كاوتش كوبلن داخلي وخارجي

[Moratoz]

صباح الخيرات تحياتي للجميع
انا كنت ببص علي حاجة في العربيه a5 ولقيت كاوتش الكوبلن الداخلي والخارجي مقطوعين والراجل قلي عايزين نغيرهم وقلي بلاش الصيني حاول تجيب الأصلي قلت ماشي اشوفهم عند الهاشميه في الأخر دول كاوتش كوبلن هيبقي بكام - الصاعقة بقي لقيت الكاوتشه الواحدة بـ 195 جم يعني 4 كاوتشات 800 جم تقريبا السؤال بقي المهم هل حد يعرف ان في كاوتشات لموديلات اخري من السيارات تركب عندنا ولا لقي علشان اجيب الأصلي بتاعها علشان اكيد مش هتعدي 50 جم للكاوتشه بصراحه مستحرم أغير كاوتش بس ب 800 جم
وشاكر لسيادتكم

[moumen_hs]

أحسن حاجة حضرتك تجيب الاصلى فى الكوتشات دية بالزات حتى لو فى بديل يكون الاصلى بردوا لان دية فيها شحم ولو الكاوتش نوعة سيى بيبوظ على طول

[eltorbeny]

هو الكوبلن بكام؟؟؟
تغير الكاوتشات مش حاجة عملية عشان الكوبلن بيبقي خلاص دخل فيه تراب والى كان كان ده بيبقي مسكن مؤقت
كمان احسب الفك والتركيب
احسبها وشوف ايه اوفرلك عشان انا مش عارف الاسعار

[amdd]

هو الكوبلن بكام؟؟؟
تغير الكاوتشات مش حاجة عملية عشان الكوبلن بيبقي خلاص دخل فيه تراب والى كان كان ده بيبقي مسكن مؤقت
كمان احسب الفك والتركيب
احسبها وشوف ايه اوفرلك عشان انا مش عارف الاسعار

+1+1

[Moratoz]

+1+1

اولا حاجتين القطع لسه بسيط
ثانيا ثمن الكوبلن مش زي منتوا فاكرين 5000 جم جديد و2800 استيراد علي حسب بعض الأخوة في المنتدي اشتروا استيراد

[Omar.Shawki]

انت عندك ياعمرو كل كاوتشات الكوبلن مقطوعة ؟
انا رأيى تجيب الكاوتشات الاصلى احسن
انا غيرت الكبالن عندى بنوع اسمه myle المانى
طقم كوبلن داخلى 1400 جنيه
طقم كوبلن خارجى 800 جنيه

[Moratoz]

انت عندك ياعمرو كل كاوتشات الكوبلن مقطوعة ؟
انا رأيى تجيب الكاوتشات الاصلى احسن
انا غيرت الكبالن عندى بنوع اسمه myle المانى
طقم كوبلن داخلى 1400 جنيه
طقم كوبلن خارجى 800 جنيه

الحمد لله يا عمر الكبالن كويسه الكاوتش بس هوا ئل في بدايات قطع علشان كدة هغيرة قبل ما يأثر علي الكبالن ان شاء الله

[فادى محمد]

كاوتش الكوبلن بتاع اوبل فيكترا الداخلي يركب عندك فوق وتحت (داخلي وخارجي يعني) لان محيطه هو نفس محيط كوبلن الاوكتافيا ..طبعا الاصلي الماني شركات كتير(مايلي - فيبي - بلاشتاين) سعره 60ج .وممكن وانت عند العفشجي بعد ماتحل الكوبلن تاخد الراس اللي تحت في شنطه وتجرب عند التاجر اي نوع بس يكون اصلي وعلي فكره افضل انواع الكاوتش في العالم صناعه ايطالي ! انما حرام تدفع مبالغ زي دي في كاوتش كوبلن ,,فعلا هي مهمه وبتحافظ ع الكوبلن بس ربنا وهبنا عقل نفكر واحنا هنا في منتدي متخصص سيارات علشان نفكر مع بعض ونساعد بعض بعيد عن الاستغلال وجهل الصنايعيه .تحياتي

[Moratoz]

كاوتش الكوبلن بتاع اوبل فيكترا الداخلي يركب عندك فوق وتحت (داخلي وخارجي يعني) لان محيطه هو نفس محيط كوبلن الاوكتافيا ..طبعا الاصلي الماني شركات كتير(مايلي - فيبي - بلاشتاين) سعره 60ج .وممكن وانت عند العفشجي بعد ماتحل الكوبلن تاخد الراس اللي تحت في شنطه وتجرب عند التاجر اي نوع بس يكون اصلي وعلي فكره افضل انواع الكاوتش في العالم صناعه ايطالي ! انما حرام تدفع مبالغ زي دي في كاوتش كوبلن ,,فعلا هي مهمه وبتحافظ ع الكوبلن بس ربنا وهبنا عقل نفكر واحنا هنا في منتدي متخصص سيارات علشان نفكر مع بعض ونساعد بعض بعيد عن الاستغلال وجهل الصنايعيه .تحياتي

هوا دا ئل انا بدور عليه بالظبط يا فادي حاجة اصلي تمشي عندي وتعيش بس فيتكترا موديل كام علشان انا والله مستحرم أحط كاوتش كوبلن بس ب٨٠٠ جم

[فادى محمد]

فيكترا بي (الفراشه) من 96 الي 2003

[طارق _عبد السلام]

اعمل مثلما قال لك الاستاذ فادى هتفرق كتير وهتوفر كتير
ولا تهمل موضوع جلد الكوبلن ده لانه فعلا بيضيع الكوبلن كله
وكويس يا استاذ عمرو انك مهتم لان التكلفه بعد ذلك ستكون عاليه

[Moratoz]

اعمل مثلما قال لك الاستاذ فادى هتفرق كتير وهتوفر كتير
ولا تهمل موضوع جلد الكوبلن ده لانه فعلا بيضيع الكوبلن كله
وكويس يا استاذ عمرو انك مهتم لان التكلفه بعد ذلك ستكون عاليه

أن شاء الله علي اول الشهر يا أما جلد فيكترا أو اصلي

[benmatar]

شوف كاوتشات البورا او الباسات القديم، ساعات بلاقي حاجات للبورا ارخص من الفولكس وبالعكس وفي الآخر باكتشف إنها هي هي.

[Moratoz]

شوف كاوتشات البورا او الباسات القديم، ساعات بلاقي حاجات للبورا ارخص من الفولكس وبالعكس وفي الآخر باكتشف إنها هي هي.

حاجات البورا بتمشي علي الاسكودا a4 مش a5 المشكله أني محتاج إفك الكوبلن الاول وامشي بالكاوتشه وتدور وبصراحه كمان مش عارف اجيب الكاوتشه الأصلين الخاصة بالأوبل فيتكترا دي منين زي ما استاذ فادي قال سابقا

[فادى محمد]

حاجات البورا بتمشي علي الاسكودا a4 مش a5 المشكله أني محتاج إفك الكوبلن الاول وامشي بالكاوتشه وتدور وبصراحه كمان مش عارف اجيب الكاوتشه الأصلين الخاصة بالأوبل فيتكترا دي منين زي ما استاذ فادي قال سابقا

-شارع شامبليون ...سرور - عادل حموده - امريكان ستارز
-التوفيقيه ..محل الشيماء(شارع زكي ,رقم 21)-