طلب استشارة عاجله من خبراء الأوكتافيا

[ahmedpharma]

السلام عليكم يا شباب

محتاج أخد رأيكم في عربيه اوكتافيا a5 معروضه

العربيه موديل 2006 أول فئه اوتوماتيك و عامله 160 ألف كيلو و رشه جانبين

صاحبها رجل أمين و قالي أنو بيبيعها لأن الفتيس فيه نتشه

و هو طالب 80 ألف جنيه و فيه امكانيه للكلام في السعر في حدود المعقول

مش عارف أخد العربيه و لا بلاش عشان عيب الفتيس؟
أنا أعتقد ان النتشه دي معناها أن العربيه محتاجه تغير فتيس

و يا ترى السعر ده كده مناسب لحاله العربيه ؟ و لو مش مناسب طب ايه السعر المناسب؟ و لا بلاش من العربيه دي خالص؟

محتاج خبراتكم و مشورتكم
و لكم جزيل الشكر

[inspiron]

رأيي إبعد عن الشر وغنيله...وربنا يرزقك بحاجة أحسن

[Moratoz]

لو باقي العربيه سليمه ١٠٠ ١٠٠ ومن بره حاله الصاج نضيف والدواخل طبعا فابريكة الفتيس تصليحه بحوالي ٥٥٠٠ جم ويوجد إصلاح اخر بوضع بادي فلف الفنتازيا بحوالي ٨٠٠٠ جم
فلو عرفت تنزل في السعر شويه اعتقد ان هذا سعر جيد بعد اضافة ثمن الاصلاح

[inspiron]

لو باقي العربيه سليمه ١٠٠ ١٠٠ ومن بره حاله الصاج نضيف والدواخل طبعا فابريكة الفتيس تصليحه بحوالي ٥٥٠٠ جم ويوجد إصلاح اخر بوضع بادي فلف الفنتازيا بحوالي ٨٠٠٠ جم
فلو عرفت تنزل في السعر شويه اعتقد ان هذا سعر جيد بعد اضافة ثمن الاصلاح

وجهة نظر كويسة طبعاً

[ahmedpharma]

شكرا inspiron و Moratoz على اهتمامكم و مشاركتكم معايا بالرأي

[ahmedpharma]

أنا كده فهمت من كلامكم أن المشكله في الفتيس هي فالف بودي و ده بيتغير

هل السعر المطلوب يستاهل أني أخد العربيه على حالتها كده و أعمل اللي فيها بالمبلغ ده؟

و لو غيرت الفالف بودي هل الفتيس بيرجع كويس زي الأول و لا أدائه بيقل؟

أخي Moratoz انزل في السعر شويه لحد كام عشان يبقى الكلام معقول

محتاج رأيكم و مشورتكم يا أسود الأوكتافيا

[Moratoz]

هو بألفعل السعر المعروض جيد ونزول السعر هيكون بحجة الكيلو متر العالي واحتياج العربيه لطقم صيانه كامل ومتقولش انك هتصلح البدي فالف قوله ان ثمنه حوالي ١١٠٠٠ جم غير ثمن الزيت فحاول معاه علي قد متقدر وخلي بالك كمان من الكاوتش وبص علي التكيف ومعتقدش انها هتوصل أبدا الي ٧٥٠٠٠ جم توكل علي الله واكشف علي باقي العربيه كويس لو حالتها حلوة خلص علي بركه الله حتي لو نزل ليك ٢٠٠٠ جم هي بقوا ثمن سيور وفلتر وزيت

[ahmedpharma]

هو بألفعل السعر المعروض جيد ونزول السعر هيكون بحجة الكيلو متر العالي واحتياج العربيه لطقم صيانه كامل ومتقولش انك هتصلح البدي فالف قوله ان ثمنه حوالي ١١٠٠٠ جم غير ثمن الزيت فحاول معاه علي قد متقدر وخلي بالك كمان من الكاوتش وبص علي التكيف ومعتقدش انها هتوصل أبدا الي ٧٥٠٠٠ جم توكل علي الله واكشف علي باقي العربيه كويس لو حالتها حلوة خلص علي بركه الله حتي لو نزل ليك ٢٠٠٠ جم هي بقوا ثمن سيور وفلتر وزيت

تسلم يا باشا على اهتمامك

أنا ان شاء الله هأروح اتفرج على العربيه يوم الاتنين و هأحاول معاه على أد ما أقدر

حاجه تاني أنا هابقى محتاج اكشف على العربيه في مركز كويس

يا ريت لو حد يعرف مركز كويس قريب من الدقى أو العجوزه ممكن أعتمد عليه في الكشف

و تكلفه الكشف كام تقريبا

[Moratoz]

ئل أعرفهم في جسر السويس او صقر قريش بص اعتقد ان في وهدان في الدقي او العجوزة جرب تجيب النمرة من الدليل واستثني بردة ممكن حد يفيدك

[Moratoz]

وان كنت افضل الكشف عند هاني او محمد سمير في جسر السويس

[طارق _عبد السلام]

هى راشه حزاام وده فى اعده البيع متعب شويه
وبكده انت مضطر تدقق كويس جدا جدا فى دواخلها
وهتصرف على الفتيس ولازم الاول تعرف الفتيس فيه ايه هل بدى فلف ولا العمليه كبيره
انا رأى واحترامى لرأى الاستاذ عمرو والاستاذ احمد
اللى هتصرفه على العربيه علشان توقفها على رجلها تانى
ضيفه على ثمن العربيه واشترى واحده ثانيه تكون فبريكه وفتيسها كويس واشترى دماغك من الوقوف عند الصنايعيه عربيه اوكتافيا واول ما تشتريها تشتغل فى فتيس فيه مثل عندى بحبه هو شراء العبد ولا تربيته

[ahmedpharma]

شكرا يا Moratoz و شكرا يا طارق على اهتمامكم

الناس فى القسم هنا ما شاء الله متعاونة جدا و دي ميزة ندرت في زمننا ده

طب لو أنا حبيت أجيب عربيه أوكتافيا A5 موديل 2006 أو 2007 كيلومتر معقول 100 ألف كم مثلا
و اوتوماتيك أول فئه فابريكه بالكامل بره و جوه وحالتها جيده مفيهاش مصاريف

يا ترى سعرها يعمل كام؟؟؟

[Moratoz]

100الي 105الف

[M.sheashaa]

اكشف عليها عند وهدان بالدقى ولو العربيه دواخلها فبريقه والتكييف كويس والمشكلة بس فى الفتيس اشتريها بس نزل من السعر شويه

[ezzeldin]

عيب نتشه الفتيس سببه سنسور الفتيس وده بيخلي الغيارات متبانش علي الشاشه وحله تغيير السنسور مع تغيير الزيت وده انا عملته في التوكيل في اسكندريه من سنتين والعربيه زي الفل كده الثمن متهيالي مناسب جدا وبالتوفيق