سؤال

[mo3tazanas]

مساء الفل على اجدع رجالة فى المنتدى ليا سؤالين ؟
1-عاندى العربية بليل والصبح بدرى لما بجرى بالعربية بلاقى مؤشر الحرارة بينزل ولو الدنيا سقعا شوية بلقية نزل خالص يكاد يصل لـ الصفر ولما ادخل فى الزحمة يرجع تانى ..ناس قالتلى دة الثرموستات اللى راكب فى الردياتير وناس قالتلى لا دة حاجة كدة زى السوستة بتنظم فتح وغلق دخول المياة فى الماتور فا مش عارف دى تبقى اية ؟ وبيكام
2- فرش السقف عاندى فى حتة كدة من القماش بتاع السقف فكة من السفنج بتاع السقف عايز اعرف حلها اية ..انا روحت لواحد سروجى قالى لا دى مالهاش حل انت عايز تغير السقف كلة !!!طبعا ماعجبنيش الكلام وسبتة ومشيت حد عاندة حل ليها

[Moratoz]

اولا موضوع الحرارة ان مكنش مضايقك عادي وغالبا هيكون حساس الحرارة
ثانيا فرش السقف انا كان عندي نفس الموضوع دا في a4 قبل ما ابيعها ورحت عند سروجي شاطر بيغير فرش السقف بالكامل وبيرجه جديد لانج

[forti]

مساء الفل على اجدع رجالة فى المنتدى ليا سؤالين ؟
1-عاندى العربية بليل والصبح بدرى لما بجرى بالعربية بلاقى مؤشر الحرارة بينزل ولو الدنيا سقعا شوية بلقية نزل خالص يكاد يصل لـ الصفر ولما ادخل فى الزحمة يرجع تانى ..ناس قالتلى دة الثرموستات اللى راكب فى الردياتير وناس قالتلى لا دة حاجة كدة زى السوستة بتنظم فتح وغلق دخول المياة فى الماتور فا مش عارف دى تبقى اية ؟ وبيكام
2- فرش السقف عاندى فى حتة كدة من القماش بتاع السقف فكة من السفنج بتاع السقف عايز اعرف حلها اية ..انا روحت لواحد سروجى قالى لا دى مالهاش حل انت عايز تغير السقف كلة !!!طبعا ماعجبنيش الكلام وسبتة ومشيت حد عاندة حل ليها

دى حاجه اسمها ثرموستات الموتور .. و تقريبا هى زى السوستة و و ظيفتها زى ما قلت كده .. يعنى فايدتها موشر الحرارة يفضل على 90 لا يطلع ولا ينزل .. انا شلتها من عندى كان ساعتها فى مشكله بتسخن العربيه فشالوها ساعتها لعل و عسى تكون منها و من ساعتها مركونة عندى فى التابلوه .. كنت هركبها تانى بس الميكانيكى قالى كده احسن عشان دى بتضغط دورة المياه و لو فى جزء ضغيف ممكن يسرب
و ده شكلها تقريبا

http://www.aa1car.com/library/elements/thermostat.gif

[mo3tazanas]

اولا موضوع الحرارة ان مكنش مضايقك عادي وغالبا هيكون حساس الحرارة
ثانيا فرش السقف انا كان عندي نفس الموضوع دا في a4 قبل ما ابيعها ورحت عند سروجي شاطر بيغير فرش السقف بالكامل وبيرجه جديد لانج

طب عادى ماياثرش على حاجة موضوع الحرارة دة ؟
وبالنسبة للسقف اتكلف كام وهل رجع زى الفبريكة والـلا فى فرق ؟

[Lifz_Good]

+11111111111111111

[mo3tazanas]

