عملت حادثة امبارح

[cheetos10]

السلام عليكم

امبارح و انا راجع من جراند مول المعادى و بعدى المزلقان واحد جاى بميكروباص طاير و قاطع الشارع دخل فى نص العربية المهم دخل فى البابين اليمين و طبعا الباب الى قدام خد النصيب الاكبر و الزجاج بتاع الباب اتكسر علينا دلوقتى روحت للسمكرى هيعمل هو البابين بس بعدها مش عارف هروش البابين ولا الجنب كله ؟ و لو حد عارف سعر الزجاج بتاع الباب بكام ياريت يقولى و لو فيه حد كويس بيبيع يبقى كتر خيره العربية اوكتافيا 2000
لو حد يعرف يقدر السمكرة الدهان يتكلفوا كان ياريت بس يقولى

فى انتظاركم و السلام عليكم

[dr.hazem]

الحمد لله على السلامه ...
انصحك متعملش شغل غير في ورشة نايل موتورز في الحرفيين عشان ترجع العربية باذن الله زي ما كانت


تحياتي

[S O P H O S]

الحمد الله انك بخير

[mo7a_mo7a]

الف سلامة علي حضرتك
كويس انها جت علي قد كده
بالنسبة للزجاج ممكن تجيبه من دكتور جريش او استيراد وانا افضل الاستيراد استعمال الخارج لانه الاصلي مع الغلم ان زجاج دكتور جريش ممتاز برضو لكن مش زي الاصلي طبعا
اما بالنسبة للسمكرة فهي حسب الشغل وكتقدير مبدئي حوالي 300 سمكرة و 300 رش و 400 بوية ومستلزمات
تقبل تحياتي

[sakr_skoda]

الف حمدالله على سلامتك وربنا يعوض عليك....*

المهم كانت عاوز اقولك ايه رئيك لو كنت تسال عن البابين استيراد فى بور سعيد ممكن التكلفة تزيد شوية بس حتركب بابين فبريكة بالزجاج وياريت كمان لو نفس لون العربية....*

[طاهر]

الحمد لله على سلامتك

[elandlos]

الحمد لله على انك خرجت منها بخير وعافيه ولا تحزن على مافاتك لعل الله حجب عنك من البلاء ماهو اعظم
بالنسبه للشغل فى العربيه استنضف الصنايعيه علشان ترجع العربيه تانى كويسه علشان اعادةالبيع بعد عمر طويل لو حبيت

[mohammedabdallh]

الحمد لله انها جن على قد كدا
وكويس انك سليم
وربنا يعوض عليك يا كبير

[cheetos10]

والله يا جدعان ما عارف اقولكم ايه على كلامك الجميل ده و ربنا يحفظنا جميعا و الحمد لله اننا طلعنا منها بسلام علشان غير الخبطة الجامده الزجاج اتكسر علينا.. و ربنا يحفظكم

[Moratoz]

الف سلامه علي حضرتك وبعدين زي ما عم صبحي قال شوف سعر بابين استيراد نفس اللون الاول

[mahmoud_afifi]

قدر الله وما شاء فعل. والف سلامه عليكم

بالنسبه للسمكره اعتقد هتحتاج ترد على السخن طالما هترش والحاجه تبقى مظبوطه. متهيألي تكلفة السمكره للبابين ممكن تخش في 400. ورش البابين (سعر رش القطعه حوالي 250) يعني هترش بابين ب500 + هترش الجنب كله ورنيش عشان مايبقاش في فرق لون (صنايعية كتير بتعمل الحكايه دي) يعني قول كمان 150 جنيه لرش الجنب ورنيش. بالنسبه للازاز الجانبي مانصحش بجريش لأن واحد صاحبي اشترى زجاج جانبي من جريش للانسر شارك ومن ساعتها وهو بيسمع صوت هوا وهو سايق تقريبا الابعاد مش مظبوطه. هات الاصلي استيراد او شوفها في التوكيل افضل.

*الاسعار تقريبيه على حسب تجربتي من فتره قريبه في عربيتي