حدث في مثل هذا الموقف

[Moratoz]

السلام عليكم ورحمه الله
أصدقائي فكرت نعمل موضوع عن اهم المواقف الغريبة ئل الواحد تعرض لها والحلول التي تم مواجهه المشكله بها حتي تكون مرجع لنا في كثر من الموقف الغير متكررة
وهبدأ بنفسي انا مرة نزلت لقيت العجله نائمه علي الارض عادي ايه المشكله المهم طلعت العدة وبدأت إفك المسامير ام مين شفني عم البواب وطبعا مرداش أني اشتغل وهوا يتفرج المهم انا عندي المسامير في منها بمفتاح لوك قام حط اللوك في المسماة ومركبوش كويس راحت راس المسمار نعمت من جوة نتيجه تفويته جامدة وعنكم مبقتش عارف اعمل ايه العجله مش عارف افكها ولا قادر امشي عليها طبعا خائف لا الجند يبوظ او الكاوتش نفسه أبوظه المهم كنت شقت جاري ليا عندة كمبرسور نفخ الكاوتش المحمول قمت زقيت البواب عليه علشان يجيبه لي منه علشان معروفوش المهم قمت نافخ الكاوتش نص نص وقمت جاري علي بتاع الكاوتش بتاعي وخليته يخبورها علي الواقف وبعدين طلعت عن خراط قام عمل لحام بمسمار اخر علي المسمار الاصلي وقام فاكك المسمار الاصلي من العجله

ياريت لو حد تعرض لموقف غريبه او غير متكررة ان يقوم بعرض تجربته للاستفادة

[sakr_skoda]

موضوع رائع فعلا وفوائدة عظيمة....

بس ليا تعليق دايما فى الموقف العصيبة التصرف دايما بيبقى بما يقدره الله له يعتى لو كنت استاذ سواقة واتفجأت بمطب علطول تدوس فرامل على تنقلب السيارة على طول النهاية غير مرضيه فهذا ما اراضة الله للعبد فحسن التصرف فى القيادى او اى شئ آخر ليس فلاحة ولا شطارة ولاكن مقدور الله للعبد....*

ولاكن ما عرضته ا:عمر فعلا تصرف رائع اراده الله لك ولا مانع من عرض تلك المواقف هنا لنتعلم شئ لربما يتعرض احدنا لمثل ما تعرض الية كاتب الموقف::

[Moratoz]

والله يا استاذ/ صبحي كتير من الموقف ئل ممكن تصيب بالدربكه ممكن تتحل بتفكير هادي زي العربيه لما تسخن قليل منا ئل يفكر انه ممكن يبقي الفيوز بس وخلاص هل حد فكر منا يبقي معاه فيوز اسبير احتياطي او مشط فيوزات متعدد الأحمال ويراعي دائما تواجدة بالسيارة والله كتير مواضيع بتتحل بحجات بسيطه بس لو سبناها هتلاقي الصنيعيه يعملوا فتحه ونصبه

[A_Baidak]

فعلا يا غالى بس زى ما قال اخويه واستاذى صبحى

الموقف بيحكم وفعلا برده المفرود الواحد يسيب ججات اسبير معاه كده زى الفيوز خرطوم ميه بالزات اللى نازل من تحت الريداتير ده لانو لو ضرب انت مش بتحس بيه والعداد مش هيرفع لانى الميه مش وصلاله من الاساس

وربك يسترها

[forti]

موضووووع جميل جدا يا moratoz حدث فى مثل هذا الموقف (Y)

[Moratoz]

موضووووع جميل جدا يا moratoz حدث فى مثل هذا الموقف (y)

حبيبي يا د/مصطفي والله الواحد بيحاول يتعلم من عمالقة القسم

[EngAhmedSayed]