دى حاجه اسمها ثرموستات الموتور .. و تقريبا هى زى السوستة و و ظيفتها زى ما قلت كده .. يعنى فايدتها موشر الحرارة يفضل على 90 لا يطلع ولا ينزل .. انا شلتها من عندى كان ساعتها فى مشكله بتسخن العربيه فشالوها ساعتها لعل و عسى تكون منها و من ساعتها مركونة عندى فى التابلوه .. كنت هركبها تانى بس الميكانيكى قالى كده احسن عشان دى بتضغط دورة المياه و لو فى جزء ضغيف ممكن يسرب
و ده شكلها تقريبا
http://www.aa1car.com/library/elements/thermostat.gif

تمام هى دى بس انت لما شلتها عادى محصلش حاجة ؟ ودرجة الحرارة على الـ90 بردو والـلا بتنزل لما تجرى ؟

[forti]

تمام هى دى بس انت لما شلتها عادى محصلش حاجة ؟ ودرجة الحرارة على الـ90 بردو والـلا بتنزل لما تجرى ؟

محصلش حاجه و درجة الحرارة ساعات بتنزل اه بس عادى يعنى بعدين مش بتحصل كتير

[طارق _عبد السلام]

محصلش حاجه و درجة الحرارة ساعات بتنزل اه بس عادى يعنى بعدين مش بتحصل كتير

على فكره يا دكتور الثرموستات ده مهم جدا جدا

لانه بيحافظ على درجه الحراره على 90 ودى احسن درجه حراره يعمل بها الموتور ونزول درجه الحراره سمعت من فنيين فى التوكيل انه بيعمل تسليخ للبساتن

فالافضل تركب واحد تانى نوعيه نضيفه علشان مايعطل معاك تانى بسرعه
وانصح استاذ معتز انه يركبه ومحدش يسمع كلام الميكانيكيه اللى بيفتوا

وبعدين فى الشتاء مع السفر الطوالى العربيه هتبرد والبروده دى غلط على الموتور فعلا

[forti]

على فكره يا دكتور الثرموستات ده مهم جدا جدا

لانه بيحافظ على درجه الحراره على 90 ودى احسن درجه حراره يعمل بها الموتور ونزول درجه الحراره سمعت من فنيين فى التوكيل انه بيعمل تسليخ للبساتن

فالافضل تركب واحد تانى نوعيه نضيفه علشان مايعطل معاك تانى بسرعه
وانصح استاذ معتز انه يركبه ومحدش يسمع كلام الميكانيكيه اللى بيفتوا

وبعدين فى الشتاء مع السفر الطوالى العربيه هتبرد والبروده دى غلط على الموتور فعلا

انا عارف ان 90 درجة الحرارة المناسبة للموتور و سمعت اراء بردو انى اركبه بس هى فعلا مش بتقل معايا كتير عشان اخاف يعنى عشان مش بنسافر بالعربية و خروجاتنا يا اما الظهر او بليل جوه البلد فقليل اوى اما بتقل معايا لو ماشى اوتوستوراد او دائرى بليل مثلا .. ممكن بعد الصيف بقى اشوف الموضوع ده لان كده كده الصيف الدنيا بتبقى مولعة و شكرا لاهتمامك يا استاذ طارق

[mo3tazanas]

طب بالنسبة للسقف

[Moratoz]

طب بالنسبة للسقف

عملته في صقر قريش ب ٤٠٠ جم وكان تمام مع العلم انها كانت فيها فتحه سقف كمان

[M.sheashaa]

عملته في صقر قريش ب ٤٠٠ جم وكان تمام مع العلم انها كانت فيها فتحه سقف كمان

عند مين فى صقر قريش ياريت الاسم والعنوان

جزاك الله خيرا

[Moratoz]

حمدي السروجي تاني فتحه في البطيئ ثم اول يمين ولو عايزني اجي معاك معنديش مانع تحت امرك في اي حاجه

[M.sheashaa]

حمدي السروجي تاني فتحه في البطيئ ثم اول يمين ولو عايزني اجي معاك معنديش مانع تحت امرك في اي حاجه

متشكر جدا على ردك وعلى شهامتك وده مش جديد على رجاله سكودا

[mo3tazanas]

متشكر جدا جدا لرجالة اسكودا