شوية أسفسرات عن الاوكتافيا a5 من أخوكوا المازداوي

[mando_07]

أنا كنت راكب عربية مازدا 3 base line و بعتها وقلت أجيب وحدة تكون high line بس قلت لنفسي مفكر في حاجة تانية (زي اوكتافيا أو سيفيك وبرضو عايز أعرف أنتوا بتفضلوا إيه أكتر؟ ) خصوصاً لأني كنت متضايق من المازدا في شوية حاجات كدة منها أن العفشة كانت ناشفة أوي وده بيخليها رغم أنها ثابتة بس كانت بتتنطط على فواصل الكباري (لو مكسرة جامد ) وبرضو عفشتها مكنتش durable أوي يعني مثلاً احتجت على ال-100 ألف أغير مساعدين وأعتقد البطاحات و الكبالن كانوا بيشاوروا عقلهم بس هي في المجمل عربية كويسة، بس أنا عايز أخد رايكو تفتكروا لو جبت سكودا اوكتافيا هنبسط أكتر وهل الاوكتافيا من العربيات المعمرة ولا من العربيات اللي مشاكلها كتير
أسف أني طولت عليكما بس مش عايز أجيب حاجة و أندم عليها أو اصرف عليها كتير فعشان كدة قلت أدردش معاكوا

[monamize4]

ال a5 جميلة و عفشتها حلوة و مش ناشفه و عاليه عن الارض , عامة العربية فخمة بس المشكله ف البدى فالف اللى بيبوظ و المشكله دى منتشرة مش حالات فرديه ,,, الصراحه مش عارف سعر تغييره كام بالظبط
السيفيك جميلة اوى و خصوصا ف الجرى و شكلها شبابى و قطع غيار معمرة بشكل ملحوظ بس هتفضل معاك مشكله العفشه الناشفه و ارتفاع العربيه القريب من الارض و الاوبشنز القليل ف حاله ال lxi
انت اللى هتقرر الانسب ليك حسب استخدامك و متطلباتك

[Moratoz]

بص انا منت في نفس الحيرة دي ونفس الأختيار بالظبط ( اوكتافيا - سيفك - جيتا ) الثلاث عربيات لا خلاف عليهم وقطع غيار معمرة جدا ومنتشرة ومش هتتعب في شرائها موجودين وبكثرة وطبعا الأوكتافيا زي الجيتا بالظيط لكن عند المفاضله لقيت الجيتا أصغر من جوة وكمان واطيه اوي علي الأرض فكانت المفاضله الأخيرة بين الهوندا والأوكتافيا وركبيت الأثنن بصراحع جسيت بالأوكتافيا أكثر وخصوصا أن الهوندا اصخاب ليا كتير بيشتكو انها واطيهو ومفيش مطب ما بتحكش فيه
اما بخصوص البادي فلف فدا طبعا منتشر في a5 نتيجع عدم تغير زيت الفتيس في موعدة او عدم تغيرة بس مش شرط يبقي العربيات كلها ودلوفتي بعد ما العيب دا تعرف بقي في ناس كتير بتغير اللبادي فلف او بتعمل غسيل لعقل الفتيس مع تغير الزيت والمشكله بتتحل ان شاء الله