شاركوني الرأي

[inspiron]

أنا واخد أجازة من الشغل بكرة إن شاء الله عشان تعبان نفسياً منه جداً..( النهاردة كنت هدخل في جلطة من العصبية والزعيق )

المهم..قررت إني أغسل العربية بنفسي في الجراج...شاركوني بقه بأفكاركم في الآتي :-

بالنسبة لجسم العربية
- عاوز بودي العربية بيلمع زي المرايا.
- أحسن طريقة لتسويد قطع الفيبر وتلميعها.
- أحسن طريقة لتلميع الفوانيس.

بالنسبة لصالون العربية
- أحسن طريقة لتنظيف الموكيت بتاع العربية والسقف
- أحسن طريقة لتنظيف الطابلوه بحيث يبقي زي حالة الفبريقة
- أحسن حاجة لتنظيف الفرش الجلد

مستني أرائكم يا رجالة

[inspiron]

شكر خاص للأستاذ أحمد منسق قسم سكودا .. الراجل من ذوقه اتصل بيا لما شاف إني تعبان بسبب الشغل..بصراحة أنا عاجز عن شكره ومستغرب في نفس الوقت ان في ناس بتهتم بغيرها في الزمن ده..ربنا يديم المعروف إن شاء الله

[Mohyeldin1974]

بص هقلك على حاجه بس متضحكش
انا اول عربيه ركبتها كانت بتاعت الحاج ربنا يديله الصحه بيجو 505 مش عايز اقلك كنت ناقص انيمها جنبى فى السرير
المهم اللى عايز اقوله انى كنت بجيب فزلين (بتاع الجلد) بس ساعتها كان عندى من بره وكنت بلمع بيه كل ماهو جلد او بلاستيك فى العربيه بحتة قطن طبى عادى بس كانت بتاخد مجهود رهيب.
بس النتيجه ان التابلوه والاكصدامات والحليات (لونها اسود وبنى فى 505) بترجع زيرو وبتلمع وشكلها صحى كده وهيفضل كده بتاع شهر وباى فوطه كل يوم امشى عليه ترجع لمعته تانى وعمر معندى حاجه شققت او جيرت فى العربيه.
معرفش معتقدش ان حد جرب موضوع الفزلين ده قبل كده الا انا
متعصبش نفسك فى الشغل محدش هينفعك

[Moratoz]

بس الفزلين هيلم تراب ويبصم علي التابلوه

[Moratoz]

لتلميع الجلد والتابلوه والفيبً علبه صفراء امريكي مش فاكر اسمها دلوقتي لما انزل العربيه نجيب اسمها وميزتها انه اللمعة بتاعتها مطفيه انا بحبها كدة مش بتبرق وتلم تراب بسرعة وبتخلي الفرش الجلد تحفة

[طارق _عبد السلام]

أنا واخد أجازة من الشغل بكرة إن شاء الله عشان تعبان نفسياً منه جداً..( النهاردة كنت هدخل في جلطة من العصبية والزعيق )

المهم..قررت إني أغسل العربية بنفسي في الجراج...شاركوني بقه بأفكاركم في الآتي :-

بالنسبة لجسم العربية
- عاوز بودي العربية بيلمع زي المرايا.
- أحسن طريقة لتسويد قطع الفيبر وتلميعها.
- أحسن طريقة لتلميع الفوانيس.

بالنسبة لصالون العربية
- أحسن طريقة لتنظيف الموكيت بتاع العربية والسقف
- أحسن طريقة لتنظيف الطابلوه بحيث يبقي زي حالة الفبريقة
- أحسن حاجة لتنظيف الفرش الجلد

مستني أرائكم يا رجالة

نا واخد أجازة من الشغل بكرة إن شاء الله عشان تعبان نفسياً منه جداً..( النهاردة كنت هدخل في جلطة من العصبية والزعيق )

