مسافر أسوان..زهقتكم أنا عارف :d

[inspiron]

إستمراراً لرحلاتي للصعيد بسبب متطلبات عملي.......مسافر أسوان بالفانتازيا إن شاء الله ( مسافة 2000-2100 كيلو متر كده إن شاء الله رايح جاي...والله المستعان..

[MaZaGAngeE]

توصل بالسلامة
عايزين بقى تقرير عن الطريق و صور للمناظر الطبيعية اللي هتشوفها
و لو قدرت تصور لنا الاختلافات بين المحافظات في الصعيد عشان نتناقش فيها

[S O P H O S]

ولا يهمك يا باشا احنا مهم عندنا نبقي عارفين اخوتنا فين
تروح وترجع بألف سلامة ان شاء الله ..

[AhMeD MeTwAlY]

سافر وتوكل علي الله
الطريق اسمع انه كويس جدا

[Moratoz]

تسافر وترجع بالسلامه والمرة دي ان شاء الله بدون مشاكل

[sakr_skoda]

ياعم انتا تبيع العربيتن اللى عنك دلا وتجيب حاجة هيلكوبتر كدا استعمال برضو وياريت كمان تدور على طيارة اسكودا هههههههههههههههه....

ربنا يحفظك ويكفيك شر الطريق....

[lanos2004]

تروح وترجع بالسلامه فى انتظارك

[EngAhmedSayed]

تروح و ترجع بالسلامه
و ان شاء الله خير
وربنا يوفقك فى عملك
ربك المستعان
و بعدين متقولش انتا زهقتنا
احنا هنا اخوات و اسرة

[vovoasw]

يا باشا انت تشرفنا وتشرف بلدنـا والبلد عندنا هادية وجميلة وبعيدة عن وجع الدماغ اللى فى بحرى واهم حاجة لما تيجى عندنا ان شاء الله تاخد معاك وانت راجع الفول السودانى والحنة والملوحة وان شاء الله اتواصل معاك واخير ارجو من الله العلى القدير ان يحفظ من كل سوء

[طارق _عبد السلام]

تسافر وترجع لاهلك واحبابك بسلامه الله ان شاء الله
ربنا يحفظ طريقك
الطرق اليومين دول الله المستعان لا امن ولا امان
ربنا معاك

[Mohyeldin1974]

تروح وترجع بالسلامه واهل اسوان اطيب ناس فى مصر واوصيك بالكاركاديه لاى حد عنده ضغط وممكن تمساح صغير للحراسه
اعتقد الطريق الغربى لحد اسيوط والشرقى بتاع الجيش لحد المنيا على حد علمى وبعد كده لازم تكمل زراعى ولا الكلام ده غيروه

[inspiron]

متشكر جداً لردودكم الجميلة وكلكم ناس ذوق..ربنا يديم المعروف..إن شاء الله أنا أجلت سفري ليوم الأحد القادم عشان هغير الـ 4 فرد كاوتش لأن جالي وسواس من ساعة ما فرقعت مني عجلة وأنا راجع من شرم الشيخ.الله المستعان.

[forti]

الكاوتش ده فعلا مفهوش هزار ربنا يسترها .. و تروح و ترجع بالسلامة ان شاء الله

[المنسي]

تروح وترجع بالسلامة

[A_Baidak]

تروح وتيجى بالسلامه يا باشا

غانم سالم باذن الله