سلك البنزين و دواسه البنزين ؟؟

[Mostafa.Ramdan]

السلام عليكم ورحمة الله وبركاته

رجاله اسكودا اخباركم ايه يارب الكل يكون بخير

من بعد ماعملت جوان وش السلندر الميكانيكى زيت دواسه البنزين والدواسه بقت حلوه جدا عشان كانت تقيله جدا

وبعدها بكام يوم الدواسه تقلت اكتر من الاول وعم صبحى قالى ان الزيت ده بيلم تراب وبيخلى تقيله وقالى على حاجه كده اعملها بس بصراحه معرفتش

وكنت قريب من الميكانيكى بتاعى عديت عليه عشان يشوفلى حل قالى هيا متزيته كويس ومش عليها اى تراب وانا بصيت بنفسى وفعلا مكنش على السلك اى تراب

وقالى كده انت هتحتاج تغير سلك البنزين

ايه رأيكم فى الكلام ده ؟؟ وسعر سلك البنزين ده كام ؟؟

وفى حاجه كمان لما اكون ماشى بالعربيه الايام دى بليل وبجرى بالعربيه امبير الحراره بينزل فوق ال 70 بشرطه والمروحه تفصل وافضل ماشى على نفس سرعتى والامبير مبيرفعش عن كده

اعتقد المشكله فى ترموستات الكوعه ؟؟

صح الكلام ده ؟؟ وسعر ترموستات الكوعه كام ؟؟

تحيـــــــــاتــــى

[sharkass]

بسم الله الرحمن الرحيم
بخصوص سلك البنزين ممكن فعلا يكون هو محتاج انه يتغير بس للأسف انا معنديش أى فكره عن سعره
اما بخصوص الجرى بالعربية بليل فى هذا التوقيت يكون الجو بارد ومع سرعة السيارة الريداتير يتم تبريده من الهواء مباشرة ولا يحتاج ان تكون المروحة فى وضع التشغيل
فلا داعى لتغيير ترموستات الكوعة ان شاء الله .

[aldesha989]

انا كمان لما بكون في طريق مفتوح وشادد بالعربيع العداد بيكون علي الربع علشان الجو بيبقي برد والمروحه مش بتشتغل الا لما ادخل زحمه تانى

[I.ABUBAKR]

بالنسبه لدرجه الحراره وصلت 70
غالبا ثرموستات الكوعه متشاله من عندك

[aw2100]

السلام عليكم ورحمة الله وبركاته

رجاله اسكودا اخباركم ايه يارب الكل يكون بخير

من بعد ماعملت جوان وش السلندر الميكانيكى زيت دواسه البنزين والدواسه بقت حلوه جدا عشان كانت تقيله جدا

وبعدها بكام يوم الدواسه تقلت اكتر من الاول وعم صبحى قالى ان الزيت ده بيلم تراب وبيخلى تقيله وقالى على حاجه كده اعملها بس بصراحه معرفتش

وكنت قريب من الميكانيكى بتاعى عديت عليه عشان يشوفلى حل قالى هيا متزيته كويس ومش عليها اى تراب وانا بصيت بنفسى وفعلا مكنش على السلك اى تراب

وقالى كده انت هتحتاج تغير سلك البنزين

ايه رأيكم فى الكلام ده ؟؟ وسعر سلك البنزين ده كام ؟؟

وفى حاجه كمان لما اكون ماشى بالعربيه الايام دى بليل وبجرى بالعربيه امبير الحراره بينزل فوق ال 70 بشرطه والمروحه تفصل وافضل ماشى على نفس سرعتى والامبير مبيرفعش عن كده

اعتقد المشكله فى ترموستات الكوعه ؟؟

صح الكلام ده ؟؟ وسعر ترموستات الكوعه كام ؟؟

تحيـــــــــاتــــى

بالنسبة لسعر سلك البنزين ماعرفوش لكن انت عربيتك ماشاء الله دورة التبريد 10/10 ان الحرارة بتنزل لفوق ال 70 بشوية وانت على سرعة ده طبيعى واكيد ترموستات الكوعة متشال ولو موجود كلنا بنشيله علشان بيخنق دورة التبريد وبيهيس وده اكبر سبب يبوظ جوان الوش وانت عارف المرض المشهورة بيها الفليشيا اللى ماتتسماش ....... لكن انت تحمد ربنا قوى وبلاش وسوسه وانت داخل على صيف !!!

