للناس اللى جربت العربيتين دول بس

[هانى القناوى]

ياريت اللى يكون جرب العربيتين دول يفيدنى بصراحه وبوضوح
انا معروض عليا عربيتين
الاولى / اوكتافيا a5 موديل 2009 الشكل الجديد
الثانيه / مرسيدس زلموكه e200 موديل 1994
امكانيات الاولى فل ابشن عداد 95000 كيلو


امكانيات الثانيه اتوماتك, كراسى كهرباء , abs , asr,
2ايرباج , ستاير كهرباء ,تكيف ,بور , سنتر (هى خليجى 100% ) راشه على العضم (معرفشى يعنى ايه) بس قالى يعنى راشه بدون معجون يعنى راشه نظافه العداد عامل 140600 كيلو

الاسعار / الاكتافيا طالب فيها 140 الف
الزلموكه طالب فيها 130 الف


ياجماع محتار بين التنين مش عارف اختار مين
ياريت حد يساعدنى ويعرفنى مين الاحسن والافضل
مع العلم الطرق المكسره والمطبات كتيره عندى

[monamize4]

انا مش من ملاك العربيتين فامش هتكلم بناء على طلب حضرتك
بس زلموكة ايه ال ب 130 الف !!!!!!!!!!!!!!!!!!!!!!!!!!!!!!!!!!!!!!!!!!!!!!!!!

[khaabas]

الموضوع من وجهة نظرى مفيهوش حيرة ، و الاوكتافيا طبعا موش علشان الاوكتافيا حلوه لا علشان احدث 2009 اما الزلموكة 94 بالاضافة لفرق العداد يعنى فرق سنين وعداد يرجح الكفة لصالح الاوكتافيا
وفعلا زلموكة ايه ال ب 130 الف دى

[ramyayash]

اوكتافيا طبعا هي المرسيدس طبعا حلوة وكل حاجة بس قديمة وغالية جدا دي هنا بتتباع ب7 الاف ريال موديل 94

[medo_mony]

الموضوع من وجهة نظرى مفيهوش حيرة ، و الاوكتافيا طبعا موش علشان الاوكتافيا حلوه لا علشان احدث 2009 اما الزلموكة 94 بالاضافة لفرق العداد يعنى فرق سنين وعداد يرجح الكفة لصالح الاوكتافيا
وفعلا زلموكة ايه ال ب 130 الف دى

بعيدا عن اى حاجة وخبرتى بالعربيات بس الحمد لله كويسة طبعا الاوكتافيا انا ركبت الاوكتافيا لانها مع والدى اصلا فهى عربية محترمة جدا والمرسيدس حلوة طبعا بس خلى بالك الموديل والعداد لو مرسيدس فوق مديل 2000 وعداد اقل من مائة الف وطبعا حالة كويسة بيقى كافة المرسيدس اعلى بكتييير وصلى استخارة وبالتوفيق ان شاء الله

[inspiron]

شوف يا باشا،، أنا هقول لحضرتك رأيي من خلال امتلاكي لأوكتافيا ومرسيدس w220

طبعاً مفيش وجه للمقارنة بين ال s class والأوكتافيا،،لكن صدقني ان الأوكتافيا فعلاً ركوبة ألماني بمعني الكلمة.

الزلمكة اللي معروضه علي حضرتك هي عربية وحشششششش طبعاً وملهاش حل،،وإذا كانت حالتها ١٠٠٪ أكيد هرشحهالك

ولكن

في فرق ١٩ سنة بين العربيتين وفي فرق عداد لا يستهان به

الأوكتافيا فيها كل عوامل الأمان الموجودة في الزلمكة وأكتر ( ده راجع لفرق العمر بينهم )
الأوكتافيا كحالة عامة هتكون احسن من الزلمكة ( لفرق العمر )
قطع غيار المرسيدس القديم أصبحت عزيزة جداً وتدور عليها كتير وفي الآخر هتلاقيها أغلي من سعرها أضعاف


أظن كده الرؤية وضحت يا باشا

[هانى القناوى]

شكرا لرد الجميع
ده رد واحد صاحبى حابب اعرفكم على كلامه وياريت تقولولى رايكم فى كلامه

