جشع الوكيل وتجار السيارات

[mdriad1]

لقد استغل الوكيل والموزعين الجشعين وكذلك مستورد السيارات الخليجى الجشع حجه زياده سعر الدولار لكى يرفعوا اسعار الاوكتافيا الى مستويات عاليه جدا و غير مسبوقه لدرجة انهم خنقوا السوق فعلا....بالرغم من ان معظم السيارات المعروضة حاليا بالاسعار الخرافية هى اصلا كانت مخزنة لديهم بالاسعار القديمة ....ولكن نعمل ايه فى جشع الوكيل والتاجر المصرى الذين لا هم لهم سوى مص دم الناس بدون شفقة او رحمة او حتى تقدير للظروف الحالية التى يمر بها الناس
حسبنا الله ونعم الوكيل فيهم
اين جهاز حماية المستهلك والذى يصدعنا بنشاطه على صفحات الجرائد

[omar-saad]

النهاردة كنت لسة بتفرج على فانتازيا 2013
كسر زيرو عاملة 3000 كم
الراجل طالب فيها 215000
والعربية السعر الرسمى بتاعها 200000 لانها الفئة التانية
فابقولوا ليه كدة العربية غالية
قاللى ان اللى موجود بس الفئة الاولى فى الزيرو ومافيش اليجانس ولا سبورت
والغربية فى المعارض
200000 للفئة الاولى
245000 للفئة التانية
265000 للفئة التالتة
سيبتوا ومشيت !

[S O P H O S]

حماية المستهلك هيكون موجود
لما ترجع الدولـة، وتكون موجودة ..

[Amrgamal1]

الـ car's و الـجمارك don't mix :)

حد فاهم حاجة :)

[Moratoz]

هي ألمنظومه كلها غلط

[abdo7000]

حسبنا الله ونعم الوكيل

[ahmed_hanafi]

يعني الاليجانس بكام دلوقتي ؟؟

[A_Baidak]

المشكله فى الناس مش فى الاجهزه ولا غيره جشع الناس نفسهم هما اللى مبهدلين الدنيا كلها
وربنا يصلح الحال يارب

[mdriad1]

الاليجانس ب 250000 عند الوكيل المفترى

[EngAhmedSayed]

ما احنا قولنا
خليها تصدى و موديلها يعدى
انا من راى و الله العظيم و انا على اقتناع
و هو احنا قلى بنعمل فى انفسنا كده ليه
ما هو لو الناس منعت نفسها تشترى عربيات و توقف وقفه واحده و العربيات فى المعرض و الوكيل تصدى
يبقى يعلى السعر زى ماهو عاوز لانى مكتش من موسم احنا مش هجرلنا حاجه و له هنموت من الجوع علشان لازم نركب العربيه
ياجماعه فكر كده الوكلاء هيعملو ايه هيحترمو نفسهم بعد كده
لو كنت فاكرين فى فترة الازمه الاقتصاديه الماضيه و الله العظيم و دى حقيقه اسعار العربيات نزلت النص على مستوى العالم و احنا هنا العربيات وللعت ازاى ده بينزلو عروووض على العربيات يعنى تشترى العربييه و تاخد هديه هههههههه
و هما طالبو الوكلاء هنا يخفضووووووووو الاسعار و هنا عاملو العكس
انا من راى
خليها تصدى و موديلها يعدى
ربك المستعان
رساله من واحد مخنوق من التجار و الوكلاء قلى بيغتنو على قفانا
و بيستقردونا

[mohammedrefaat]

انا رايى من راي بشمهندس احمد سيد منسق القسم
لان الموضوع بقى بظرميط على الاخر
و كل واحد عمال بيبع و يشترى بالسعر اللى عاجبه
فيه اصلا من اصحاب العربيات نفسهم بقى بيتاجرو بعربياتهم
الواحد منهم جاب العربيه و ركبها سنه او سنتين و عايز يبيعها باغلى مما جاها زيرو
يعنى ركب و استهلك و جاله فيها كمان ييجى 10 ولا 15 الف جنيه مكسب
شوف بقى التجار يعملوا ايه
ماهو لازم يعملوا كده

علشان كه انا رايى ان الناس لازم تقاطع العربيه فتره
هاتلاقى الاس ترجع لطبيعتها و بعدها هاتلاقى التجار يعقلوا و يرجعوا الاسعار زى زمان

اما بقى موضوع استغلالهم لرفع اسعار الصرف ( سعر الدولار 6.7225 جم فى البنوك و 6.85 جم فى شركات الصرافه و كسر الـ 7 جم فى السوق السوداء )
احب انوه انه فى انخفاض 10 % فى الجمارك على السيارات الاوروبيه

يعنى الدولار لما زاد ... زيادته ماكسرتش الـ 10 % علشان الاسعار تزيد

يبقى العيب فى الوكيل و التجار و البنى ادمين اللى شايفين انهم ممكن يكونوا بيرتبوا لصفقه كويسه لما يبيعوا عربياتهم المستعمله

علشان كده انا اؤيد الرأى اللى بيقول خليها تصدى و موديلها يعدى و ساعتها هايبوس على ايد الناس علشان تشترى العربيه

[dozo]

العيب فينا ايوه احنا الشعب المصرى .
السلب و السرقه اللى حصلت اول الثوره للمحلات و المولات صعب علي الحراميه اصحابها مع ان فيها محلات صغيره ممكن يكون صاحبها حاطط فييها راسماله كله و اهو كله على قفا الثوره . مستغربين ليه لما التجار يسرقوا دلوقتى ... ده انت كمان رايحله بنفسك و بتديله فلوس .
فيه ناس بتستغل الظروف و وبالنسبالهم ده وقت ذهبى ممكن مايتكررش و اللى احنا ممكن نعمله اننا ندعى ربنا ان الوقت ده ما يطولش .

[Mostafa]

بصوا يا جماعه ... اللي بيحصل حاليا ده جشع .... واللي يساعدهم علي كده يبقي غلطان .

أنا كان معايا أوكتافيا هاي لاين خليجي ... وبعتها عشان العفشه مكنتش عجباني ... وكنت عاوز أجيب الهاي لاين وكيل ... وبعدين لقيت الأسعار كلها ولعت فجأه و الهاي لاين الوكيل بقت ب 250 ألف بدل 215 ألف .... ليه إن شاء الله هوا إحنا مش كفايه علينا الجمارك.

قلت لأ أنا مش لاقي الفلوس في الشارع .... وبعدين دا العربيه الجديده نزلت بره و نزلت بنفس سعر القديمه ... أقوم أنا اجيب القديمه أغلي 35 ألف ..

فقررت أستني شهرين تلاته لحد ما الدنيا يبان فيها أيه .. وجبتلي عربيه كروز كسر زيرو أمشي بيها حالي لحد ما نشوف الأوكتافيا أخرها ايه ..

ومنصحش أي حد يا جماعه يشتري بالأسعار دي ... مش قصه غاليه أو مش غاليه ... الموضوع وما فيه القيمه مقابل السعر ... أنت كده هتدفع فلوس في الأرض...

[Astra200]

الـ car's و الـجمارك don't mix :)

حد فاهم حاجة :)

و برضه ال كارز والتركز دونت ميكس ولا ايه ؟

و

[mdriad1]

النهارده كنت فى سوق السيارات.........حاجة عجيبة الكل رافع السعر وعاوز يستفيد من الهجمة الشرسة السائدة حاليا