كونتاك اوكتافيا a4

[firstabdo]

العربية عندى كتير أوى بتعلق لما اجى ادورها مبترداش تدور خالص .. المفتاح يلف وميعملش أى صوت . اقعد اشيله كذا مرة وحرك عصاية الفتيس الاوتوماتيك - لحد ماتدور -وخصوصا لو بطلتها وهى سخنة - لك فى اول مرة بتدور علطول ، وساعات كمان لو فضلت قارص على المفتاح وانا لافه حوالى دقيقة كدة تلقط وتدور .. لالى عنده فكرة أعمل ايه يقولى .. وروحت لكهربائى قاللة فيبرة الكونتاك ، وروحت لواحد تانى قالى مفيهاش حاجة دا من ايدك . بس بصراحة هو بيعلق كتير أوى وسألت على الفيبرة قالولى الكونتاك كامل وخايف اجيبها ميطلعش دا العيب .

[firstabdo]

مفيش ولا حد عارف العيب دا خالص ؟؟؟؟؟؟؟؟؟؟؟؟؟؟؟

[Moratoz]

أنتا ساكن فين

[firstabdo]

أنتا ساكن فين

القاهرة الجديدة وشغلى فى الجيزة ؟

[forti]

شوف مركز محترم تكشف عنده .. عند مثلا فى اخر جسر السويس عند حديقة بدر فى بشمهندس هانى و احمد سمير .. هتكمل فى الدائرى بعد التجمع لحد طريق السويس و تاخد شارع جسر السويس لحد حديقة بدر .. او فى مدينة نصر مهندس محمد اسماعيل تقريبا انا مش فاكر الاسم اوى بس متعاملتش معاه بصراحة

[Moratoz]

في كهربائي شاطر في شارع المساكن من شارع العشرين فيصل اسمه احمد السمان لو المشوار مناسب لحضرتك اوصفهولك
وكمان مركز المهندس خالد في الحي العاشر مدينه نصر ممكن تلاقي حد من الاعضاء يوصفهولك او اكتب اسمه في جوجل هتلاقيه

[windofchange]

فبرة الكونتاكت فعلا عربيتي حاليا فيها العيب ده وبتتغير الفبرة دي بواحدة تانية استيراد

[firstabdo]

في كهربائي شاطر في شارع المساكن من شارع العشرين فيصل اسمه احمد السمان لو المشوار مناسب لحضرتك اوصفهولك
وكمان مركز المهندس خالد في الحي العاشر مدينه نصر ممكن تلاقي حد من الاعضاء يوصفهولك او اكتب اسمه في جوجل هتلاقيه

انا سمعت عن المهندس خالد .. وعارف مكانه لانى كنت ساكن قبل كدة فى الزهراء . بس هو ميكانيكا ولا كهرباء كمان لأنى ممكن فعلا اروحله ...بالنسبة لفيصل مشوارها صعب أوى وخصوصا شارع المساكن دخلت هناك قبل كدة ، قعدت 4 ساعات عقبال لما خرجت منه ..

[firstabdo]

فبرة الكونتاكت فعلا عربيتي حاليا فيها العيب ده وبتتغير الفبرة دي بواحدة تانية استيراد

طب انت عملتها ، وجبتها بكام ومن فين ؟؟؟

[windofchange]

بص انا حاليا جبتها بس لسه مركبتهاش لاني سمعت والكلام مش عاجبني اني لازم افك قطمة الدركسيون علشان اركبها !! فبقيت اتك علي فيشة اللي داخلة للكونتاكت علشان تدور وده غلط عالفيشة اكيد والمفروض اخلص الحوار ده واصلحه بسرعة...والفبرة دي تقريبا هي الجزء المدور حول مكان دخول المفتاح عند فتحة الكونتاكت

[lord_adel]

السلام عليكم ورحمة الله وبركاته دوة ممكن يكون اكتر من عيب ممكن تشرح بالتفصيل يعنى عندك اى ملاحظات في التابلوة عندك فيه لمبة في التابلوة مرسوم عليها عربية ومفتاح بتطفى على طول ولا بتفضل تنور وتطفى لو بتنور وتطفى والعربية مبتدرش غير لما تطفى خالص كده العيب يكون من المفتاح " ممكن تكون بطاريته ضعيفه"
وممكن تكون من البوجيهات
مزيد من التفاصيل

[firstabdo]

السلام عليكم ورحمة الله وبركاته دوة ممكن يكون اكتر من عيب ممكن تشرح بالتفصيل يعنى عندك اى ملاحظات في التابلوة عندك فيه لمبة في التابلوة مرسوم عليها عربية ومفتاح بتطفى على طول ولا بتفضل تنور وتطفى لو بتنور وتطفى والعربية مبتدرش غير لما تطفى خالص كده العيب يكون من المفتاح " ممكن تكون بطاريته ضعيفه"
وممكن تكون من البوجيهات
مزيد من التفاصيل

العربية بلف فيها المفتاح مش
بتعمل اى صوت خالص ومش بترضى تدور واللمبات دى بتطفى علطول عادى ، وبعدين هو المفتاح فى بطارية ، المفتاح بتاعها الاصلى مش فى ريموت خال وخامته صب ،،،.....