1 / ان فرق السن كبير حوالى 19 سنه وده فى صالح اوكتافيا
2 / اعطال الزلموكه النظيفه e200 موديل 94 واعطال الاوكتافيا
هنلاقى ان قطع غيار الاوكتافيا ناااار مقارنه بالزلموكه
مثلا فيتيس اوكتافيا بيعدى 20000 الف ج م مع ان فتيس الزلموكه 5000 ج م
3 / الصااااااااااااج والعفشه والاصدام الامامى والخلفى فى اوكتافيا والزلموكه بلا تردد الزلموكه تكتسح وتتفوق
4 / قطع غيار الزلموكه معمره اكثر عربيه فى السوق القديم او الحديث
5 /الكماليات الموجوده حاليا فى الاوكتافيا موجوده فى الزلموكه من 19 سنه يعنى ( اوكتافيا كمالياتها قديمه )
6 / بص على الاعطال ماهى لسه ماكملتشى 3 او 4 سنين وبدات تفتح بوقها (الاوكتافيا ) ونشوف الزلموكه اللى ليه 19 سنه ولسه قاعده وثابته قوتها وادائها ولو حصل وغيرنا حاجه بتعيش على الاقل 5 سنين
7 / شوف العربيه اللى ليها 19 سنه قوتها وادائها ومدى تحملها للطرق المصريه والمطبات المصريه العشوائيه
وهات اى عربيه سواء اوكتافيا جيتا ........الخ

[inspiron]

شكرا لرد الجميع
ده رد واحد صاحبى حابب اعرفكم على كلامه وياريت تقولولى رايكم فى كلامه

1 / ان فرق السن كبير حوالى 19 سنه وده فى صالح اوكتافيا
2 / اعطال الزلموكه النظيفه e200 موديل 94 واعطال الاوكتافيا
هنلاقى ان قطع غيار الاوكتافيا ناااار مقارنه بالزلموكه
مثلا فيتيس اوكتافيا بيعدى 20000 الف ج م مع ان فتيس الزلموكه 5000 ج م
3 / الصااااااااااااج والعفشه والاصدام الامامى والخلفى فى اوكتافيا والزلموكه بلا تردد الزلموكه تكتسح وتتفوق
4 / قطع غيار الزلموكه معمره اكثر عربيه فى السوق القديم او الحديث
5 /الكماليات الموجوده حاليا فى الاوكتافيا موجوده فى الزلموكه من 19 سنه يعنى ( اوكتافيا كمالياتها قديمه )
6 / بص على الاعطال ماهى لسه ماكملتشى 3 او 4 سنين وبدات تفتح بوقها (الاوكتافيا ) ونشوف الزلموكه اللى ليه 19 سنه ولسه قاعده وثابته قوتها وادائها ولو حصل وغيرنا حاجه بتعيش على الاقل 5 سنين
7 / شوف العربيه اللى ليها 19 سنه قوتها وادائها ومدى تحملها للطرق المصريه والمطبات المصريه العشوائيه
وهات اى عربيه سواء اوكتافيا جيتا ........الخ

صاحب حضرتك له مطلق الحرية طبعاً يقول اللي عاوزه،،،بس أنا ليا استفسار بسيط،،،هو سمع عن عربية اسمها أوكتافيا قبل كده ؟؟؟!!!

[هانى القناوى]

اكيد طبعا اومال قايل الكلام ده على الهوا
وبعد كده حضرتك ناقش النقط دى وقولى كل نقطه وردك عليها ايه يا inspiron

[fares_311]

Octavia
بناء على الكلام اللي انت قولته...لو أنا حختار الاوكتافيا

[هانى القناوى]

شكرا للرد يا fares_311 بس احب اعرف اسباب اختيارك للاوكتافيا ؟؟؟؟

[هانى القناوى]

ايه يا جماعه ماححدش رد على كلام صاحبى اللى كتبته ليكم علشان تعلقوا على كل نقطه من كلامه !!!!!!!!!!!!!!!!!!!!!!!!!!!!!!!!!!!!!!!

