<<<<تقرير مسيرة سكودا أوكتافيا فانتازيا 100 ألف كم>>>>

[inspiron]

شكرا على التقرير
ربنا يحفظهالك
وعقبال لما تقلب العداد

أولاً ألف شكر علي كلامك الجميل..
ثانياً ضحكتني والله .. حلوة عقبال ما تقلب العداد دي جديدة بجد هههههههههههه

[dr_darsh]

الف شكر على تقريرك الممتاز واسلوبك الرااااااااائع والحيادى جدا للعربيه
العربيه الأوكتافيا دى انا بأحترمها جدا وبأعشقها جدا وبأعتبرها من افضل العربيات فى فئتها وخصوصا انا راكبها من 2005 من اول ال a5 ما نزلت ودلوقتى انا عندى فانازيا 2013 سبورت لاين بجد مش يأحس بفرق بينهم فى السواقه خالص غير العفشه ( طبعا م ش هأقارن عفشه مشيت 120 الف بعفشه تانيه مشيت 3500كم ) بس بالمقارنه باللانسر او الكروز او الالنترا العفشه بتاعت الأوكتافيا بجد حماااااااااله ........ لكن الموتور والفتيس والفرامل و الكهرباء بجد مافيش فرق يذكر بينها وبين الجديده ... بس ده بشرط الصيانه كبرت او صغرت كانت فى التوكيل وكل 5000كم بانتظام
ربنا يباركلك فى العربيه

[S O P H O S]

تقيم رائع ..

[osha966]

ممكن أعرف حضرتك عملت صيانة ال 60الف فين والتكلفة...تحياتى لك

[inspiron]

الف شكر على تقريرك الممتاز واسلوبك الرااااااااائع والحيادى جدا للعربيه
العربيه الأوكتافيا دى انا بأحترمها جدا وبأعشقها جدا وبأعتبرها من افضل العربيات فى فئتها وخصوصا انا راكبها من 2005 من اول ال a5 ما نزلت ودلوقتى انا عندى فانازيا 2013 سبورت لاين بجد مش يأحس بفرق بينهم فى السواقه خالص غير العفشه ( طبعا م ش هأقارن عفشه مشيت 120 الف بعفشه تانيه مشيت 3500كم ) بس بالمقارنه باللانسر او الكروز او الالنترا العفشه بتاعت الأوكتافيا بجد حماااااااااله ........ لكن الموتور والفتيس والفرامل و الكهرباء بجد مافيش فرق يذكر بينها وبين الجديده ... بس ده بشرط الصيانه كبرت او صغرت كانت فى التوكيل وكل 5000كم بانتظام
ربنا يباركلك فى العربيه

متشكر لمرور حضرتك الكريم وربنا يحفظك ويحفظلك عربيتك

تقيم رائع ..

متشكر يا كبير

ممكن أعرف حضرتك عملت صيانة ال 60الف فين والتكلفة...تحياتى لك

عملت الصيانة في كارتك العبور كلفتني حوالي 6000 تقريباً..تحياتي لك

[A.Roushdy]

الله ينور يا باشا تقرير 10 على 10

[miceg]

عملت الصيانة في كارتك العبور كلفتني حوالي 6000 تقريباً..تحياتي لك

استاذ أحمد تقرير ممتاز ماشاء الله
انا بفكر والله اليومين دول في فانتازيا 2010
او حاجة في رينج 140 الى 150
لكن 6000 جنيه في صيانة ال60 الف كم رقم يخوف
ده انا من كام يوم عملت صيانة ال 60 كم للصني ودفعت 1400 وكنت زعلان ههههه
ولولا اني مبحبش المانوال بسبب الخشونة كنت حجزت الرابيد
وسؤالي ليك
العربية بتقدر تغرز بيها بين العربيات على سرعات كاام

[inspiron]

