افضل طقم دبرياج

[adiaa222]

ان شاء الله هنزل شارع دمشق عشان اشترى طقم دبرياج
العربية مش عجبانى فى سحبها فى المطالع او لما بكون مركب حد جنبى بتتاثر كتير غير ان صوتها بقى عالى فى النقلات واخرها 120 كيلو بالعافية
بس الصراحة وانا راكب لوحدى بتجرى زى الصاروخ بس مش عايز استنى لما تجيب اخرها وتبوظ خالص
فياترى افضل ماركة اية وبكام؟
نسيت حاجة مهمة انا العصاية بتاعة الفتيس فيها بوش بس مش مشكلة انا متعود عليها كدة ونقلاتها كويسة بس الغريبة وانا على السلانسية كنت بلعب او اهز العصاية يمين وشمال الاقى العربية بتفصل معايا من غير منقل طبعا ؟

[adiaa222]

انا سئلت فى المهدى قالى عندة تركى 300 جنية بس انا مش هستخصر هشوف المانى او اوربى

[megaman]

انا اسمع ان الفاليو ممتاز والله اعلم دور عليه اصلى وخد اراء الناس ولا تنسى الاستخاره شكرا

[I.ABUBAKR]

خليك في اللوك او الساكس

معايا اللوك شغال حوالي 40000كم وتمام لحد الان

وسعره كان 450 جنيه من سنتين معرفش وصل كام دلوقتي

بس علي فكره الاعراض المذكوره في مشركتك مش معناها طقم دبرياج

يعني مفيش رجه في الطلوع من الثبات و مفيش تفويت ولا ريحه شياط وعداد لفات الموتور متناسب مع السرعه

يبقي مش طقم دبرياج

اعتقد انت محتاج تغير فلاتر وتضبط الكربراتير وان شاء الله الوضع يتحسن

[المنسي]

ان شاء الله هنزل شارع دمشق عشان اشترى طقم دبرياج
العربية مش عجبانى فى سحبها فى المطالع او لما بكون مركب حد جنبى بتتاثر كتير غير ان صوتها بقى عالى فى النقلات واخرها 120 كيلو بالعافية
بس الصراحة وانا راكب لوحدى بتجرى زى الصاروخ بس مش عايز استنى لما تجيب اخرها وتبوظ خالص
فياترى افضل ماركة اية وبكام؟
نسيت حاجة مهمة انا العصاية بتاعة الفتيس فيها بوش بس مش مشكلة انا متعود عليها كدة ونقلاتها كويسة بس الغريبة وانا على السلانسية كنت بلعب او اهز العصاية يمين وشمال الاقى العربية بتفصل معايا من غير منقل طبعا ؟

طقم الدبرياج هات نوع اسمه ساكس كويس جدا وعلشان تختبر طقم الدبرياج هتعمل الاتى علشان تتاكد انه جاب اخره
1- رجرجة على الاول وانت طالع وتحس ان العربية سحبها بقي ضعيف
2- سرعة العربية من اول 90 تحس انها مبقتش تجمع معاك زى الاول
3- ارتفاع صوت الموتور مع ضعف السحب
كل اللى فات ده فى حالة ان الفلاتر عندك تمام والكربراتير حالته كويسة
قصة عصاية الفتيس انها مع اقل حركة العربية تبطل معناه ان الدبرياج عندك من اقل لمسة بيفصل التروس بتاعة الفتيس يعني ايه الكلام ده يعني مع حركة الفتيس اللى انت بتقول عليها اكنك دوست على الدبرياج وبتنقل

[Moratoz]

طقم الدبرياج هات نوع اسمه ساكس كويس جدا وعلشان تختبر طقم الدبرياج هتعمل الاتى علشان تتاكد انه جاب اخره
1- رجرجة على الاول وانت طالع وتحس ان العربية سحبها بقي ضعيف
2- سرعة العربية من اول 90 تحس انها مبقتش تجمع معاك زى الاول
3- ارتفاع صوت الموتور مع ضعف السحب
كل اللى فات ده فى حالة ان الفلاتر عندك تمام والكربراتير حالته كويسة
قصة عصاية الفتيس انها مع اقل حركة العربية تبطل معناه ان الدبرياج عندك من اقل لمسة بيفصل التروس بتاعة الفتيس يعني ايه الكلام ده يعني مع حركة الفتيس اللى انت بتقول عليها اكنك دوست على الدبرياج وبتنقل

بص يا منسي انا معرفش في الفتيس قوي بس دا ممكن كمان يبقي العقربه بتاعه الفتيس متكله ومن اقل لمسه للعصايه كأنها بتنقل بس مش عارف ايه علاقة الدبرياج بالموضوع اذا كان هوا اصلا ما بيدوس عليه

[EngAhmedSayed]

طقم الدبرياج هات نوع اسمه ساكس كويس جدا وعلشان تختبر طقم الدبرياج هتعمل الاتى علشان تتاكد انه جاب اخره
1- رجرجة على الاول وانت طالع وتحس ان العربية سحبها بقي ضعيف
2- سرعة العربية من اول 90 تحس انها مبقتش تجمع معاك زى الاول
3- ارتفاع صوت الموتور مع ضعف السحب
كل اللى فات ده فى حالة ان الفلاتر عندك تمام والكربراتير حالته كويسة
قصة عصاية الفتيس انها مع اقل حركة العربية تبطل معناه ان الدبرياج عندك من اقل لمسة بيفصل التروس بتاعة الفتيس يعني ايه الكلام ده يعني مع حركة الفتيس اللى انت بتقول عليها اكنك دوست على الدبرياج وبتنقل

صح كلامك يا منسى
الساكس نوع كويس
و سياتك تجيب الطقم كامل
اسطوانة و ديسك و بليه
موضوع البوش قلى فى العصايه سياتك تجيب حاجه اسمها ضفدعة فتيس
ربك المستعان

[adiaa222]

متشكر لكل مشاركتكم
بس حكاية وجود رجرجة على الاول وانت طالع وتحس ان العربية سحبها بقي ضعيف
مش موجودة بس الفكرة انا مش عايز استنى لغاية ميجيب اخرة

[sakr_skoda]

متشكر لكل مشاركتكم
بس حكاية وجود رجرجة على الاول وانت طالع وتحس ان العربية سحبها بقي ضعيف
مش موجودة بس الفكرة انا مش عايز استنى لغاية ميجيب اخرة

لاء الصح تستنى لما يجيب أخره........

[فادى محمد]

-اطلع بالعربيه اي مطلع زي كوبري مثلا وثبت رجلك علي سرعه معينه وليكن 60 وشوف مؤشر الار بي ام علي كا م بالضبط ...
-لف وانزل الكوبري (المطلع هيبقي منزل) ثبت رجلك علي نفس السرعه وانت نازل وشوف الار بي ام علي كام ؟
-لو المؤشر علي نفس القيمه اللي كانت في المطلع يبقي طقم الدبرياج عندك سليم . انما لو القيمه قلت يبقي الاسطوانه ضعيفه وهتغير الطقم كامل ...تقبل تحياتي