مشكلة في كهربة الأوكتافيا a4 2007

[magedkahla]

انا العربية عندي فيه مشكلة تقريبا في الكهربة بصو انا هشرحلكم كل حاجة وانت إل عندو خلفية يا ريت يفهمني دلوأتي انا مركب 2 زينون واحد 35 وات في العدسات والتاني 55 وات في الفانوس العالي والواطي ومركب جي ام 350 وات سوني إكس بولد وبركب سمعتين بيضاوي 500 وات كين وود والبطارية الصراحة معرفش كام امبير المهم انا عندي النور بيرعش رعضة خفيفة كدة حتى نور الصلون اليدات فيها حاجة غريبة كدة لوناه بيرعش وكمان لما بشغل السمعات والجي ام وبعلي الصوت على الأخر نور العددات بيرعش هو كمان اه ودايما كان جهاز الزينون يتحرق من الجهاز الشمال اتحرق 3 مرات فهل الكهربة فيها ايه البطارية كدة عمرها خلص ولا ضعيفة لإني الحجات ده كلها لسة راكبة جديد وانا معرفش البطارية حالتها ايه لإني شاري العربية مستعملة من سنة هل اروح لأي كهربائي يعرف يشتغل فيها ولا الأوكتافيا كهربتها معقدة وكومبيوتر وكدة لازم أروح لمكانيكي بتاعي هو عندو كهربائي يا ريت لو تقولولي اعمل ايه

[forti]

مش قادر افيدك بس اى حد يشوف الكلام ده هيقول ان فى حمل كبير على البطارية

[Moratoz]

نور الصالون بيرعش فقط وانتا مشغل الزينون ولا بيرعش دائما او وانتا مشغل الزينون يبقي في حمل زائد علي البطاريه لو بيرعش لوحدة اعتقد في مشكله في الضقيرة ممكن يبقي قيها سيحان ودا بيؤدي الي بوظان الفردة الشمال
اكشف علي كهرباء العربيه عند واحد فاهم وياريت يكون عند أحد مراكز الصيانه لو عندعم كهربائي هيكونوا اكثر درايه من الكهربائي العادي يأما يكون الكهربائي الخاص بسيادتك بيشتغل في الحديث
انا الزينون عندي متركب عليه مقومات علشان يخف الحمل علي كهرباء العربيه علشان كان بيرعش عندي لما اقلب عالي

[magedkahla]

لأ نور الصلون انا مركب ليدات بيرعش من غير الزينون حتى خلاص انا هنزل عند واحد عندنا في المعادي مكانيكي اسكودا وهسألو هو قالي ان عندو كهربائي بس مش عارف كويس ولا لأ أصل الصراحة مش فاضي اروح لحد محمد سمير جسر السويس المشوار بعيد اوي ولا ايه رأيكم

[Moratoz]

ممكن تشوف احمد زاهر في صقر قريش المعادي بس معرفش عندة كهربائي ولا لأ

[magedkahla]

انا نزلت لواحد وقالي البطارية كويسة وكل حاجة وزي الفل بس هي ضعيفة على الجي ام إل راكب مع انو 350 وات بس هو قالي ان الجي ام بيسحب كهربة كتير المهم قالي ممكن أمشي بالبطارية بتعتي لحد لما تجيب آخرها لإنها كويسة ونضيفة متغيرة من أقل من سنة بس لما اجيب بطارية تانية أجيبها 80 أمبير الصراحة نسيت أسألو بتعتي كام امبير وانا لاحظت فعلا اني لما بشغل الكاسيت نور الصلون بيرعش انما لما بقفلو مش بيرعش

[aw2100]

انا نزلت لواحد وقالي البطارية كويسة وكل حاجة وزي الفل بس هي ضعيفة على الجي ام إل راكب مع انو 350 وات بس هو قالي ان الجي ام بيسحب كهربة كتير المهم قالي ممكن أمشي بالبطارية بتعتي لحد لما تجيب آخرها لإنها كويسة ونضيفة متغيرة من أقل من سنة بس لما اجيب بطارية تانية أجيبها 80 أمبير الصراحة نسيت أسألو بتعتي كام امبير وانا لاحظت فعلا اني لما بشغل الكاسيت نور الصلون بيرعش انما لما بقفلو مش بيرعش

انا انصحك تغيير البطارية فورا وممكن تبيع القديمة لاى حد لانها شغالة وتجيب بطارية 80 امبير ودى اقل واجب للجي ام إل راكب 350 وات يعنى بيسحب 12/350= 29 امبير نفس قوة ضربة المارش تقريبا وتوصل الجى ام بتوصيلات اسلاك خارجية للبطارية مباشرة بعيد عن ضفيرة العربية علشان ماتحرقش حاجة ولو ماعملتش كدة الرعشة دى ممكن تاثر على دوائر الكونترول اللى فى العربية والكومبيوتر بتاعها وتبوظها خلى بالك قوى ؟؟