سكوداوي جديد تعارف ومساعدة

[eltaherx]

السلام عليكم ورحمة الله وبركاته
اعضاء منتدا سكودا الكرام انا جاي من كوكب اوبل والحمد لله ربنا من عليا بسكودا 2008 a5 وبصراحة الحمد لله انا حاسس ان كلامكم كله عن العربية دي في محله والفضل في اختيار العربية دي لله ثم ليكم وده طبعا بعد قراءة كل مشاركتكم في المنتدي وانا سعيد واتمني التعرف بكم إن شاء الله وطبعا حتعبكو معايا من اولها واتمني حد يساعدني انا لما اشتريت العربية من صاحبها بدون الكتالوج وراجل كبير في السن وكل ما اساله علي حاجة يقولي والله مااعرف فيها حاجة من يوم مااشتريتها اولا فيها الكاسيت شاشة رفيعة سي دي وراديو باقي المفاتيح معرفش وظايفها وكمان العصايتين بتاعة المساحات والعصاية بتاعة النور مكتوب عليهم وظايف كتير انا اسف اني طولت عليكم في اول مشاركة واتمنى ان حد يشرحلي بالتفصيل او لو حد عنده كتالوج للعربية دي يتكرم ويبعتهولي وربنا يجعلو في ميزان حساناتكو

[eltaherx]

مستني حد يرد عليا

[eltaherx]

سبحان الله وبحمده سبحان الله العظيم

[sakr_skoda]

مرحبا اخى اسكدياوى عزيز نورت القسم والله ....*
والف مبروك على حسن اختيارك ربنا يديك خيرها ويكفيك شرها وشرور الطرقات....*

انظر فى الموضوعات المثبته حتلاقى موضوع كل ما يخص الاكتافية والفنتازيا حتلاقى كل طلباتك باذن الله وياريت تستنى اخواننا فريق التيم وورك هما حيفيدوك اكتر لنهم معاهم نفس السيارة....

http://www.nilemotors.net/Nile/333372-a.html

[ahmed_hanafi]

الف مبروك علي العربية ... وربنا يديك خيرها ويكفيك شرها

[أحمد جودة]

مبروك يا كبير على العربية وربنا يعطيك منها خيرها ويكبعد عنك وعنا شرور الطريق

وأهلا بيك فارس من فرسان الاسكودا فى بيتك التاني

تقبل تحياتي

[Moratoz]

مبروك اولا علي العربيه
ثانيا اول حاجة تعملها تروح تعمل صيانه كامله من سيور وفلاتر وزيوت وبلي كتينه ودينامو وبوجيهات ( ما دام انتا مش عارف عنها وعن جدول الصيانه الخاص بها حاجة )
انتا عايز تعرف ايه عن الزراير واني زراير بالظبط بالنسبه لدراعات المساحة في ورار في سن الدراع دا وظيفته عرض المعلومات المختلفة علي شاشه العربيه ومنها استعلاك البنزين والمسافه المقطوعه المسافة المتبقيه من البنزين لعدد كيلو متر بالمقارنه بحساب الأستهلاك الخاص بطبيعه مشيك بالعربيه
ولو دست علي هذا الزرار دوسه مطوله شويه بيعرض قائمه أخري غير المعروضه علي الشاشه الرئيسيه تتضمن طريقه فتح الأبواب مثلا طبيعه اضاءة الصالون ونظام الفلو مي لو عندك وطريقة اظهار المسافات بالكيلو او الميل مثلا ضبط الساعه
اما دراع النور علي الشمال فيوحج زرار ايضا في طرف الدراع عبارة عن مثبت السرعه علما بأنه لا يعمل الا بعد بلوغ سرعه 80 ك ممكن تتدوس عليه دوسه مطوله بعد سرعة 80 هتلقيه علم في التابلوه وثبت سرعة العربيه وممكن كمان تدوس عليه من اعلي يقوم بتزويد السرعة او من اسفل لتقليلها ويتم فصله بالضغط علي الفرامل
ولو في اي استفسار اخر لا تتردد في عرضة جميع أعضاء القسم كل منا يقوم بأجابه ما يعرفة من معلومات ودي من أهم ميزة من مميزات قسم الأسكودا حيث أنه من اكثر الأقسام تفاعل في المنتدي

[eltaherx]

