الدبرياج ناعم جدا ومريح وتشعر أنه غير موجود ..ان شاء الله تلاقى طلبك أنا عملت زيك ودورت ولا قيت واحدة والحمد لله

[طارق _عبد السلام]

انت لو من عشاق المانيوال يبقى ركز على المانيوال
لكن تعميم مشكله الفتيس دى انا للأسف مش معاك فيها خاااااااااالص
يافندم دى بعض مشاكل عند بعض الناس وللأسف هم من اهملوا صيانه 60 الف
ناهيك عن راحه الاوتوماتيك فى القياده
ولو انت غاوى ا..مانيول وتنقل وتشد شغلها على الاستيب ترونيك وشد براحتك
انا ركبت عربيتين اوتو ايه فايف وفانتازيا
وموضوع الفتيس ومشاكله ده مستبعده لو انت شارى عربيه فتيسها محترم وسليم
والله الدنيا دى فرص فعلا
بس النصيب وانا بدور على عربيه اتعرض عليا فانتازيا 2010 مانيوال اقسم لك بالله انه بيتكلم فى 110 وعربيه ممشتش خااااااالص وانا رفضتها وبعد شهر واحد بكلم واحد عليها قال لى هاتهالى ولما اتصلت قال لى العربيه ما استاناتش اتباعت كانت عربيه لقطه
عقبال ما تلاقى واحده زيها
وفعلا المانيوال ارخص فى السعر من الاوتو
ربنا يوفقك بس شيل من دماغك رعب الفتيس ده بصراحه الراحه فى السواقه مختلفه جدا
والمشاكل دى لو معاك عربيه فتيسها سليم وانت بتغير الزيت يبقى انسى خالص مشكلته