انا كان عند المشكله فى سيارتىoctavia2007

[eng_ahmed86]

السلام عليكم ورحمه الله وبركاته
انا كان عند المشكله فى سيارتىoctavia2007

لتفادى مشكله الفتيس لسيارات الفولكس والاسكوداa5 من 2005الى 2013
لابد من تغير الزيت كل60الف كيلو متر اى مع سير الكاتينه فى نفس الوقت
لو المشكله فى الفتيس بتلاحظ فى دبه او ناتشه وصعوبه بين النقلات وممكن
تلاقى الشاشه تشبروالمشكله بتكون لما تكون السياره فى مناطق منخفضه
السرعه لاكن لما تكون سرعه السياره عاليه مفيش مشاكل
المشكله بتكون فى عقل الفتيس لان يحتوى على صمامات تضخ الزيت
وتتحكم فى عمليه النقل بين السرعات ومع ارتفاع درجه حراره الزيت
تتاثر هذه الصمامات بدرجه الحراره العاليه علشان كده بتلاقى فى مشكله فى النقله الثالثه او الرابعه وده بسبب الصمام الرابع او الثالث
ولو روحت التوكيل هيقولك تغير الفتيس او يدخلك فى متاهات الزيت
الحل انك تروح لمركز صيانه محترم يحل المشكله دى بتغير عقل الفتيس
بعقل فتيس اخر ويكون اسيراد واه تامين وتنتبه من عمليه تغير الزيت
ولازم تستخدم زيت اصلى المانى بعد فتره معينه علشان والحمد لله السياره
تمام وبصراحه انا مكنتش مصدق انا ركزت فى الموضوع لانى مهندس ميكانيك

[mo3tazanas]

كلامك مظبوط 100*100 واحب اضيف كمان a4 برضو حصلى نفس المشكلة

[eng_ahmed86]

وايه اخبار العربيه الان ويا ترى غير ت عقل الفتيس والا الفتيس بالكامل
وحليت المشكله عند مين

[magedkahla]

انا حصلت معاية نفس المشكلة بس في ال a4 بس ده بسبب اني حطيت مياه خضراء مش حمراء راح كولر الفتيس ضرب ودخل الماية على الزيت و العربية كانت بتنتش مني روحت جيبت و احد استيراد وزوت الزيت النتشة راحت بس بعد لما بمشي بيها مشوار بعيد الزيت بيسخن وبتتأخر في النألات اتضح ان الكولر إل جيبتو استيراد بايظ مش بيبرد فريحت دماغي وجيبت واحد جديد أصلي واريح دماغي والحمد لله من ساعتها الفتيس زي الفل والتوكيل المحترم قالي الفتيس بايظ لازم تغير فتيس

[eng_ahmed86]

على فكره يا جماعه المركز الهندسى بتاع الشيخ احمد فى الحرقيين بيصلح مشكله الفتيس ومعروف انه عنده زمه وضمير وانا كنت اول مره اتعامل معاه وشرحلى ايه مشكلتى بالظبط وقالى على الحل الى انا كتبته فى موضوعى

[mo3tazanas]

روحتلة الاسبوع اللى فات فى مشكلة الفتيس بتاعى معاملة سيئة وقام مباصينى للكهربائى اللى جانبة واقعد يلعب شوية فى العربية لحد الساعة 5 العصر من الصبح وفى الاخر قام مرجعنى لشيخ احمد دة قام قايلى هات فتيس وخلاص .طب ياعم العقل دة ما بيتصلحش طب ما اشترى واحد استيراد بدل ما اروح اجيب واحد ب3 الف جنية ..قال لا هات فتيس طبعا مشيت وسبتة

[osha966]

للأسف هذه المشكلة متكررة فى الأوكتافيا والفنتازيا وكثير من السيارات الأوروبى لأنها غير مصممة لتناسب الأجواء المصرية ..ولا تجدها فى اليابانى اطلاقا ..وأريح حاجة المانيوال

[eng_ahmed86]

يا باشا على فكره انا كلمته وقالى تكلفه صيانه فتيس الa4نفس ثمن الفتيس الجديد علشان كده ممكن يقولك هات فتيس جديد وانا قراءت الاعلان بتاع الشيخ احد على النت كاتب انه بيصلح فتيس a5

[mo3tazanas]

يا باشا على فكره انا كلمته وقالى تكلفه صيانه فتيس الa4نفس ثمن الفتيس الجديد علشان كده ممكن يقولك هات فتيس جديد وانا قراءت الاعلان بتاع الشيخ احد على النت كاتب انه بيصلح فتيس a5

ياباشا العقل بتاع الفتيس ب1000 ج بكتير والفتيس ب3 الف صيانة اية بقى اللى بتمن الفتيس

[Moratoz]

ياباشا العقل بتاع الفتيس ب1000 ج بكتير والفتيس ب3 الف صيانة اية بقى اللى بتمن الفتيس

روح الي أحمد زاهر في صقر قريش

[mo3tazanas]

روح الي أحمد زاهر في صقر قريش

انا فعلا ناوى اروحلة الاسبوع اللى جاى

[eng_ahmed86]

العقل والزيت وتكلفه التركيب وياترى ؟

[mo3tazanas]

وفتيس وزيت وتكلفة التركيب ؟

[Moratoz]

ئل يقول أغير فتيس من غير ما يجرب مرة واثنين بيبقي بيستسهل وعلي الاقل بقول ممكن نغير عقل ب ًًًًً٠٠٠٠ وفتيس ب ٠٠٠٠٠

[lord_adel]

بصو يا جماعه احنا كده عمالين نتكلم وخلاص في كتالوج العربية بيقولك ان زيت الفتيس دوة مصمم انه life time وميتغيرش والشركة قالت انه عند صيانه 60 الف بيعملو عليه اختبار يعنى لو ناقص يزودوة.

انا شايف ان كل الاعضاء في هذا المنتدى بتتكلم عن ان لازم تغير زيت الفتيس كل 60 الف كيلو .

انا اعرف اكتر من واحد كان عنده الفتيس تمام وبعد ما عمل صيانه 110 الف الى هيه تغيير السيور والشدادات ومنهم زيت الفتيس والفلتر بتاعه ان المشكلة ظهرت معاهم مع انه كده المفروض انه بيبقى غير زيت الفتيس والفلتر بتاعه مرتين وميكونش عنده مشاكل.
انا مش عاوز اخوف باقى الاعضاء الى لسه مكملوش 110 الف كيلو.
بس انا حاسس ان احنا اخترعنا القصه دية " الى هيه قصة زيت الفتيس " ونسينا المشكلة الاساسية
ومحدش بيتكلم عن المشكلة الاساسية الى بتبوظ عقل الفتيس
وعلى فكرة كمان انا اعرف واحد صحبى مسافر وبيجى في شهر 10 من كل سنه ومغيرش لا زيت فتيس ولا حاجه ودلوقتى عربيته عاملة 100 الف وبسم الله ماشاء الله معندوش اى مشاكل

عاوزيين يا جماعه نتكلم عن المشكلة مش نتكلم اى كلام وخلاص