اسعار قطع غيار اوكتافيا ( A4 - A5 - Fantasia ) متجدد باستمرار 2013

[سعيد بلال]

عندى مشكله
بسمع صوت تكه فى الفرده اليمين قدام فى ناس بتقول المشكله فى الصره وفى كلام بيقول راس الكوبلن الخارجى ايه الصح مش عارف
وعايز اعرف سعر الكبوت a4
شكرا جدااااااااااااا

[mo3tazanas]

سعر الكبوت بالشبكة من 1200 الى 1500 حسب الحالة

[omaranes77]

سعر طقم الدبرياج كام يا رجالة

[الطلقة النارية]

على فكرة الحجات دة مكلفه اصلا اللى بيرفع السعر اسم العربية يعنى ممكن تلاقى جوان فيات فيه شغل كتير وسعره ملاليم لييييه اسم العربية ربنا ينتقم من كل ظالم احنا لازم لما نروح نشترى نلابط يعنى نحفظ شكل الحاجة ونقول للناجر العربية ظيط مثلا حيقلك لالالا دا بتاع اكتافيا قوله لالالالالالالالالالا هو شكله بالظبط اكيد السعر حينزل ....*ههههههههههههه السعار بتتحدد على ماركات السيارت وليس على اساس التكلفة....

علي فكرة في ناس بتفصل اي جوان وانتا واقف بس لازم يكون معالك الجوان القديم او الغطا الي حتعغيرلة الجوان والسعر بيكون بسيط جدا واحيانا بيكون نوع الجوان انضف والله

[adhamhossam]

متابع معاكو يا رجالة الأسعار أول بأول .... و شكرا لصاحب الفكرة ... بالتوفيق

[eslamisme]

ممكن أعرف قطع غيار ال a5 فوانيس و التيلات و إكصدامات و الكلام ده بعد إذنكوا ؟

[mo3tazanas]

ممكن أعرف قطع غيار ال a5 فوانيس و التيلات و إكصدامات و الكلام ده بعد إذنكوا ؟

راجع الموضوع من الاول

[AHMED ALGAMAL]

انا حد معرفة كلمني على عربية قدامه اوكتافيا 2003 على 45 عاملة 160 الف كم الف هي اكيد حالتها مش قد كده بس انا ممكن اخدها و اصرف عليها مثلا 10000 فهل قطع غيارها موجودة و لا هلف الجمهورية عليها و مش هلاقيها .. و هل مثلا في مركز خدمة نضيف متخصص في العربية و مش غالي قوي .. هل المبلغ كافي لتجديد العربية انا ممكن ازوده ل 15 الف مثلا و اهو ابقى ربيت عربية على ايدي ... و هل متوفر لها مواتير جديدة ... ايه نصيحتكم هل الفكرة ده صائبة؟

[aw2100]

دى سعرها الطبيعى من 70 الى 85 الف حسب نوعها وكماليتها السعر ده مش طبيعى ممكن تكون عامله حادثه ومقلوبه او متجمعه نصين او مسروقه انصحك تبعد عنها علشان فلوسك ماتروحش وبراحتك

[ganko]

لو ممكن الافادة
سعر الماتور 1600 سى سى
سكودا اوكتافيا 2011
....
مشيت على العربية بدون زيت وجابت بساتم فى حل ليها غير تغير الماكينة

[baraa-ali]

اسعار قطع غيار للسكودا a5 مختلفه بتاريخ 23/12/2017 من التوفيقية
-------أشرف البوشي 01005166055-------
طقم شمبر 425
فلتر فتيس 150
فلتر بنزين 190
طقم جوان كامل 475
طقم كاتينه skf ب 1000
كوعة بالترموستات 550
طلمبة مياه 375
شداد دينمو كامل 400
طقم هلال كرنك 250
سير دينمو 100
فلتر هواء 120
خرطوم بخار 120
ماسورة مقاس زيت 30
طقم بوجيهات شامبيون 300
طقم تيل أمامي 400
طقم ريشة بالدراع للزجاج الخلفي 150
------عبدالمسيح سلامه 01212922558------
ماسورة شجرة مياه صاج 350
اولسي كرنك خلفي 600
طقم ريشة مساحات زجاج أمامي 150
مشترك 3 مخرج 40
------فؤاد - - - - -
طقم سبيكة 010 ب 1200
مساعدين شنطة تركي 300

[محمد مرزوق]

السلام عليكم
اكتفيا 2003 a4 مانوال ينفع اركبلها فتيس اتوماتك

[mado83]

التعديل من مانيوال لاوتو فى الa4

سألت الميكانيكى وقالى ينفع وهيتكلف حدود 7000