مساااعده اوكتافيا a4 ارجوووكم ..

[MOstafa Hashem]

انا فى مشكله يا جماعه ومحتاج حد يساعدنى .. العربيه لسا مكملتش معايا اسبوع ..

انهرده الصبح بدور العربيه عشان انزل مكنتش عايزه تدور وكانت بتعمل صوت طرقعه كده من تحت والحراره كانت معديه 100 من امبااااااااارح .. بعدها دااارت بالعافيه بس مكنتش بتزود لما بدوس ع الاكسلاتير وكانت بتعمل صوت الطرقعه ده وتبطل

انا كنت مسافر بيها امبارح وركبت المصفحه فى الحرفيين .. وانا راجع سخنت على الطريق وزودتها مياه عاديه ورجعت والحراره عاليه وفضلت عاليه لحد الصبح

ده غير ان زيت الباور اللى على الشمال وانتا واقف قدام العربيه طالع من مكانو وعمال ينقط فى الارض ..

[M.sheashaa]

روح لميكانيكى كويس وربنا يستر

[amz2011]

العربيه ديه انت لسه شاريها

[MohammedAladel]

أول حاجة سخونة العربية دى معناها إن فيه عيب فى دورة تبريد العربية

لو صاحب العربية دى كان بيحطلها مياه عادية .... يبقى كان بيعاملها معاملة مش كويسة ... ولو كان فيها مياه خضراء .... مينفعش تزودها مياه عادية ... بس فى حالتك دى المياه بتنقص معنى كدا إن عندك تسريب فى دورة التبريد .... عادى زودها بمياه عادية ... لكن متسكتش ... لازم تعرف مكان التسريب فى دورة التبريد سواء كان الرادياتير مخروم أو القربة مخرومة أو الخراطيم بتسرب أو غطاء القربة بيسرب مياه وتصلح العيب

لأن سخونة العربية بتقصر عمر الموتور وممكن تبوظ الموتور لو مشيت عليها بالوضع دا

وطبعا أفضل شئ للعربيات دى تزود المياه وهى باردة خالص عشان الدورة ماتاخدش هواء

وربنا يستر وتكون حاجة بسيطة


بس يا جماعة هو باور الأوكتافيا زيت ولا كهربائى ؟؟؟

[amrelsaqqa]

بس يا جماعة هو باور الأوكتافيا زيت ولا كهربائى ؟؟؟

a4 هيدروليك عادى
a5 مش متأكد
فانتازيا كهربا

[MohammedAladel]

نسيت أقول حاجة
ياريت تقيس مستوى زيت الموتور

وتزود العربية بمياه مقطرة لحد ما تصلح العيب عشان المياه العادية فيها املاح ودرجة غليانها قليلة وبتبوظ دايرة التبريد

لحد ما تصلح الدورة وبعدين تحط منظف دورة وتنزل المياه كلها وتنظف الدورة وتحط مياه تبريد خضراء أو حمراء

[mahmoudfawzypr]

ربنا يستر وميكونش الموتور حصل فيه حاجة ,,,,اول حاجة لو العربية اشتغلت معاك اعمل الاتي :

استنى دقيقتين لو العربية باردة خالص وبعد كده شغل النكييف وبص على مراوح الرادياتير ...لو المراوح اشتغلت يبقى الفيوز بتاع المراوح سليم لو ما اشتغلتش بص على فيوز المراوح وده بيكون اول فيوز من على الشمال وانت واقف قدام العربية في العلبة اللي فوق البطارية ..

لو الفيوز سليم والمراوح بتشتغل بس درجة الحرارة بتعلى برده يبقى عندك دورة التبريد احتمال يتكون مسدوده لسه واحد صاحبي معاه بيجو 406 موديل 2000 العربية كانت المراوح بتشتغل على 100 وهي المفروض تشتغل على 95 وكتير قعدوا يفتوا ان الترموستات بايظ راح لواحد يعرفه كان فيه حاجة في دورة التبريد الصدا ساددها وبعد ما نضفوا الدورة المراوح بقت بتشتغل على 95
وربنا يسترها معاك ولو عايز ميكانيكي كويس انا اعرف واحد في المهندسين مبيتغلش غير في الاسكوداوالفولكس والاودي و السيات وانا بتعامل معاه على طول

[MohammedAladel]

ربنا يستر وميكونش الموتور حصل فيه حاجة ,,,,اول حاجة لو العربية اشتغلت معاك اعمل الاتي :

استنى دقيقتين لو العربية باردة خالص وبعد كده شغل النكييف وبص على مراوح الرادياتير ...لو المراوح اشتغلت يبقى الفيوز بتاع المراوح سليم لو ما اشتغلتش بص على فيوز المراوح وده بيكون اول فيوز من على الشمال وانت واقف قدام العربية في العلبة اللي فوق البطارية ..