شكرا ليكم جميعا علي الرد وعلي قبولي واحد من التيم بتاعكو مع اني للاسف مش حكون منتظم زيكو في الدخول الدائم بس حكون متواجد معاكم علي فترات مش بعيدة وردا علي اخي انا فعلا لازم اروح التوكيل واعمل تشك كامل علي العربية بس لما ارجع الغردقة لان دي المشكلة اللي كانت مخاوفاني ان مفيش عندي في البلد اي توكيل او مركز خدمة حتى او قطع غيار لاكن انشاء الله دايما ربك الستار

[esama66]

السلام عليكم ااخى الكريم انا معي اسكودا e5 يوجد معها كتالوج بلعربي فاء ذاارتا تصويره ان تحت امرك رقم التليفون ٠١٢٢٣٦٥٠٨٦٥

[طارق _عبد السلام]

السلام عليكم ورحمة الله وبركاته
اعضاء منتدا سكودا الكرام انا جاي من كوكب اوبل والحمد لله ربنا من عليا بسكودا 2008 a5 وبصراحة الحمد لله انا حاسس ان كلامكم كله عن العربية دي في محله والفضل في اختيار العربية دي لله ثم ليكم وده طبعا بعد قراءة كل مشاركتكم في المنتدي وانا سعيد واتمني التعرف بكم إن شاء الله وطبعا حتعبكو معايا من اولها واتمني حد يساعدني انا لما اشتريت العربية من صاحبها بدون الكتالوج وراجل كبير في السن وكل ما اساله علي حاجة يقولي والله مااعرف فيها حاجة من يوم مااشتريتها اولا فيها الكاسيت شاشة رفيعة سي دي وراديو باقي المفاتيح معرفش وظايفها وكمان العصايتين بتاعة المساحات والعصاية بتاعة النور مكتوب عليهم وظايف كتير انا اسف اني طولت عليكم في اول مشاركة واتمنى ان حد يشرحلي بالتفصيل او لو حد عنده كتالوج للعربية دي يتكرم ويبعتهولي وربنا يجعلو في ميزان حساناتكو

الف مبروك عليك العربيه
ربنا يعطيك خيرها ويكفيك شرها
اتفضل ادخل الرابط ده

https://mediaportal.skoda-auto.com/r...structions.pdf

[EngAhmedSayed]

السلام عليكم ورحمة الله وبركاته
اعضاء منتدا سكودا الكرام انا جاي من كوكب اوبل والحمد لله ربنا من عليا بسكودا 2008 a5 وبصراحة الحمد لله انا حاسس ان كلامكم كله عن العربية دي في محله والفضل في اختيار العربية دي لله ثم ليكم وده طبعا بعد قراءة كل مشاركتكم في المنتدي وانا سعيد واتمني التعرف بكم إن شاء الله وطبعا حتعبكو معايا من اولها واتمني حد يساعدني انا لما اشتريت العربية من صاحبها بدون الكتالوج وراجل كبير في السن وكل ما اساله علي حاجة يقولي والله مااعرف فيها حاجة من يوم مااشتريتها اولا فيها الكاسيت شاشة رفيعة سي دي وراديو باقي المفاتيح معرفش وظايفها وكمان العصايتين بتاعة المساحات والعصاية بتاعة النور مكتوب عليهم وظايف كتير انا اسف اني طولت عليكم في اول مشاركة واتمنى ان حد يشرحلي بالتفصيل او لو حد عنده كتالوج للعربية دي يتكرم ويبعتهولي وربنا يجعلو في ميزان حساناتكو

ان شاء الله قريب هنزل الكتالوج و هيشرحلك كل حاجه عن عربيتك
و الف مبروك على العربيه الجديده وربنا يكفيك شرها
و الرجاء من حضرتك
ادخل سجل بياناتك على الرابط

http://www.nilemotors.net/Nile/289645-a.html

ربك المستعان

السلام عليكم ااخى الكريم انا معي اسكودا e5 يوجد معها كتالوج بلعربي فاء ذاارتا تصويره ان تحت امرك رقم التليفون ٠١٢٢٣٦٥٠٨٦٥

الف شكر للحضرتك على الاستجابه للكتالوج
و ان شاء الله هاقابل حضرتك
و نسحب الكتالوج سكان و نرفعه هنا فى القسم
و اهلا بيك فى قسمنا يا استاذ ناصر
هستاذن حضرتك سجل بيناتك هنا فى القسم بتاعنا

http://www.nilemotors.net/Nile/289645-a.html

ربك المستعان
تحياتى لكم بالتوفيق
م / احمد سيد
منسق قسم سكودا