استاذ أحمد تقرير ممتاز ماشاء الله
انا بفكر والله اليومين دول في فانتازيا 2010
او حاجة في رينج 140 الى 150
لكن 6000 جنيه في صيانة ال60 الف كم رقم يخوف
ده انا من كام يوم عملت صيانة ال 60 كم للصني ودفعت 1400 وكنت زعلان ههههه
ولولا اني مبحبش المانوال بسبب الخشونة كنت حجزت الرابيد
وسؤالي ليك
العربية بتقدر تغرز بيها بين العربيات على سرعات كاام

والله شوف يا باشا أولاً..الرابيد عربية جميلة ومتنساش إنها tsi ومنوال يعني طيارة من الآخر

بالنسبة للـ 6000 جنيه دي بسبب تغيير حاجات كتير - سيور وشدادات وبلي وزيت فتيس بالفلتر..وتيل يعني بيرجعلك العربية زيرو.

بالنسبة لموضوع الغرز..أنا بجري بيها وبجيب سرعات أه بس مش طول منا ماشي بعمل غرز..يعني حسب ظروف الطريق المفاجأة..يعني مرة واخد بيها غرزة علي 170-180..مع العلم بس إن الغرز علي السرعة دي بالعربية دي تساوي غرزة علي 120 مثلاً بعربيات تانية.

[Omar.Shawki]

شكرا على التقرير الجميل ده

[AmrEVO]

تقرير جااااااامد اوووووى انا حاسس وللة وانت بتحكى كانك بتكلم على العربية بتاعتى فعلا تقييمك جميييل جدجداجدا وللة ياجماعه كلام دة صح مية فى المية وعن تجربة وانا معايا نفس العربية بس موديل 2011
ربنا يباركلك فيها ويكفيك شرها وعقبالى كدة اما اقفل ال 100000 الف واجى اقطع عليك ^_^

[digital_joe]

7- بعد فترة باب الراكب الأمامي الأيمن بيحصل في الشباك بتاعه خللِ ما..بيسبب إن الزجاج يحصله لخبطة أثناء الغلق تلاقيه بينزل تاني لوحده وعشان تقفله لازم ترفعه سِنة سِنة لحد ما يقفل..الحل هو تغيير ترس الواير بتاع ماكينة الزجاج من بلاستيك لفيبر مقوي..وسعر الترس ده 70 جنيه في الوكالة ومتحاولش تروح التوكيل عشان هيقولولك عاوزة ماكينة زجاج بـ 2500 جنيه ( تقليب الزبون ).

لو مافيهاش تعب ممكن تقولنا عملت الموضوع ده عند مين ؟ و عنوانه فين بالضبط ؟

[inspiron]

تقرير جااااااامد اوووووى انا حاسس ولله وانت بتحكى كانك بتكلم على العربية بتاعتى فعلا تقييمك جميييل جدجداجدا ولله ياجماعه كلام دة صح مية فى المية وعن تجربة وانا معايا نفس العربية بس موديل 2011
ربنا يباركلك فيها ويكفيك شرها وعقبالى كدة اما اقفل ال 100000 الف واجى اقطع عليك ^_^

يا باشا ربنا يكرمك وحقاً هي سيارة تستحق الإحترام..وعقبال ما تعمل المليون كيلو ان شاء الله

لو مافيهاش تعب ممكن تقولنا عملت الموضوع ده عند مين ؟ و عنوانه فين بالضبط ؟

مفيش تعب يا باشا ولا حاجة..الموضوع أنا عملته بنفسي.ولا الحوجة للصنايعية.وهو سهل بس محتاج تركيز وصبر.

[speed_magnum]

ربنا يهنيك بيها وتفضل برونقها لحد ما تزهق منها

[Ahmed gouda]

حد عنده مشكله في زوايا العربيه قصدي بتحدف يمين مثلا

[KABOKY_2010]

انا لما عملت كشف على العربية لقيت نسبة الكبس 80% مكتوب فى التقرير كدة بالضبط
اداء المحرك :80%
كبس المحرك :cly(1:10 &2:9 &3:9&4:10)
دى تبقى كويسة ولا وحشة ولا اية النظام انا قلقت لانى شوفتك كاتب موضوع ان نسبة الكبس عند 94% وانت 2010 فهل دة يعيب العربية ولا اية الرجو الرد للاهمية