بفكر اغير جنوط الa4

[midoabokhadra]

انا عربيتي a4 2000سيلفر وعندي الجنط العادي اللي عليه طاسات
بفكر اشتري الجنوط الاسبور الاصلي بتاع ال a4 استيراد . اية رايكم يا رجالة
وهل ابيع الجنوط القديمة ولا اخليها ؟ وهل التغيير هايبقى افضل من الجنط اللي بطاسة ؟
مستني ارائكم

[firstabdo]

والله انا كمان معايا موديل ٩٩ وكنت عايز اركب جنوط سبور ١٥ او ١٦ وعملت موضوع فى المنتدى ولاحد عبرنى مش عارف ليه ؟؟؟؟؟ ربنا معاك ومعايا

[kiddy]

عادى خالص غيروا للجنط 15 بس يكون الاصلى والتزموا بمقاس الكاوتش

[forti]

ممكن حضرتك تغير عادى بس التزم بمقاسات الكاوتش و دى هتلاقيها على غطاء البنزين من الداخل

[midoabokhadra]

هل شكل الجنط الاسبور بتاعها الاصلي هايبقى احلى ولا شكل الطاسات احلى
يعني التغيير مجدي ؟؟ ولا لا ؟؟

[MOstafa Hashem]

بص .. انا مش معترف بالجنط السبور بتاع العربيه دى a4 .. حاسس انو مفيش فرق بينو وبين الطاسه

كمان شايف ان الجنط لو اقل من 16 يبقى ملوش لازمه خصوصا ان الجنط الحديد اللى نازل معاها 15 بردو

من رأيى شوف جنوط a5 شكلهم احلى ومقاس 16 بس مش عارف هاينفع يركبو ولا لأ ..

شوف كده وابقى قولى عشان انا بردو عايز اجنط