تجربة قصيرة في المناورة مع c180 بالفانتازيا

[inspiron]

النهاردة كنت بجيب صديقي من المطار وراجعين دائري في إتجاه الجيزة..كان بقالي فترة ممشتش عليه من أوله لآخره..المهم كان في تحويلة كده معرفش عاملينها ليه..وكله ماشي عادي ويلف التحويلة دي علي مهله .. أبص في المراية ألاقي عربية مرسيدس c class الشكل ده



جاي طاير..قولت نجرب مش هنخسر..وكانت المفاجأة تساوي الأداء.لدرجة إني كنت حاسس إن عربيته فيها حاجة أو هو مش سواق..بس في حتة كنت أنا داخل علي الـ 200 وهو بيعدي بالراحة.ساعتها والله حسيت بفرحة لا توصف.إن الأوكتافيا تقدر تقاوح مع عربية زي دي..بس بصراحة الشاب اللي كان راكبها عنده روح رياضية عالية..وسلم عليا بعد ما وصلنا عند برج سما.المهم إن في الآخر ختمت بنقرة في الزجاج من سيارة نقل محملة زلط..وعمار يا مصر.

[forti]

عااااش اوكتافيا

[bmya]

انا بحب الشكل ده اوي

[lanos2004]

طبعا لو سى 180 كمبروسر فهوة مكنش بيجرى اصلا -دة كان بيتونس بالاوكتافيا علشان ميجريش لوحدة-او سواق على قدة-
انا جريت مع سى 180 وجريت مع اوكتافيا---لو سى 180 موديل 2000 او قبل كدة فعلا ممكن العربيتين يتساوا فى الشد
انما لو سى 180 كمبروسر
مافيش وجهه مقارنه اساسا فى تجميع السرعه ولا التوب سبيد نهائى

[salah_86]

ربنا يستر طريقك وجميل قوى انك لو بتشد مع حد يبقى بروح هزار ونبقى روح خفيفة وتضحكو فى الاخر وانتم اصلا متعرفوش بعض انما الواحد بيقع فى الطريق ساعات مع اشكال منيلة بنيلة وبتسوق سواقة بهايمى وخلاص واخيرا نورت المطار ياريس ودا مكان شغلى على فكرة

[lanos2004]

هيه كمبروسر ولا مش كمبروسر -- علشان بس نعرف
اصل انا قريت المشاركه رجعت قريتها تانى ظهرت صورة عربيه مرسيدس قديمه من الى يدوبك تمشى

[monamize4]

ياباشا دى عربية بقالها اكتر من 12 سنة ..... ازاى تقارنها بالفانتازيا اللى بقالها 3 سنين ؟!!!!!!!!

[M.sheashaa]

حتى لو موديل قديم هى مرسيدس

[yasserelsayad]

عادي انها قديمة اذا كان ال ١٨٠ الcgi ثباتها مش علي قد الفئة بتاعتها

[kar!m]

ال c180 الشكل ده مش كمبروسر طبعا.

[Moratoz]

احنا سواق الأوكتافيا بتاعنا ( Inspiron ) هوا ئل جااااااااامد

[lanos2004]

حتى لو موديل قديم هى مرسيدس

فهمنى اكتر
العربيه دى تجرى فى الجيل بتاعها بس
يعنى المرسيدس موديل 80 الاربعه غيار لو جابت 170 على محرك 2000 سى سى تبقه عملت الى متعملش-مع انها مرسيدس


شوف يا صديقى العزير دى عربيه 122 حصان على وزن مصيبه وماتور بقاله 12 سنه ماشى يعنى بالكتير قوته بقت 70 فى الميه ولسه بيجر نفس الوزن وكمان عاوز تجريه مع اوكتافيا حديثه واخف وزن طب ازاى
طب صدق او لا تصدق
انا ببهدل المرسيدس 200 نفس الشكل وبعربيه طالع روحها ولسانها مدلدل وبتكح ومحتاجه مقويات
دى غير ان عربيتى المريضه بتطلع من الاوكتافيا اول وتانى وتالت كانى مركب تيربو
ولسه امبارح على المحور لقيت اوكتافيا شايفه نفسها والحمد لله خليتها فى ظهرى فى ثانيتين تقريبا
بس الى مستغربه ليه الاوكتافيا اول ما توصل 185 بتموت


انا كان نفسى الموضوع يبقه
مناورة مع سيراتو--مع باسات -tsi-الينترا -هوندا سيفك-لانسر 1600--ونشوف بقه شد المواتير

[Moratoz]

فهمنى اكتر
العربيه دى تجرى فى الجيل بتاعها بس
يعنى المرسيدس موديل 80 الاربعه غيار لو جابت 170 على محرك 2000 سى سى تبقه عملت الى متعملش-مع انها مرسيدس


شوف يا صديقى العزير دى عربيه 122 حصان على وزن مصيبه وماتور بقاله 12 سنه ماشى يعنى بالكتير قوته بقت 70 فى الميه ولسه بيجر نفس الوزن وكمان عاوز تجريه مع اوكتافيا حديثه واخف وزن طب ازاى
طب صدق او لا تصدق
انا ببهدل المرسيدس 200 نفس الشكل وبعربيه طالع روحها ولسانها مدلدل وبتكح ومحتاجه مقويات
دى غير ان عربيتى المريضه بتطلع من الاوكتافيا اول وتانى وتالت كانى مركب تيربو
ولسه امبارح على المحور لقيت اوكتافيا شايفه نفسها والحمد لله خليتها فى ظهرى فى ثانيتين تقريبا
بس الى مستغربه ليه الاوكتافيا اول ما توصل 185 بتموت


انا كان نفسى الموضوع يبقه
مناورة مع سيراتو--مع باسات -tsi-الينترا -هوندا سيفك-لانسر 1600--ونشوف بقه شد المواتير

مسنينك يا باشا تشد مع باسات tsi وتبقي تقولنا النتيجه

[lanos2004]

مسنينك يا باشا تشد مع باسات tsi وتبقي تقولنا النتيجه

بتنفخ عادى جدا جدا بس لو الباسات حاطط بنزين 92 بتنفخ من 60 الى 140 فقط- بس لو جارى معاه بعد 140 بثبت معاها
لو حاطط بنزين 95 بتنفخ طول الطريق عادى جدا-والجولف التيربو والشيروكو صواريخ بتعدى من جنبى حاجه تعقد

[lanos2004]

طب ما فيش صورة صغيرة ولا حتت فيديو للعداد بتاع العربيه زى ما انا مابعمل
دة انا مرة كسرت 220 عملت فرح وقعدت اصور فى العداد --اصلها لحظه مش هتتكرر--فلازم صورة للذكريات
نفسى اشوف عداد او كتافيا على الدائرى متخطى حاجز 190