سكودا سوبيرب الجديدة Skoda Superb

[forti]

النهاردة اسكودا نزلت السوبيرب الجديدة على صفحتها الرسمية و اليكم الصور





انا شايفها من قدام بقت شبه الفانتازيا الى حد كبير و من ورا شكلها جامد جدا شبه الاودى و ده رأيى المتواضع

[horas3000]

ده ال face left
و للاسف من غير الاوتوماتيك العربية دي ملهاش سوق
و هتفضل في ظل الباسات رغم انها افضل منها

[monamize4]

و هتفضل في ظل الباسات رغم انها افضل منها

علل

[S O P H O S]

شكلها جميل ..

[horas3000]

علل :u_thin1[1]:

السوبيرب مبنية بالكامل علي ساشيه الباسات بس مطولينه
و تقنيا العربيتين واحد لكن السوبيرب اوسع من الخلف بشكل ملحوظ مع لمسات فخامه اكتر شويتين
لكن للاسف علامة سكودا مش جذابه زي علامة الفولكس الشركة الام
و العربية مش بتبيع زي الباسات
و اللي زاد انها في مصر بتنزل مانوال بس و الاوتو منها 1800 سي سي و سعرها معدي

[inspiron]

سبقتني كنت لسه هكتب الموضوع..

عربية خيااااااااااااااااااااال...بس زي ما شريف بيه قال..مشكلة نزولها منوال فقط والأوتوماتيك منها بيتكلم في نص مليون

[Moratoz]

صور رائعه مصطفي بك وبتفكرني بي تويوتا افنسيس كانت يتنزل مصر منوال بس ولم تحقق النجاح

[monamize4]

السوبيرب مبنية بالكامل علي ساشيه الباسات بس مطولينه
و تقنيا العربيتين واحد لكن السوبيرب اوسع من الخلف بشكل ملحوظ مع لمسات فخامه اكتر شويتين
لكن للاسف علامة سكودا مش جذابه زي علامة الفولكس الشركة الام
و العربية مش بتبيع زي الباسات
و اللي زاد انها في مصر بتنزل مانوال بس و الاوتو منها 1800 سي سي و سعرها معدي

انت لسه برضه مقولتش ليه السوبيرب افضل من الباسات!!!!!!!!!!!
فئة ال d-segment او ال large family car ف مصر مفهاش منافس قوى للباسات , المونديو كان ليها تجربة فاشلة ف مصر بسبب الفتيس المانيوال و نفس الكلام بالنسبة للافنسس و دا نفس السبب اللى مخلى السوبيرب غير قادرة على المنافسة اما بالنسبة للفولفو s60 فا دى خارج المنافسة بسبب سعرها (بس الصراحة تستاهل ) و ان كان من الظلم اننا نقارنها مع الباسات لانها اقرب لفئة ال compact executive car زى ال c - class , BMW 3 Series , Audi A4من الاخر كدة مفيش منافس حقيقى للباسات ف مصر غير ال 508
و ع فكرة الباسات best seller ف اوروبا ف الفئة دى
المشكلة ان الفئة دى كلها عربياتluxury مش sport فا مش acceptable انها تبقى مانيوال و اكيد محدش هيشترى سوبيرب اوتو 1.8 لان تمنها فوق ال 450 الف جندى

[superb]

انت لسه برضه مقولتش ليه السوبيرب افضل من الباسات!!!!!!!!!!!
فئة ال d-segment او ال large family car ف مصر مفهاش منافس قوى للباسات , المونديو كان ليها تجربة فاشلة ف مصر بسبب الفتيس المانيوال و نفس الكلام بالنسبة للافنسس و دا نفس السبب اللى مخلى السوبيرب غير قادرة على المنافسة اما بالنسبة للفولفو s60 فا دى خارج المنافسة بسبب سعرها (بس الصراحة تستاهل ) و ان كان من الظلم اننا نقارنها مع الباسات لانها اقرب لفئة ال compact executive car زى ال c - class , bmw 3 series , audi a4من الاخر كدة مفيش منافس حقيقى للباسات ف مصر غير ال 508
و ع فكرة الباسات best seller ف اوروبا ف الفئة دى
المشكلة ان الفئة دى كلها عربياتluxury مش sport فا مش acceptable انها تبقى مانيوال و اكيد محدش هيشترى سوبيرب اوتو 1.8 لان تمنها فوق ال 450 الف جندى

