استلمت اوكتافيا a4 .. باركووووولى بس فى كام استفسار

[MOstafa Hashem]

الحمد لله استلمت عربيتى الجديده .. اوكتافيا a4 2006

بس كان عندى كام سؤال كده للملاك ..

العربيه ناقصه مصفحه تحت الفتيس .. اجبها منين وبكام ؟؟

عايز فانوسين ورا جدااااد .. منين وبكام ؟؟ وبردو اسعار الفوانيس قدام ؟؟

درج الكونسول اللى بسند عليه أيدى مكسور ؟؟ اصلحو فين او اجيبو منين وبكام ؟؟

ولاعة العربيه مش موجوده ؟؟ منين وبكام ؟؟

العربيه مفيهاش سماعات ورا ؟؟ حد ركب بورده او حط سماعات ورا ؟؟

المفتاح بتاعها مش ثابت كده وبيلخلخ .. اعملو فين ؟؟

[magedkahla]

بالنسبة للمسند إل في النص ده مكسور فيه كل ال a4 تقريبا وكل صحابي مكسور عندهم بالنسبة للسمعات انا علشان عندي العربية استيشن فحطيت السمعات في بوكس ورة بس ممكن تخرم في الصاج او تشيلو وتحط رف خشب عادي الفوانيس مش عارف والله والمصفحة بتاعت الفتيس مش هقدر افيدك فيها بس لو عايز جديد الهاشمية في احمد سعيد هتلاقي فيها كل إل انت عيزو للعربية من مكانيكا وفوانيس والكلام ده كلو وحاجتها كلها أصلية وسعرها كويس أحن من التوكيل وكمان ميزتو اني لسة شاري من عندو طقم كتينة مديني عليه ضمان 60 ألف بس بشرط اني اركبو عن ناس معينة هو بيقولك عليهم منهم احمد زاهر ومنهم محمد سمير

[mostafa3000]

الف مبروك وربنا يبارك لك فيها
بالنسبة السماعات الخلفية أنا مركبهم في مكان خاص بهم هتلاقية يمين وشمال الرف الخلفي

[amrelsaqqa]

الف مبروك يا باشا
ياريت اعرف جبتها بكام عشان انا هشتري قريب ان شاء الله وكمان ايه انطباعك عنها خصوصا انك كنت تقريبا راكب اوبل فيكترا

والف الف مبروك وعقبالى ان شاء الله

[MOstafa Hashem]

الله يبااارك فيكم وعقبالكم ..

استاذ amrelsaqqa .. انا جبتها على 83 الف عامله 70 الف كيلو 2006 مانوال فابريكه من الاكصدام للاكصدام فعلا ..

العربيه بسم الله ماشاء الله كويسه اوى ولسا بحالتها .. انا راجع بيها على الطريق الشرقى على 190 كم\ساعه وكانت عايزه تانى كتير .. اخدت 12 لتر بنزين فى 122 كيلو .. ثاااابته ثبااات رهييب وهاديه والعزل بتاعها كويس .. بس دمها تقيل شويه فى السواقة وسط البلد فى الزحمه .. قعدتها مريحه للضهر .. عفشتها ناعمه ومش بتسمع دربكه كتييير .. مفيهاش سماعات ورا للأسف .. التابلوه بتاعها قديم حبتين بس شغااال يعنى .. النور مش قوى اوى بس هركبلها زينون .. تسااارع جيد جدا .. فرامل جيده جدا .. ممكن اديها 8 من 10

والحمد لله على كل حاجه

[mo3tazanas]

ربنا يباركلك فيها
اولا بالنسبىة للقنصولة اللى فى النص مفيش a4 فى مصر القنصولة دى مش مكسورة حلها يااما تشترى واحدة تانية بتتباع جديد يااما تروح عاند واحد سروجى يثبتهالك بحتة جلد
ثانيا بالنسبة للسماعات هتروح تفصل رف خشب وتشتريلة سماعات وتبيتهم فية واوعى تخرم فى الرف الفابريكا لانة عبارة عن كارتون مقوى ولو قطعت فية وثبت السماعات فية هتزن
ثالثا الولاعة مكانها رخم شوية تحت الكونصولة اللى فى النص
رابعا بالنسبة للفاونيس الامامى جديد الديبو ب350 ج والاشارة ب40 ج والايستيراد الاصلى هيعمل فى حدود 300ج بالنسبة للخلفى بيعمل فى نفس الرنج
خامسا بالنسبة للمصفحة بتتباع عند بتوع الاستيراد بس بيكام مش عارف ولو عرفت ابقى قولى
سادسا المفتاح هو مفتاح الخريطة ممكن تعملة بس بيتعمل بحوالى 120ج وممكن تركب السنتر الاصلى بتاعها ب400ج
لاسف العربية دى حلوة بس لو مااشترتش العربية دى نضيفة وناقصة الحاجات اللى بالنسبة لاى واحد مركبش a4 قبل كدة حاجات تافها الحاجات دى بتصرف جامد دة غير طقم الصيانة خد فكرة بردوة علشان انا لسة عاملة
سير كاتينة 240 ج
سير دينامو 140 ج
فلتر بنزين 70 ج
فلتر هواء 80 ج
طقم بوجهات يابانى مش المانى 90 ج
بلية شداد 300ج
والف مبروك على العربية وربنا يكفيك شرها

