مشكلة في فانتزيا 2013

[triomphe]

انا أول مرة اشارك في المنتدي الجميل دا و إن شاء الله متكونش الاخيرة

انا معايا فانتزيا 2013 أوتوماتيك عاملة 3700 كيلو, لما باجي أمشي بيها الصبح وهي لسا برده بحس ان الفتيس بينتش في النقلات, بس بتكون حلاوة بعد كدا فهل دا طبيعي ولا أيه؟؟

شكرا ليكو مقدما

[AlGazar2]

المفروض تمشى بيها بعد 3 دقايق من تدويرها

النتشه لو من الفتيس يبقى مفتيش فيها بصراحة
لو الماتور ممكن يبقى البوجيهات من السقعه و الله اعلم

[Hany Saad]

حضرتك معاك الفتيس الاوتو العادى و لا ال dsg ؟؟

[inspiron]

أوعي تكون من الناس اللي بتدور العربية الصبح وتمشي قبل ما الموتور يدور

لازم تسخن العربية مش أقل من 3 دقايق

[triomphe]

العربية اوتوماتيك عادي و النتشة دي بتبان بين الغيار الأول والتاني أكتر

[triomphe]

أوعي تكون من الناس اللي بتدور العربية الصبح وتمشي قبل ما الموتور يدور

لازم تسخن العربية مش أقل من 3 دقايق

بصراحة أيوة بدور وامشي عدل

[inspiron]

بصراحة أيوة بدور وامشي عدل

لا يجوز يا فندم..وده غلط علي عمر السيارة..متسمعش كلام الناس اللي تقولك يا بيه دي انشيكشن يعني دور ودوس يا برنس..لا طبعاً..أبسلوطلي..لازم تدي فرصة لدورة الزيت ودورة التبريد والأيدل كنترول إنهم يظبطوا نفسهم بعد الركنة لمدة ساعات..وبعدها تتوكل علي الله مش هتلاقي أي مشاكل

[corolladestroyer]

لا يجوز يا فندم..وده غلط علي عمر السيارة..متسمعش كلام الناس اللي تقولك يا بيه دي انشيكشن يعني دور ودوس يا برنس..لا طبعاً..أبسلوطلي..لازم تدي فرصة لدورة الزيت ودورة التبريد والأيدل كنترول إنهم يظبطوا نفسهم بعد الركنة لمدة ساعات..وبعدها تتوكل علي الله مش هتلاقي أي مشاكل

ده الكلام المكتوب في كتالوج العربيه skoda octavia ناقله بالنص copy paste

Never warm up the engine when the vehicle is standing. Drive off right
away. Through this the engine reaches its operating temperature more
rapidly and the pollutant emissions are lower.
Avoid high engine revolutions, full throttle and high engine loads as
long as the engine has not yet reached its normal operating temperature
- risk of damaging the engine!

[inspiron]

ده الكلام المكتوب في كتالوج العربيه skoda octavia ناقله بالنص copy paste

never warm up the engine when the vehicle is standing. Drive off right
away. Through this the engine reaches its operating temperature more
rapidly and the pollutant emissions are lower.
Avoid high engine revolutions, full throttle and high engine loads as
long as the engine has not yet reached its normal operating temperature
- risk of damaging the engine!

طيب حضرتك جربت تترجم الكلام ده !!

ترجمه كده وقولنا رأيك..

[NaderNabil]

طيب حضرتك جربت تترجم الكلام ده !!

ترجمه كده وقولنا رأيك..

الترجمة واضحة يا باشا

ماتسخنش العربية و هي واقفة...دور و اطلع على طول لأن كده هاتسخن اسرع و تقلل الإنبعاثات الضارة
ماتضغطش جامد على العربية لحد ماتوصل لحرارة التشغيل الطبيعية - خطر و قد يؤدي إلى تدمير المحرك

[eleanor]

[QUOTE=inspiron;3874954272]طيب حضرتك جربت تترجم الكلام ده !!

ترجمه كده وقولنا

حضرتك الكلام ده معناه انك لما تشغل العربيه ماتلمسش دواسه البنزين ولا تعمل امبليهات علشان ده غلط على الموتور علشان المواتير دى فيها شفاط اوتوماتيك عكس العربيات القديمه وعلشان كده تلاحظ ان العربيه اول لما تدور بيبقى صوتها عالى لمده 30 الى 40 ثانيه وبعدين بيهداء وال ار بى ام بينزل

[Formulator]

كلام مضبوط

- عايز تسخن العربية: هما 10-20 ثانية بالكتير أوى.. لحد ما الزيت يرفع بس -still الموتور بارد!
وبعدين تكمل تسخين وانت ماشى! ومفيش حرق لحد ما تسخن؟!!

ولو انت مهسس أوى يعنى: إستنى لما الـrpm ينزل (whatever مؤشر الحرارة فين) وإتحرك.

غير كده بنزين عـ الفاضى -وبتاخد من عمر الـCatalytic-Converter

بالنسبة لجزئية الفتيس:
عربيات كتير أوتو بيبقى فيها نتشة بين النقلات لحد ما الزيت أوالـATF يسخن؟!!
دا طبيعى لأن الكلاتشات بتاع الـTorque-converter وكمان البلوف فـ الـSolenoid مش هتنقل بنعومة إلا لما الـfluid يسخن وياخد دورته؟!!

Rgds،

[triomphe]

والله يا رجالة أنا مش عارف أشكركوا ازاي علي مساعدتكم دي بس هوا في حد بيحس بالنتشة دي برضوا غيري ولا أنا الموسوس

[Walid_M]

كلام مضبوط

- عايز تسخن العربية: هما 10-20 ثانية بالكتير أوى.. لحد ما الزيت يرفع بس -still الموتور بارد!
وبعدين تكمل تسخين وانت ماشى! ومفيش حرق لحد ما تسخن؟!!

ولو انت مهسس أوى يعنى: إستنى لما الـrpm ينزل (whatever مؤشر الحرارة فين) وإتحرك.

غير كده بنزين عـ الفاضى -وبتاخد من عمر الـCatalytic-Converter

بالنسبة لجزئية الفتيس:
عربيات كتير أوتو بيبقى فيها نتشة بين النقلات لحد ما الزيت أوالـATF يسخن؟!!
دا طبيعى لأن الكلاتشات بتاع الـTorque-converter وكمان البلوف فـ الـSolenoid مش هتنقل بنعومة إلا لما الـfluid يسخن وياخد دورته؟!!

Rgds،

الكبير كبير يا معلم !!!

تحياتي

[Walid_M]

والله يا رجالة أنا مش عارف أشكركوا ازاي علي مساعدتكم دي بس هوا في حد بيحس بالنتشة دي برضوا غيري ولا أنا الموسوس

انا عندي النتشة دي بتحصل عادي جداً لو العربية لسه ما سخنتش !!!

وعلى فكره أنا بركب اوتو من 25 سنه .... كله بيحصل فيه كده

أهم حاجه انك ما تحرقش على ال rpm لغاية العربية ما تسخن !!!

تحياتي