[sakr_skoda]

طيب ما تجرب تفك الواير من الاكسرتير زى ما قللك علشان نخكم هل الدواسة اما الواير....

على العموم الواير انا لسة مغيره بنفسى طبعا وكنت شاريه ب 45 جنيه والله لو عندى بلادوسة كنت شرحتلك بالصور ازاى تغيير واير البنزين بنفسك علشان انتا عارف المكان مظلم وضيق جدا يعنى محتاج تنام نصفك فى الدواسة والنص التانى فى الشارع وعلى ضهرك كمان طبعا عاوزة واحد رياضى مرن ممكن يككعور كدا ويفك الدواسة ويبركب الواير فا انا جرب حل الواير وشوف الدواسة معاك سلسله يبقى اشترى واير ب45 جنية وروح لى ميكانيكى يركبهولك وكتيرو 20 جنيه....*

اما بالنسبة للحرارو وعداد الحرارة يااااااااااااااااااااااااااااااه مصيبة كبيرة........* ان يكون غير اللى بتحكى عنه يارجل ثيرموستات كوعة ايه مجليكش فى كوع ياحبيبى دا احنا اول حاجة نشيلها البتاع دا وياريت بقى كفايه وسوسة كل فليشتنا كدا وبنحمد ربنا على النعمه اللى احنا فيها....*

[YHYAKOTB]

وفى حاجه كمان لما اكون ماشى بالعربيه الايام دى بليل وبجرى بالعربيه امبير الحراره بينزل فوق ال 70 بشرطه والمروحه تفصل وافضل ماشى على نفس سرعتى والامبير مبيرفعش عن كده

اعتقد المشكله فى ترموستات الكوعه ؟؟

صح الكلام ده ؟؟ وسعر ترموستات الكوعه كام ؟؟

تحيـــــــــاتــــى

لا مش صح العربية تمام كدة وربنا يباركلك فيها

[طارق _عبد السلام]

على فكره ثرموثتات الكوعه ده مهم للغايه احنا فعلا هنا فى مصر عند اى ميكانيكى متوعد انه يشيله ويقولك ياراجل
ده ملوش اى لازمه
وممكن بردوا لو عطل معاك مره وشيلته تخاف تركبه تانى
وللعلم هو ثمنه قليل لكن مهم جدا
اولا بيحافظ على حراره الموتور تفضل 90 ثابته وده درجه الحراره المثاليه للموتور
لكن تخيل وانت ماشى فى البرد والحراره بتنزل
ده على ما اظن بيعمل تسليخ للبساتن
والكلام ده كان عندى زمان فى البولو وكنت محافظ على الثرموثتات ده

ومن متخصص قال لى الكلام ده ووضح لى فائدته وانه بيحافظ فعلا على ثبات درجه حراره الموتور وبالتالى المحافظه على الموتور

[طارق _عبد السلام]

على فكره ثرموثتات الكوعه ده مهم للغايه احنا فعلا هنا فى مصر عند اى ميكانيكى متوعد انه يشيله ويقولك ياراجل
ده ملوش اى لازمه
وممكن بردوا لو عطل معاك مره وشيلته تخاف تركبه تانى
وللعلم هو ثمنه قليل لكن مهم جدا
اولا بيحافظ على حراره الموتور تفضل 90 ثابته وده درجه الحراره المثاليه للموتور
لكن تخيل وانت ماشى فى البرد والحراره بتنزل
ده على ما اظن بيعمل تسليخ للبساتن
والكلام ده كان عندى زمان فى البولو وكنت محافظ على الثرموثتات ده

