بظبط الزوايا اتصدمت من اللى سمعته a4 2003

[erp]

لو سمحتم ياخبراء الاسكودا

انا اللى حصل كالتالى

1- غيرت فرديتين كوتش قدام بريد جستون فى 12 عمارات العبور 15r /65/195 تمام مفيش اى حاجه

2- قولت بالمره اضبط الزوايا لان العربيه عندى بتحدف يمين وبالمره اربط العفشه

3- الفنى بتاع ظبط الزوايا كشف على العربيه على جهاز عنده وقالى لازم علشان اظبط الزوايا لازم تعملى الحاجت دى الاول عند( عفشجى زوايا ) قولتله طب حضرتك قولى على واحد كويس اروحله قالى والله معرف المهم طلب منى حاجتين العفشجى الزوايا يعملهمولى وبعدين اروحله يظبطلى الزوايا


1- تحتاج قفل (تتلم يعنى ) العجله الشمال الخلفى للداخل 1/2 سم

2- تحتاج ايتاش علبة دريكسيون


ارجو من حضراتكم تنصحونى ايه الصح اللى ممكن اعمله وارجو دلونى على عفشجى زوايا يكون كويس

وبعدين انا عايز اعرف يعنى ايه ايتاش علبة دريكسيون
وشكرا

[ahrambc]

2- تحتاج ايتاش علبة دريكسيون


وبعدين انا عايز اعرف يعنى ايه ايتاش علبة دريكسيون
وشكرا

اتياش

جمع تيش

المطلوب تغيير تيش الدريكسيون

.

[erp]

اتياش

جمع تيش

المطلوب تغيير تيش الدريكسيون

.

شكر ياباشا على ردك الجميل

طب الموضوع ده كبير ولا حاجه سهله وممكن حضرتك تدلنى على عفشجى كويس لو سمحت

[amrelsaqqa]

مفيش داعى للصدمة ياباشا انا اتخضيت من العنوان الصراحة وفكرت العربية فيها حاجة في الاساسيات بعد الشر طبعا


الموضوع سهل هتروح للعفشجى يعمللك زرجينة للعجلة الخلفية ، زرجينة يعنى بيربط العجلة في حاجة وبيفضل يشدها لحد ما تتعدل عشان تظبط زوايا
اسباب ان العجلة تبقى محتاجة زرجينة ممكن تكون خبطة قديمة ومش شرط تكون خبطة جامدة ، يعنى ان شاء الله مفيش قلق

اتياش دركسيون جمع تيش دركسيون عبارة عن قضيب مربوط في اخر الاسكاترة وهو نقطة الوصل بين الاسكاترة والعجل ( الاسكاترة هى اللى بتحول حركة الدركسيون الدائرية لحركة خطية للعجل )



في الصورة هو outer tie rod
وطبعا اللى في الصورة علبة دركسيون وليس كوبلن
وطبعا التيش ده حاجة سهلة جدا برده ..



انا بقالى فترة متابع مواضيعك والصراحة انت ازاى اشتريت العربية بـ 80 الف وفيها كل الحاجات دى ، الصراحة ضرورى جدا الكشف على العربية في التوكيل قبل الشراء
ان شاء الله تبقى اخر الاعطال والمصاريف :)

[erp]

مفيش داعى للصدمة ياباشا انا اتخضيت من العنوان الصراحة وفكرت العربية فيها حاجة في الاساسيات بعد الشر طبعا


الموضوع سهل هتروح للعفشجى يعمللك زرجينة للعجلة الخلفية ، زرجينة يعنى بيربط العجلة في حاجة وبيفضل يشدها لحد ما تتعدل عشان تظبط زوايا
اسباب ان العجلة تبقى محتاجة زرجينة ممكن تكون خبطة قديمة ومش شرط تكون خبطة جامدة ، يعنى ان شاء الله مفيش قلق

اتياش دركسيون جمع تيش دركسيون عبارة عن قضيب مربوط في اخر الاسكاترة وهو نقطة الوصل بين الاسكاترة والعجل ( الاسكاترة هى اللى بتحول حركة الدركسيون الدائرية لحركة خطية للعجل )



في الصورة هو outer tie rod
وطبعا اللى في الصورة علبة دركسيون وليس كوبلن
وطبعا التيش ده حاجة سهلة جدا برده ..