انت قولت المفيد .. و اضافه بسيطه .. مستحيل تلاقى عربيه اسكودا افخم من عربيه فولكس ... سياسة شركات لأن الشركه الأم عمرها مهتدفن عراقة الماركه الأصليه .. و الباسات عربيه فيها عيوب و مميزات زيها زى اى عربيه .. بس السوبيرب الجديده صعب بردو تنافس فى سوق مصر بالفتيس دا !

[horas3000]

انت لسه برضه مقولتش ليه السوبيرب افضل من الباسات!!!!!!!!!!!

الافضليه في مساحة الارجل للركاب في الخلف و بعض لمسات الفخامة الزياده
مش فرق جوهري يعني

انت قولت المفيد .. و اضافه بسيطه .. مستحيل تلاقى عربيه اسكودا افخم من عربيه فولكس ... سياسة شركات لأن الشركه الأم عمرها مهتدفن عراقة الماركه الأصليه .. و الباسات عربيه فيها عيوب و مميزات زيها زى اى عربيه .. بس السوبيرب الجديده صعب بردو تنافس فى سوق مصر بالفتيس دا !

مش مستحيل
و ده حاصل بالفعل
السوبيرب افخم قليلا من الباسات و خصوصا للركاب في الخلف
بس الاسم ليه رونقة برضه

و السوبيرب لو بتنزل مصر اوتو كانت اكتسحت الباسات لان سمعة السكودا كويسة و معروفه
عكس الخليج مثلا اللي السوبيرب موجوده فيه و اغلي من الباسات كمان بس محدش بيجيبها لانهم ميعرفوش عنها حاجة

و علي فكره انا كلامي عن الهاي لاين تحديدا و اللي بتنزل الخليج لان دي اللي شوفتها
و مشوفتش اللي بتنزل مصر عاملة ازاي من جوه

[طارق _عبد السلام]

عربيه محترمه جدا لكن الاوتو ثم الاوتو

لكن المانيول له ناس معينه بتحبه ..........

لو سعر الاوتو يرخص العربيه دى هيكون لها مكانه محترمه جدا لكن سعرها نااااااااااااار

[inspiron]

خلاصة الكلام..زي ما شريف باشا قال..العربية دي لو نزلت أوتوماتيك..مفيييييش باسات تسد معاها..وأنا شوفت الخليجي أعلي فئة منها عاملة إزاي وفيها إيه

[Moratoz]

عربيه محترمه جدا لكن الاوتو ثم الاوتو

لكن المانيول له ناس معينه بتحبه ..........

لو سعر الاوتو يرخص العربيه دى هيكون لها مكانه محترمه جدا لكن سعرها نااااااااااااار

صعب تنافس في الفئه السعريه لو نزلت علشان هتبقي قريبه من سعر الفئه الخامسة من بي ام وأكيد المفاضله مش في صالحها

[inspiron]

صعب تنافس في الفئه السعريه لو نزلت علشان هتبقي قريبه من سعر الفئه الخامسة من بي ام وأكيد المفاضله مش في صالحها

أه طبعاً مينفعش إطلاقاً تنافس الـ 5 series لأن أنا لو هاخد قرار الشراء بالمبلغ ده هدفعه مقدم في الـ 5 series وأركبها

[horas3000]

صعب تنافس في الفئه السعريه لو نزلت علشان هتبقي قريبه من سعر الفئه الخامسة من بي ام وأكيد المفاضله مش في صالحها

لا مش كده
هي لو نزلت اوتو مع المتور ال 1.4 tsi سعرها هيكون معقول
اللي معلي سعر الاوتو اللي موجوده كونها 1.8