لو الفيوز سليم والمراوح بتشتغل بس درجة الحرارة بتعلى برده يبقى عندك دورة التبريد احتمال يتكون مسدوده لسه واحد صاحبي معاه بيجو 406 موديل 2000 العربية كانت المراوح بتشتغل على 100 وهي المفروض تشتغل على 95 وكتير قعدوا يفتوا ان الترموستات بايظ راح لواحد يعرفه كان فيه حاجة في دورة التبريد الصدا ساددها وبعد ما نضفوا الدورة المراوح بقت بتشتغل على 95
وربنا يسترها معاك ولو عايز ميكانيكي كويس انا اعرف واحد في المهندسين مبيتغلش غير في الاسكوداوالفولكس والاودي و السيات وانا بتعامل معاه على طول

لو ثرموثتات الكوعة بايظ ومقفول هيسد دورة التبريد برضه مش شرط الصدأ

[Moratoz]

ربنا يستر وميكونش الموتور حصل فيه حاجة ,,,,اول حاجة لو العربية اشتغلت معاك اعمل الاتي :

استنى دقيقتين لو العربية باردة خالص وبعد كده شغل النكييف وبص على مراوح الرادياتير ...لو المراوح اشتغلت يبقى الفيوز بتاع المراوح سليم لو ما اشتغلتش بص على فيوز المراوح وده بيكون اول فيوز من على الشمال وانت واقف قدام العربية في العلبة اللي فوق البطارية ..

لو الفيوز سليم والمراوح بتشتغل بس درجة الحرارة بتعلى برده يبقى عندك دورة التبريد احتمال يتكون مسدوده لسه واحد صاحبي معاه بيجو 406 موديل 2000 العربية كانت المراوح بتشتغل على 100 وهي المفروض تشتغل على 95 وكتير قعدوا يفتوا ان الترموستات بايظ راح لواحد يعرفه كان فيه حاجة في دورة التبريد الصدا ساددها وبعد ما نضفوا الدورة المراوح بقت بتشتغل على 95
وربنا يسترها معاك ولو عايز ميكانيكي كويس انا اعرف واحد في المهندسين مبيتغلش غير في الاسكوداوالفولكس والاودي و السيات وانا بتعامل معاه على طول

كلام سليم 100% وكمان ممكن بعد التأكد وفقا لما سبق الكشف خراطيم المياه والوصلات القريبه من المصفحة علشان انتا بتقول ان الموضوع دا حصل بعد تركيب المصفحة فممكن يكون حاجة اتخبطت ونزلت ميه وراجع مشتركات الشجرة الصغيرة الخاصة بخراطيم المياه

[magedkahla]

نصيحة متعملش مشاوير بالعربية خالص وخدها علطول لمحمد سمير يوم الصبح بدري خلي يشوف فيها ايه هو راجل محترم جدا جدا وفاهم شغلو كويس اوي

[MOstafa Hashem]

تم حل المشكله الحمد لله .. انا قلبى وقع عشان معنديش خبره فى الاوكتافيا .. انا لسا جايبها من 4 ايام


المشكله طلعت فى حساس المراوح و غطا الأربه كان بايظ وبيسرب ميه ومش بيحفظ الهوا غير ان العربيه كانت ناقصه كيييلو زيت

حساس المراوح 80 جنيه
غطا أربه 25 جنيه
مصنعيه 120 جنيه

بس انا مشبت بالعربيه وكانت منوره احمر وكانت كاتبه stop check coolant manual تقريبا والحمد لله محصلش حاجه .. لو كانت عربيه تانى كانت جابت جوووان

الحمد لله

[Moratoz]

الحمد لله عملتها فين

[MOstafa Hashem]

لقيت بالصدفه ميكانيكى فى بنى سويف مع ان ده صعب تلاقيه عندنا

[msspower]

طيب مكانه واسمه الله يباركلك يا درش

[msspower]

طيب مكانه وعنوانه يا درش الله يباركلك