بروشور سكودا أوكتافيا الجديده

[Ahmed_Adham]

البروشور من سكودا انجلترا وطبعا مش شرط نفس المواصفات تنزل هنا بس موجود كل المواصفات الاختياريه وبصراحه العربيه بقت غرقانه أوبشنز بالرغم من انها أقل في الوزن من القديمه بأكتر من 100 كيلو والعربيه تعجب الباشا خصوصا ان الكلام ان اللي هتنزل مصر ال 1.4 140 حصن اللي هيكون التسارع بتاعها أفضل من القديمه بفرق يستاهل وبكده تتلافى أكبر عيب في القديمه وتقدم لنا عيب تاني هوه فتيس ال DSG اللي يارب يكون له حل في يوم من الايام عشان العربيه دي من أفضل العربيات في مصر في رأيي المتواضع.

ده لينك البروشور

https://tools.skoda.co.uk/brochure_newoctavia.pdf

اعتذر مقدما ان كان الموضوع مكرر رغم اني دورت عليه في القسم موصلتلوش وتحياتي لراكبي الاوكتافيا.

[Moratoz]

تسلم علي المجهود

[Ahmed_Adham]

أحب أضيف نتيجه اختبارات السلامه للعربيه اللي خدت فيها 5 نجوم


5 Star Euro NCAP Crash Safety Rating:
93% adult protection
86% child protection
82% peestrian protection
66% safety assist.

[Ahmed_Adham]

وفيه كلام ان الفتيس ال DSG نازل عليه ضمان 5 سنين أو 150 ألف كيلو في روسيا والصين واستراليا.

دي ريفيو للعربيه من موقع انجليزي

Skoda Octavia 2013 - Car Review | Honest John

[speed_magnum]

لو نزلت dsg
سوق العربيه هيموت والتجار هتلعب علي النقطه دي كتييييير

[khaabas]

بس سؤال بقى لرجالة اسكودا هو ليه يقولك لو عاوز المانى بيجرى هات سكودا
وبالنسبة لعيب الفتيس اللى كل واحد موش فاهم حاجة يقولك اصل العربيات دى فيها عيب فى الفتيس هو ايه العيب اصلا نرجو الافادة

[mo7a_mo7a]

اولا شكرا علي المجهود واستاذن في توضيح بعض النقاط

الوزن قل 100 كجم علشان العربية اعتمدت شاسيه جديد اخف وهو شاسيه الجولف7

الموتور اللي حينزل مصر 122 حصان مش 140

العربية فيتيس dsg اوتو وحيبقي في منها مانيوال

خالص تحياتي

[inspiron]

اولا شكرا علي المجهود واستاذن في توضيح بعض النقاط

الوزن قل 100 كجم علشان العربية اعتمدت شاسيه جديد اخف وهو شاسيه الجولف7

الموتور اللي حينزل مصر 122 حصان مش 140

العربية فيتيس dsg اوتو وحيبقي في منها مانيوال

خالص تحياتي

تصحيح يا باشا...الموتور اللي هينزل مصر 140 حصان مش 122..الـ 122 حصان ده بح خلاص :)

والكلام ده من موقع الشركة نفسه وعرض المواتير اللي نازله فيها

الموتور 1.4 تيربو 103 kw
أي ما يعادل 139 حصان تقريباً ( صافي )

[Mohyeldin1974]

هل موضوع المانيوال ده يبعدنا عن مخاطرة dsg

[inspiron]

هل موضوع المانيوال ده يبعدنا عن مخاطرة dsg

شخصياً..لو نزلت منوال في مصر..هشتريها بدون أدني تفكير إن شاء الله

[Ahmed_Adham]

شخصياً..لو نزلت منوال في مصر..هشتريها بدون أدني تفكير إن شاء الله

المشكله ان العربيه المانيوال مش بتنزل بكماليات خالص فهتلاقيها بالكتير تكييف وجنوط وازاز كهربا وبس.........

[inspiron]

المشكله ان العربيه المانيوال مش بتنزل بكماليات خالص فهتلاقيها بالكتير تكييف وجنوط وازاز كهربا وبس.........

والله يا باشا اعتقد الموضوع هيختلف في العربية دي.لأن شوفت ليها كذا فيديو تفصيلي للمنوال فيها كماليات كتير.حتي البارك أسيست.

[Ahmed_Adham]

والله يا باشا اعتقد الموضوع هيختلف في العربية دي.لأن شوفت ليها كذا فيديو تفصيلي للمنوال فيها كماليات كتير.حتي البارك أسيست.

الكلام ده يبقى سهل لما تكون بتفصل كماليات العربيه على مزاجك حته حته وكل حاجه بتمنها زي بره وسعتها ممكن تعمل عربيه فل أوبشن بفتيس مانيوال بس هنا التوكيل بينزلك كام فئه جاهزين متعرفش تغير فيهم وبحجم مبيعات الاكتافيا في مصر مش هينزل فئتين تلاته مانيوال وزيهم أوتو لكن سهل يبقى الكلام ده في حاجه زي السيراتو مثلا للانتشار والفئه اللي مش هتعجب فلان هتعجب غيره والعربيه مش هتقف في التوكيل أو المعرض كتير.