انا بقالى فترة متابع مواضيعك والصراحة انت ازاى اشتريت العربية بـ 80 الف وفيها كل الحاجات دى ، الصراحة ضرورى جدا الكشف على العربية في التوكيل قبل الشراء
ان شاء الله تبقى اخر الاعطال والمصاريف :)

ربنا يخليك ياستاذ ياعمرو (ا نا بقالى فترة متابع مواضيعك والصراحة انت ازاى اشتريت العربية بـ 80 الف وفيها كل الحاجات دى ، الصراحة ضرورى جدا الكشف على العربية في التوكيل قبل الشراء
ان شاء الله تبقى اخر الاعطال والمصاريف)

بصراحه ياستاذ ياعمرو علشان اكون صريح معاك انا اول مره فى حياتى اشترى واركب عربيه فصاحب العربيه من الناس اللى تشوفها تثق فيها الله المستعان فطبعا حضرتك عرفت مين هما الناس دى بس الواحد مش عايز يوضح علشان انا برفض مبد التعميم والله المستعان مقدرش اقول غير منه لله



طلب اخير من حضرتك ياباشاااااااا


انا عايز اروح عند عفشجى كويس يعملى اللى حضرتك قولتهولى ده الله يخليك وشكرا على متابعتك الجميله دى ياباشااااااا وربنا سبحانه وتعالى يجزيك خير يارب انا من القاهره

[erp]

فى سؤال تانى ياستاذ نسيت اساله لحضرتك ياستاذ عمرو هوا العربيه فيها تيش علبة دريكسيون واحد ولا اتنين يمين وشمال

[amrelsaqqa]

يمين وشمال وعشان كدة هو قاللك اتياش

وبالنسبة للعفشجى والله كان نفسى افيدك بس الصراحة انا من المنوفية ومعرفش حد معين في القاهرة بيشتغل في الاسكودا اقدر ارشحهولك

[erp]

شكر ليك ياستاذ ياعمرو

لو سمحتم ياملاك الاسكودا اللى فى القاهره انا عايز عفشجى زوى كويس فى الاسكودا اروحله الله يخليكم

[المنسي]

والله كان نفسي افيدك انا فيه عفشجى اشتغل فالعربية عندى بس مش اد كده فاستني حد يدلك على واحد كويس

[erp]

والله كان نفسي افيدك انا فيه عفشجى اشتغل فالعربية عندى بس مش اد كده فاستني حد يدلك على واحد كويس

يارب ياستاذ منسى انا منتظر

طب فى سؤال برده ياباشاا انا ممكن اشترى التيش ده من الهاشميه ولا استنى ولا مش هلاقيه اصلا
شكرا

[Moratoz]

حضرتك ساكن فين ممكن لو فيصل أقولك علي واحد عفشجي وكان زوايا بس هتستني عند شويه هوا في الطوابق فيصل

[erp]

حضرتك ساكن فين ممكن لو فيصل أقولك علي واحد عفشجي وكان زوايا بس هتستني عند شويه هوا في الطوابق فيصل

الف شكر ياباشااااا

فيصل بعيده عليا انا ساكن فى حدائق القبه

[Moratoz]

ربنا يوفق وحد من الزملاء يكون عارف حد كويس وقريب منك

[erp]

مفيش حد عارف مكان فى القاهره اغير فيه اتياش للاسكترا واظبط الزوايااااااااااااا
انا اول واحد فى المنتدى اعمل الموضوع ده ولا ايه ياجماعه

[أبو صلاح]

انا اعرف عفشجي ممتاز في عين شمس
لو يناسبك ابعتلي على الخاص