العربيه ما بتدورش معايا من اول مره a4 2003

[erp]

دى حاجه مستجده فى العربيه مكنتش موجوده قبل كده


اما ابقى راكن العربيه فتره كده 3 او 4 او 5 ساعات وممكن يوم اجى ادور العربيه ما بتدورش من اول مره

بسمع صوت المرش اكنه بيدور على مفيش بس تانى مره العربيه بتقوم فانا بسال علشان الحق نفسى قبل ما ادخل فى حوارات تانيه

اعمل ايه ياهل الخبره علشان اامن نفسى


وشكررررررررررررررررررررااااااااااااااااا

[sakr_skoda]

اظن عربية حضرتك اكتافيا مش كدا برضو ياريت حضرتك توضح نوع العربية علشان التخصص احنا مابنحبش نتكلم فى الحاجة اللى مبنعرفهاش واكيد اصحاب السيارة نفس ماركة سيارتك سيردون ويفتون كيفما يشاؤن المهم ليا كام سؤال:::

حضرتك بتسعمل بنزين ايه؟؟؟

اخر مرة نظفت فيها الرشاشات امتى ؟؟؟

اختبرت شموع الاحتراق ؟؟؟؟؟ طيب امتى؟؟؟

الحجات اللى قلتها لحضرتك ممكن تعمل العارض دا مش حسميه عطل....

[erp]

اظن عربية حضرتك اكتافيا مش كدا برضو ياريت حضرتك توضح نوع العربية علشان التخصص احنا مابنحبش نتكلم فى الحاجة اللى مبنعرفهاش واكيد اصحاب السيارة نفس ماركة سيارتك سيردون ويفتون كيفما يشاؤن المهم ليا كام سؤال:::

حضرتك بتسعمل بنزين ايه؟؟؟

اخر مرة نظفت فيها الرشاشات امتى ؟؟؟

اختبرت شموع الاحتراق ؟؟؟؟؟ طيب امتى؟؟؟

الحجات اللى قلتها لحضرتك ممكن تعمل العارض دا مش حسميه عطل....

مبدئيا انا بشكر حضرتك جدا على الرد الجميل والافاده الجميله دى ياباشااا

اولا انا شارى العربيه مستعمله فكده انا مش هعرف اجاوب على امتى امتى هه

ثانيا العربيه octavia a4 2003


ثالثا انا معرفش الرشاشات دى بتتنظف ازاى بصراحه وتقريبا مكانها اللى هيا بتبقى جمب البوجيهات

اللى هيا تقريبا بيسموها الجريده بتاعة البنزين اللى هيا فوق الماتور


رابعا شموع الاحتراق دى اللى هيا البوجيهات


كل ده صراحه معرفش اخر مره اتعملوا امتى وشكرا استاذ صبحى وياريت حضرتك تقولى ابدا بايه الاول

[midooo_119]

غالبا رشاشات

[amrelsaqqa]

"بسمع صوت المرش اكنه بيدور على مفيش"

ياريت تفسر الحتة دى كويس عشان التشخيص يبقى صح
يعنى ايه بيدور على مفيش و صوته بيبقى طبيعى ولا مختلف اول مرة

ولاقصدك انها مش بتدور من اول مرة وخلاص ..

[exact]

حسب كلامك... العربية محتاجة صيانة وتشحيم للمارش فقط

[EngAhmedSayed]

هو لو المارش بيلف على الفاضى من غير ما الموتور يبقى فى اى حركه
ده يبقى فى مشكله فى ترس البيندكس بتاع المارش
او لو المارش بيعشق و الموتور مش راضى يدور يبقى راجع على البوجيهات الرشاشات
البطاريه
الفلاتر
كل دى عوامل تاخر الدواره
انا من راى الشخصى العربيه عندك عاوزه سرفيس صيانه
وربك المستعان

[Moratoz]

حبيبي Erp الامر لن يخرج عن أمرين اولا حساس الكامه ثانيا طرمبه البنزين

[AlGazar2]

نضف الرشاشات و غير البوجيهات و راجع على قواطيش البطاريه

[salah_86]

باشا كان معايا a4برضة موديل 2000
بص حضرتك العيب دا حصل معايا ولو العيب دا لسه جديد معاك ابشر هتقطع منك بعد كدا وانت ماشى وتبطل فجاة تقعد 5 او 6 مرات تدور متدورش ومرة تدور تلاقيها بتدور
حضرتك هتروح لناس كتير وقليل واللى يقولك رشاشات والفاهم هيقولك حساس شكمان وفى الاخر هيطلع --------------------------
حساس حرارة تجيبة اصلى من التوكيل وتغيرة تشتغل العربية معاك زى الفل واوعى تكشف عليها بالكمبيوتر عند اى صنايعى والسلام
شوف حد شغال فى التوكسل يكشفلك عليها برة دا اللى انا عملتة وطلع عيب حساس الحرارة وبس

[aldesha989]

غير البوجيهات وبعدين نضف المارش لانه مدام بيلف على الفاضى يبقى مش بيعشق
غير فلاتر ضرورى لان كتير عليها كده وانتا مش عارف اخر مره اتغيرت امتى يعنى اكيد كتير عليها

[طارق _عبد السلام]

باشا كان معايا a4برضة موديل 2000
بص حضرتك العيب دا حصل معايا ولو العيب دا لسه جديد معاك ابشر هتقطع منك بعد كدا وانت ماشى وتبطل فجاة تقعد 5 او 6 مرات تدور متدورش ومرة تدور تلاقيها بتدور
حضرتك هتروح لناس كتير وقليل واللى يقولك رشاشات والفاهم هيقولك حساس شكمان وفى الاخر هيطلع --------------------------
حساس حرارة تجيبة اصلى من التوكيل وتغيرة تشتغل العربية معاك زى الفل واوعى تكشف عليها بالكمبيوتر عند اى صنايعى والسلام
شوف حد شغال فى التوكسل يكشفلك عليها برة دا اللى انا عملتة وطلع عيب حساس الحرارة وبس

+



11111111111111111111

ده لو مكنش ترس البيندكس فى المارش فيه مشكله لانك مش موضح بالظبط الصوت

لكن حساس الحراه ده اللى بيدى امر للعربيه وهى بارده او وهى ساخنه اثناء الدواره

هو ده سبب تأخير الدواره

[eslamkenawy]

السلام عليكم

أنا سجلت بس عشان أقولك إن المشكلة دي كانت عندي فى السكودا سوبر بي

انا متأكد ان العربية عندك بتقوم وتحس خلاص انها هتشتغل وبعد كده تبطل

واحياناً تفضل فترة طويلة تشتغل من غير مشاكل ومرة واحدة تلاقي نفس المشكلة رجعت

دي مشكلة ترس البندكس بتاع المرش

فى مصر ممكن تروح للميكانيكي هيغيرلك الترس بس او هيعملك واحد زيه فى المخرطة

لكن عندي هنا لبست فى مارش كامل جديد

بالتوفيق ان شاء الله