موضوع جميل
و مبادرة جميله منك اشكرك عليها
انا بقى حدث ليا موقفين و دول دمى هرب منى بس ربنا هو الستار و لوزه الحمد لله بتحبينى
الموقف الاول
شارع القصر العينى كنت ماشى على سرع 80 90 و العربيات كلها و قفت مره واحد شىء طبيعى ادوس فرامل ادوس مفيش انزل بالدوسه مفيش سرحت فكرى جاله حالت شلل جيت على طول سقط غيار اقل و روحت رافع الهند بريك بس كنت بكرارك عليه يعنى ارفع و اشد و اسيب سنه ارجع اشد و اسيب سنه و المسافه قلى بينى و بين العربيات مش هلاحق اوقفها روحت واحد شمال على طول بغرزة سريعه للحد ما سيطرت عليها و بفضل ربنا مكنش حد جى من شمالى
ووقف فى الشمال اهدى نفسى و بطلت العربيه قعد بتاع عشر دقايق للحد ما هديت و كملت سنه سنه لحد ماروحت ركنتها فى بركنج الشغل و غيرت المستر العمومى
الحمد لله


الموقف الثانى
على طريق مصر اسكندريه الصحروى فى العيد الكبير قلى فات كنت رايح حديقة افريكانو و معايا المدام و اختى و اخويا و جوذ اختى و كنت ماشى على 120 او 130 كيلو و العجله قلى قدام تنفجر بدون سابق انذار قلى ناحية السواق و هوب العربيه اترزعت على الارض و الجنط ضرب فى الاسفلت تحس انى العربيه هتتفكك من بعض و الكوتش كان بيتقطع و بيطير و انا ماشى اختى و المدام صوتو الصوت كان عالى و الحمدلله اتباعة الارشادات و هى
1- ارفع رجلك من على دواسة البنزين و سيس العربيه مثلا العربيه بتحدف يمين تيجى انتا تحود شمال لالالالالالالالالالا
هى حدفت يمين اوك امشى معاه يمين بس تحكمها و متخلهاش تروح يمين تخليها تاخد مسار على طول للحدج ما توقفها
يعنى بالبلدى كده روح معاها و انتا حكمها و لما ترد ترد سنه سنه مش مره واحد
2- غيارات عكسى و خلى بالك و انتا بتخد الغيار العكسى تمسك الدركسيون كويس عقبال ماتعشق الغيار العكسى لانى فى الحاله دى انتا حررت العجلتين قلى قدام فا سرعة العجلتين اختلفو تماما يعنى عجله سريعه و عجله هتكون بطيئه فالازم بسرعه تعمل توازنبين العجلتين عن طريق الدركسيون
3- فى حالة العجلتيين قلى قدام و انا بكرر فى حالة العجلتين قلى قدام تكارك بالهند بريك مسموحلك يعنى ترفع و تسيب ترفع و تسيب مش تعشق الهند بريك لالالالا للحد ما تهدى العربيه نزلت لسرعة 60 او 40 انتا كده الحمد لله فى امان

عاوز اقول حاجه لمالكى الفليشيا او الفيفوريت انى العربيه دى بفضل ربنا انى هى و الله العظيم العربيه ما خرجتش خارج الحاره بتاعتها و له سنتى يعنى محدفتش سنى واحد و عن تجربه قلى ربنا ما يكتبهاش على حد
حبيت انقل التجربتين

الحمد لله على كل شىء
ربك المستعان
وبكرر شكرى Moratos
العائد الجديد للتيم ووورك قسم سكودا و مبادره جميله منك
تحياتى لك بالتوفيق

[Moratoz]

والله يا باش مهندس مواقف كتير وخبرة التعامل او المعرفة بتنقل الموقف زي انفجار العجله لازم الواحد يبقي عارف ايه المفروض يتعمل

[EngAhmedSayed]

والله يا باش مهندس مواقف كتير وخبرة التعامل او المعرفة بتنقل الموقف زي انفجار العجله لازم الواحد يبقي عارف ايه المفروض يتعمل

عندك حق و الله
ربك يستر

[المنسي]

موقف حصل معايا قبل كده فجاة لقيت مفيش فرامل والدواسة لغاية الاخر والعربية مش راضية تقف ففكرت انى اكارك على الفرامل لغاية ماوقفت ونزلت بصيت على السيرفو وعلى الماستر بتاع العجل الخلفى لقيت ان فيه عجلة من اللى ورا الماستر بتاعها ضرب والزيت نزل منه روحت البيت وكل لما اجى افرمل بكارك على الدواسة لغاية ماغيرت الماستر بتاع العجلة دى