سلامتك من الجلطه يا باشا
يعنى معقول اجازه وهتقضيها فى غسيل العربيه ؟ على العموم احسن هتشغل بالك
اخوك واخد اجازه اجباريه من قبل 25 يناير باسبوع والمصنع متوقف لدلوقت ههههههههه وبدفع اجور على الفاضى ومش هغسل العربيه :)

بالنسبة لجسم العربية

جرب تغسل العربيه بالشامبو مش بالبيرل وبعد ما العربيه تنشف وش بيلوش وكمباون خفيف هتبقى روووووووووووعه

- أحسن طريقة لتنظيف الموكيت بتاع العربية والسقف

لو عايز تعملها صح لازم تفك الكراسى وبعد التنضيف بالهواء المضغوط او بمكنسه
هات اسفنجه ومياه وبيرل وعلى خفيف بس انت هتحتاج الشمس ولازم تنشف العربيه والنتيجه تحفه

- أحسن طريقة لتنظيف الطابلوه بحيث يبقي زي حالة الفبريقة

الاول مسحه بالبيرل بس على قماشه وبعدين نشف الرغوه كويس وبعدين هات زيت برافين من الصيدليه زجاجه صغيره
وبقطن طبى بلل القطنه ولمع بيها التابلوه وقول على النتيجه هتعجبك جدا جدا

أحسن حاجة لتنظيف الفرش الجلد

بنفس الطريقه بالبيرل والاسفنجه بس تتقل ايدك وبيرل اكتر واتك كويس على الاماكن المتسخه
وبعدها تنشيف كويس جدا وبحته قماش او قطنه مبلله بزيت البرافين ولمعه كله هو مفيد جدا للجلد زيت البرافيين وممكن زيت البيبى وبعدها تنشيف بفوطه ناشفه
ولا تقولى كير كار ولا الكلام ده
الشغل ده عن تجربه

[Mohamed Bander]

الف سلامه عليك يا باشا

اتمنى انك تكون مغسلتش العربية علشان مايروحش تعبك على الفاضى :) الامطار زى الفل النهاردة

[forti]

الف سلامة عليك .. انا بقول توديها البنزينة احسن هههههههههه

[Moratoz]

كار كير برة وجوه ارض وسقف وفرش وترجع جديده أريح ليك

[inspiron]

متشكر لردودكم..جزاكم الله خير..أنا بنوه بس إني بحب أعمل الموضوع ده بنفسي.وعلي كلِ أنا هعرض الأدوات المتاحة دلوقتي وتقولولي ناقص إيه أجيبه

1- مكنسة كهرباء منزلية شفط وطرد.
2- سبراي لتنظيف الموكيت وآخر للسقف والبلاستيك.
3- مزيل صدأ wd40
4- سبراي ملمع للطابلوه.
5- مناديل منظفة للطابلوه.
6- سبراي لتنظيم الفرش.
7- علبة كومباوند + علبة بوليش
8- خرطوم مياه

[Moratoz]

لو معاك اسبراي منظف تابلوه يبقي محتاج سفنج او فوطه فيبر اكريلك علشان المناديل مناديل الطابلوه ملهاش لازمه دلوقتي مع وجود اسبراي
ومحتاج قطن للكومباوند او طبعا لو معاك صاروخ تلميع
وتقبل تحياتي

[inspiron]

لو معاك اسبراي منظف تابلوه يبقي محتاج سفنج او فوطه فيبر اكريلك علشان المناديل مناديل الطابلوه ملهاش لازمه دلوقتي مع وجود اسبراي
ومحتاج قطن للكومباوند او طبعا لو معاك صاروخ تلميع
وتقبل تحياتي

طيب متعرفش أجيب صاروخ التلميع منين ويعمل كام...متشكر لإهتمامك يا كبير..أصل أنا بحب أبدع في الموضوع ده :)

[Moratoz]

بتوع العدد او موان نضيف بيركب فيه ورقه سفرة للحوائط مثلا اوبيركب فيه فرشه نعمه جدا مثل القطن تقوم مقام القطن بس طبعا بسرعة الصاروخ وقوته مش عاوز أقولك اللمعة بتبقي عامله ازاي من غير وجع اليد بتاع القطن