[احمد نظمي]

بص اجيبلك من الاخر عشان تعمل مقارنة بين ال2 اول حاجة تشوفها
1- السعر المناسب ليك
2- قطع الغيار متوفرة ولا لاء وهل هي غاليه بين ال2 وفي فرق كبير ولا لاء
3- ان شاء الله لما تحب تبيع وتغير مين فيهم هيبقا ماسك سعر ,, يعني مش هتخسر كثير
4- ودا مهم جدا انك تفحص كمبيوتر العربيتين وهيبن الفرق ليك بين عربية عدي علي موديلها 4 سنين وعربية تانية 19 سنة

راي انا الشخصي عن تجربة امتلاك مرسيدس مافيش كلام علي المرسيدس ركوبه بمعني الكلمة بس قطع غيارها غاليه ولو انا مكانك الاوكتافيا طبعا
وربنا يوفقك للافضل ليك

[هانى القناوى]

شكرا يا استاذ احمد نظمى على ردك
بس انا بجد محتاااااااااار جدااااااااااا ومش عارف اصدق مين من الناااااااااااااااااااااااس
دور فى المنتدى ده قسم اوكتافيا ولاقيت العربيه لسه ماكملتشى 4 سنين وبدات تظهر اعطال
كمان قطع غيارها غااااليه جدا يعنى المرايات 2800 ج م
لو بقى حد دعى عليك والفتيس باظ عايز حوالى 20000 ج م
طيب كده يبقى ايه الفرق بينها وبين الزلموكه e200 موديل 94
اكتافيا فيها اعطال واسعارها نااااااااار جدا والزلموكه اللى ليه 19 سنه فيها اعطال بس قطع غيارها مش غاليه بدرجه اوكتافيا الفتيس يدوب ب 5000 ج م فى الزلموكه اما اوكتافيا ب 20000 ج م
بجد والله محتاااااااااااااار مش عارف اصدق مين ؟؟؟؟؟؟؟؟؟؟؟؟؟؟؟

[inspiron]

شوف يا باشا،،تأكد إن اللي قالك كده مع كامل إحترامي له ميعرفش حاجة عن الأوكتافيا

مبدئياً أنا راكبها من شهر مايو ٢٠١٠ وحالياً داخلة علي ١٠٠٠٠٠ كم إن شاء الله عمرها ما عملت معايا أي دقة نقص بأي صورة من الصور،،الله الوكيل يوم ما طلبت حاجة طلبت تغيير قربة مياه التبريد ( أنا بمشي بالعربية دي في طرق السفر بسرعات ١٨٠-٢٠٠ كم /س وعمري ما بصيت علي مية التبريد من يوم ما إشتريتها )

بالنسبة لموضوع الفتيس اللي ب ٢٠٠٠٠ كم،،،العربية دي كل ٦٠ ألف كم بتغير زيت الفتيس والفلتر وتنساه خالص خالص وهحكيلك حكاية صغيرة

العربية دي كلت بيها غطا بلاعة حديد ولوحلي الكوبلن والحمدلله مطالش حاجة غيره،،المهم روحت غيرت الكوبلن في التوكيل والعامل اللي غيره مغيرش معاه الأويل سيل وركب القديم ومشيت علي كده،،وكانت النتيجة وكانت النتيجة تاني يوم زيت الفتيس اتسرب بسبب القطع اللي في الأويل سيل والعربية بدأت ترزع في كل النقلات،،ومشيت بيها كده الطريق الدائري من عند المنيب لحد العبور عند توكيل كارتك ،، وبعد الخناقة اللي عملتها ركبولي الأويل سيل الجديد وزودولي الزيت ومشيت بالعربية مع مسئول الصيانة علي طريق مصر إسماعيلية وحرقت علي كل الغيارات عشان أشوفها هترزع ولا لا والحمد لله ولا الدموع،،يعني قصدي من الحكاية دي أبينلك مدي الإعتمادية

شخصياً مشوفتش أوكتافيا فتحت بقها بعد ٥ سنين :)

ومشوفتش أوكتافيا مش واقفة علي حيلها

بالنسبة لعوامل الأمان اللي صاحب حضرتك قال ان كلها في الزلمكة،،،كل ما هو في الزلمكة air bag و abs و Asr

عندك في الأوكتافيا abs,ebd,asr,mpr,mpa,epc,airbags

ثبات بقه قول من هنا للسنة الجاية

الشكل طبعاً معروف لدي الجميع وهو أذواق سواء من الداخل أو من الخارج وتقدر حضرتك تبص عليهم وتقارن بنفسك وتركب كل واحدة تسوقها وتجرب