المياه تنزل من الشكمان سودا

[melkhamy]

استفسار
العربية مع بدء التشغيل وانا بسخنها بتنقط مياه من الشكمان ومتهيالى ده مؤشر كويس
لكن المياه بتبقى نازله مسودة او (معاها زى هباب اسود)
هل ده ليه تفسير معين
وشكرا

[Khaled Lanos]

ممكن يكون طبيعي وممكن يكون عندك مشكلة في الحرق في بنزين بيتضخ زيادة في غرفة الحريق فبيعمل الهباب الإسود دا..ودي مشكلة حساس الشكمان..الأعضاء هيفيدوك أكتر مني إن شاء الله.

[aldesha989]

زى ما قالك الاستاذ خالد وممكن مع الدوران تلاقى دخان اسود مع المايه ودى علامه ان البنزين مش بيتحرق كامل بص على حساس الشكمان
ولو كربراتير خلى حد يظبطهولك

[darehawk]

متايع لوجود نفس الشكل

[طارق _عبد السلام]

الحرق مش مظبوط
هى العربيه بتاكل زيت ولو على خفيف
وجرب تدوس بنزين جامد وحد واقف عند الشكمان وشوف فيه دخنه مع الدوسه ولا لا

[أحمد جودة]

أنا عندي نفس الموضوع بس مش على طول أحيانا فى الايام الباردة المياة بتنقط كتير

بس أنا لسة غاسل الكربيراتير زي ماعم صبحي موضح فى موضوعه

وظابط السلانسية أعتقد بالطريقة الصحيحة

عموما أنا كمان متابع

[YHYAKOTB]

هى العربية شكلها كدة عندى نفس الكلام فى الفيليشيا مع العلم انى منضف كاربيراتير ومغير شكمان ونفس الموضوع بيطرطش مياة سودة ومع دوسة البنزين الجامدة يجيب دخان اسود

[melkhamy]

لا بصراحة انا لسة مظبط الكربراتير فى مركز ممتااااااااز فى مدينة قباء
وفعلا ظبطت جدا فى استهلاك البنزين
وحجرب دوسة البنزين واشوف الدخنه كدة

[sakr_skoda]

الموضع دا كان بيحصل معايا قبل عمل الصيانة للكاربرتير وكان الموضوع مفصل شرح بالصور فى الرابط التالى:

http://www.nilemotors.net/Nile/328852-a.html

[amrelsaqqa]

العربية ايه ؟
عامة لو كربراتير يبقى مشكلة ضبط هوا السلانسيه او محتاج تنضيف او بيكات واسعة وتحتاج لتغيير او الشفاط معلق على وضع التسخين او الكربراتير يحتاج اكس وباب او بينفس هوا من الجوانات ومحتاج طقم اصلاح
انا استبعد مسمار الهوا الصراحة لأن صعب يبقى هوا السلانسيه مش مظبوط والشكمان يجيب مية اصلا

لو انجكشن يبقى حساس شكمان او رشاشات

[طارق _عبد السلام]

هى العربية شكلها كدة عندى نفس الكلام فى الفيليشيا مع العلم انى منضف كاربيراتير ومغير شكمان ونفس الموضوع بيطرطش مياة سودة ومع دوسة البنزين الجامدة يجيب دخان اسود

كده لو عندك بيجوهات معرقه زيت
يبقى الشنبر خفيف

[YHYAKOTB]

كده لو عندك بيجوهات معرقه زيت
يبقى الشنبر خفيف

لا يااستاذ طارق البوجيهات طالعة سليمة

[aw2100]

هى العربية شكلها كدة عندى نفس الكلام فى الفيليشيا مع العلم انى منضف كاربيراتير ومغير شكمان ونفس الموضوع بيطرطش مياة سودة ومع دوسة البنزين الجامدة يجيب دخان اسود

مع دوسة البنزين الجامدة بيجيب دخان اسود يبقى عندك مشكلة فى الباب التانى وهو بيفتح فقط مع دوسة البنزين الجامدة علشان بيغذى الموتور على السرعات العالية ممكن يكون محتاج الباب التانى يتخرط او بك السرعة عندك واسع انا الكاربراتير كان بيجيب هباب وخرطت الكاربراتير وضبطلى البابين والعربية بقى الشكمان ابيض مفيش هباب والحمد لله !!!

[YHYAKOTB]

مع دوسة البنزين الجامدة بيجيب دخان اسود يبقى عندك مشكلة فى الباب التانى وهو بيفتح فقط مع دوسة البنزين الجامدة علشان بيغذى الموتور على السرعات العالية ممكن يكون محتاج الباب التانى يتخرط او بك السرعة عندك واسع انا الكاربراتير كان بيجيب هباب وخرطت الكاربراتير وضبطلى البابين والعربية بقى الشكمان ابيض مفيش هباب والحمد لله !!!

عملتة فين ياباشا الموضوع دة ؟ وكلفك كام

[EngAhmedSayed]

الموتور لو بينزل مياه ده كده كويس
تمام
المياه السودا الشكمان بيبقى مهبب و فى رماد فا بتلون المياه و بتخليها سودا حاول ظبط الكربرتير و بوجيهات و سرفيس صيانه و الدنيا ان شاء الله تيبقى كويسة
ربك المستعان