[inspiron]

موضوع هايل وتستحق التقدير عليه

الموقف الأول.كنت بالعربية الخنزيرة علي كوبري أكتوبر..ماشي 100 وكانت الساعة 7 الصبح..وعند نزل غمرة العجلة الأمامية يمين ضربت..والعربية فضلت تيجي من اليمين لأقصي الشمال ومن الشمال لأقصي اليمين.وربنا ألهمني إني مضربش فرامل..والعربية كل ما تروح في إتجاه ألف الدريكسيون عكس الإتجاه ده ربع لفة وأرجعه تاني..لحد ما سرعتها وصلت 40 ووقفتها بفرامل اليد واحدة واحدة والحمد الله جات سليمة.

الموقف التاني.كنت بالفنتازيا علي طريق مصر إسكندرية الساعة بالليل وماشي 160..وبعدي من جنب عربية في نقطة عامية إتفاجئت بنقل واقف علي جنب الطريق..وقفت علي الدواسة وبردو لفيت الدريكسيون في آخر لحظة نص لفة والحمد لله وقفت جنب النقل بـربع متر تقريباً.وبعدها طيرت خوفت لحد يطلع عليا d:

[Moratoz]

موضوع هايل وتستحق التقدير عليه

الموقف الأول.كنت بالعربية الخنزيرة علي كوبري أكتوبر..ماشي 100 وكانت الساعة 7 الصبح..وعند نزل غمرة العجلة الأمامية يمين ضربت..والعربية فضلت تيجي من اليمين لأقصي الشمال ومن الشمال لأقصي اليمين.وربنا ألهمني إني مضربش فرامل..والعربية كل ما تروح في إتجاه ألف الدريكسيون عكس الإتجاه ده ربع لفة وأرجعه تاني..لحد ما سرعتها وصلت 40 ووقفتها بفرامل اليد واحدة واحدة والحمد الله جات سليمة.

الموقف التاني.كنت بالفنتازيا علي طريق مصر إسكندرية الساعة بالليل وماشي 160..وبعدي من جنب عربية في نقطة عامية إتفاجئت بنقل واقف علي جنب الطريق..وقفت علي الدواسة وبردو لفيت الدريكسيون في آخر لحظة نص لفة والحمد لله وقفت جنب النقل بـربع متر تقريباً.وبعدها طيرت خوفت لحد يطلع عليا d:

لازم الواحد علي الاقل يبقي عارف يعمل ايه في مواقف زي دي بصرف النظر عن ساعه القدر والتصرف الفعلي وربك الستار

[Moratoz]

موقف حصل معايا قبل كده فجاة لقيت مفيش فرامل والدواسة لغاية الاخر والعربية مش راضية تقف ففكرت انى اكارك على الفرامل لغاية ماوقفت ونزلت بصيت على السيرفو وعلى الماستر بتاع العجل الخلفى لقيت ان فيه عجلة من اللى ورا الماستر بتاعها ضرب والزيت نزل منه روحت البيت وكل لما اجى افرمل بكارك على الدواسة لغاية ماغيرت الماستر بتاع العجلة دى

والله الحمد لله انها استجابت معاك ولما كاركت جابت معاك فرامل وبدرة يبقي في حسبان الواحد موضوع الكراك دا علي البدال بدل ما يفضل الواحد دسائس علي الفرامل علي طول ومخ الواحد يبقي واقف

[المنسي]

والله الحمد لله انها استجابت معاك ولما كاركت جابت معاك فرامل وبدرة يبقي في حسبان الواحد موضوع الكراك دا علي البدال بدل ما يفضل الواحد دسائس علي الفرامل علي طول ومخ الواحد يبقي واقف

الحمد لله واللى ساعدنى كمان انى كنت ماشي فى شارع جانبي ومكنتش بجرى واهم حاجة فالموضوع ده للى يقابله حاجة زى كده امشي فاليمين وعلى مهلك ولما تحب تفرمل كارك