ومن متخصص قال لى الكلام ده ووضح لى فائدته وانه بيحافظ فعلا على ثبات درجه حراره الموتور وبالتالى المحافظه على الموتور

[المنسي]

فعلا زى ما قلت يا استاذ طارق وظيفة ترموستات الكوعة بس احنا اللى بنفكها علشان ملهاش لازمة هو في حاجة اتعملت فى موتور العربية ملهاش وظيفة دى حجاة تانى حاجة انا ركبت كذا عربية مع حد زى الفيرنا والبريليانس ولاحظت ان مؤشر الحرارة ثابت عندهم على 90 ولا بيطلع ولا بينزل بعكس الفليشيا الجميلة بتاعتنا تلاقى المؤشر وصل 90 وينزل تانى ويطلع وينزل يعني المروحة تشتغل وتفصل وتشتغل وتفصل وهكذا

درش بالنسبة لسلك البنزين اعتقد مش غالى ممكن بالكتير هتلاقيه ب 30 او 35 جنيه وتركيبه سهل مش صعب بس عايز انك تهوى القديم من الاكسراتير وتروح عند الدواسة من جوة العربية بيبقي للسلك حاجة كده عاملة زى حرف l بتركب فالدواسة من جوة العربية بس السلك طبعا محتاج يتشحم قبل ما يوصل للواير

[elandlos]

بالنسبة لثرموثتات الكوعه الكلام بيختلف عند الحديث عن المحركات ذات الحقن المباشر للوقود (انجكشن) كل حاجه لها الف لازمه

[Mostafa.Ramdan]

ان شاء الله نازل النهارده اشترى سلك البنزين وهعدى على الميكانيكى يركبه

[Mostafa.Ramdan]

اشتريت سلك البنزين ب 60 جنيه وان شاء الله هعدى على الميكانيكى بليل واركبه

ممكن يكون السعر غالى شويه بس انا كنت مستعجل جدا ومش هعرف الف و ادور

[aw2100]

[quote=المنسي;3874877468]فعلا زى ما قلت يا استاذ طارق وظيفة ترموستات الكوعة بس احنا اللى بنفكها علشان ملهاش لازمة هو في حاجة اتعملت فى موتور العربية ملهاش وظيفة دى حجاة تانى حاجة انا ركبت كذا عربية مع حد زى الفيرنا والبريليانس ولاحظت ان مؤشر الحرارة ثابت عندهم على 90 ولا بيطلع ولا بينزل بعكس الفليشيا الجميلة بتاعتنا تلاقى المؤشر وصل 90 وينزل تانى ويطلع وينزل يعني المروحة تشتغل وتفصل وتشتغل وتفصل وهكذا ]
حكاية ان المؤشر وصل 90 وينزل تانى ويطلع وينزل يعني المروحة تشتغل وتفصل وتشتغل وتفصل وهكذا
ده ليه ؟
علشان حضرتك مركب ترموستات درجة حرارة واطيه انا لما اشتريت العربية وكانت راكبة الترموستات الأصلية كانت درجة الحرارة ثابتة على 90 والمروحة بتشتغل ثوانى وتفصل علشان الترموستات الأصلية راكبة اللى هى 105 / 90 بس الميكانيكى قال لى على مرض الفليشيا اللى ماتتسماش ...... اللهم احفظنا وغيرت الترموستات للواطيه 82/90 فلو عاوز العربية ترجع فبريكه ركب الترموستات الأصلية اللى هى 105 / 90 وبالنسبة للكوعة كل وظيفتها تسخين العربية بسرعة فى المناطق الثلوج الباردة لكن فى مصر اعتقد لازمتها الوحيدة انها لما بتهيس بتضربلنا جوان وش السلندر ويسلام لو مسافر ياباشا ولكم تحياتى !!!!

[Mostafa.Ramdan]

الحمد لله غيرت السلك وفعلا كان هو السبب فى تقل الدواسه

مصنعيه الميكانيكى 15 جنيه