[Moratoz]

بالنسبة للسماعات بجانب الرف الخلفي يوجد قطعة بلاستيك قويه مجهزة لتركيب سماعه صغير تقريبا مقاس ٢٥ انا كان مرة معايا a4 هاي لاين وفتحه يقف وخانات كراسي وكان فيها سماعات في هذا المكان
لا الفوانيس اعتقد انها ٢٥٠ جم

[MOstafa Hashem]

الف شكر يا باشا على اهتمامك .. والله يبارك فيك

الكونسول انا هاجيبو جديد ان شاء الله .. بس منين وبكام

السماعات دى حضرتك تقصد اعملها بورده ؟؟؟ .. وده ان شاء الله اللى هاعملو بس فى سلوك للسماعات دى فى العربيه ؟؟ ولا هايلعب فى الضفيره ؟

هههههههههههه انا عارف مكان الولاعه .. انا اقصد انها صايعه ومش موجوده فى مكانها ..

الفوانيس .. يعنى ايه ديبو ؟؟ وال 350 ده للفانوس الواحد ولا 2 ؟؟

المفتاح اللى عندى فولدنج .. وهيا فيها سنتر بتاعها اركب ليه ؟

[mo3tazanas]

الف شكر يا باشا على اهتمامك .. والله يبارك فيك

الكونسول انا هاجيبو جديد ان شاء الله .. بس منين وبكام

السماعات دى حضرتك تقصد اعملها بورده ؟؟؟ .. وده ان شاء الله اللى هاعملو بس فى سلوك للسماعات دى فى العربيه ؟؟ ولا هايلعب فى الضفيره ؟

هههههههههههه انا عارف مكان الولاعه .. انا اقصد انها صايعه ومش موجوده فى مكانها ..

الفوانيس .. يعنى ايه ديبو ؟؟ وال 350 ده للفانوس الواحد ولا 2 ؟؟

المفتاح اللى عندى فولدنج .. وهيا فيها سنتر بتاعها اركب ليه ؟

واللهى انا معرفش فى بنى سويف منين بس القاهرة انزل التوفقية للجديد والحرفين لاستيراد والاسكندرية انزل صلاح الدين
الديبوا دة انضف حاجة بعد الاصلى ثم يلية الصينى و350 ج الواحد طبعا
خلاص مدام عاندك سنتر عايز اية بقى هتلاقى بس عايز تربط على المسامير اللى ربطاة
السماعات المفروض ليها وصلة لو معندكش هتشدلها واصلة

[YHYAKOTB]

ديبو دى ماركة الفوانيس

[MohammedAladel]

ألف مبروك ... ربنا يبارك لك فيها ... بالنسبة للفوانيس شوفها استيراد أصلية ... أهم حاجة المصفحة دى أهم حاجة ... لولا المصفحة دى كان زمان عربيتى جابت كرتيرة زيت من زمان بسبب المطبات

[mahmoudysf]

الف مبروك

[forti]

الف مبروووك و ربنا يباركلك فيها ..
السماعات انا ركبت رف خشب عند ادريان المعادى بـ 100 جنيه و بيعمله مكت .. السماعات اى حاجه بقى انا جايب 2 سونى 400 بـ 300 جنيه من عنده بردو عشان لما تجيب من عنده بيركب ببلاش .. السلك شديت سلك تانى عشان انا جبت كاسيت جديد بيونير رغم وجود السلك الاصلى فى البيبان الى ورا

[sakr_skoda]

الف مبروك ربنا يديك خيرها ويكفيك شرها ويحفظك من شر الطريق....*

[MOstafa Hashem]

الله يباارك فيكم يا رجاااااله .. متشكر اوى

انا عرفت اجيب المصفحه منين .. لقيتها ب 400 جنيه عند واحد فى الحرفيين فى شارع المرسيدس اسمو الفرنسيه .. اجيب الفوانيس استيراد منين بقى ؟؟ وبكام ؟؟