سؤال عن التوكيل

[mahmoudysf]

السلام عليكم
لو عايز اروح التوكيل اكشف على عيب في العربية
هل لو مصلحتش عندهم بدفع كشف وفي حدود كام
وهل بيقبلو عربيات وارد الخارج ولا لازم تبع ارتوك

[inspiron]

السلام عليكم

حضرتك ممكن تلعبها معاهم بطريقة كويسة ( معذرةً في اللفظ )
إنك تاخد معاك حد وتخليهم يكشفولك علي العربية ويقولولك علي المشكلة اللي فيها وتبقي بصورة إنك بتبيعها والشاري عاوز كشف توكيل !! وهتكلفك حوالي 300 جنيه بس بيبقي تقرير شامل

للأسف إحنا في زمن الفهلوة وهي دي الطريقة اللي تناسب أخلاقيات الكيانات دي

[mahmoudysf]

شكرا يا باشا لردك
انا عارف حكاية الفحص الشامل دي
وعلى فكرة بيعملوها من غير ما يكون معاك حد
المشكلة في التكلفة للفحص الشامل عالية شوية
انا عايز اكشف على عيب معين تاعبني شوية
ولو هياخدو تمن الكشف مفيش مشكلة
واروح اصلح بره بعد ما اعرف سبب المشكلة

[inspiron]

طيب إيه هو العيب بالظبط ؟

[mohammedrefaat]

ياباشا انت تروح التوكيل عادى و قوله على العيب اللى فى عربيتك و خليه يكشف عليها عادى
بس قوله انه قبل ما يصلحها يعملك مقايسه بتكاليف التصليح
و شوف المقايسه اللى هايعملها و اعرف ايه الحاجات اللى محتاجه تتغير او تتصلح
بعد كده لو عايز تصلح فى التوكيل عادى مش عايز ادفع فلوس الكشف و خد المقايسه اللى اتعلم و امشى
و تبقى عرفت ايه اللى محتاج يتصلح فى عربيتك و تكلفته كام فى التوكيل
و بعد كده لما تروح لصنايعى بره التوكيل هاتبقى عارف هو هايعمل ايه
علشان مايقعدش يفتيلك و يعملك العربيه شوربه

و ان شاء الله بسيطه و ربنا يوفقك ان شاء الله

[romany_ac]

الكشف 55 جنية فى ارتوك القطامية

[mahmoudysf]

طيب إيه هو العيب بالظبط ؟

العيب تسقيف في الطلعة من الثبات فقط
ومش بسبب بوجيهات او بنزين

ياباشا انت تروح التوكيل عادى و قوله على العيب اللى فى عربيتك و خليه يكشف عليها عادى
بس قوله انه قبل ما يصلحها يعملك مقايسه بتكاليف التصليح
و شوف المقايسه اللى هايعملها و اعرف ايه الحاجات اللى محتاجه تتغير او تتصلح
بعد كده لو عايز تصلح فى التوكيل عادى مش عايز ادفع فلوس الكشف و خد المقايسه اللى اتعلم و امشى
و تبقى عرفت ايه اللى محتاج يتصلح فى عربيتك و تكلفته كام فى التوكيل
و بعد كده لما تروح لصنايعى بره التوكيل هاتبقى عارف هو هايعمل ايه
علشان مايقعدش يفتيلك و يعملك العربيه شوربه

و ان شاء الله بسيطه و ربنا يوفقك ان شاء الله

شكرا ليك

الكشف 55 جنية فى ارتوك القطامية

ده كشف على ايه بالضبط
وفيه سؤال افضل نوكيل او مركز خدمة معتمد للاوكتافيا يكون فيه ناس بتفهم بجد بدون اشتغالات
عشان يحددولي العيب فين

[A.Roushdy]

السلام عليكم
لو عايز اروح التوكيل اكشف على عيب في العربية
هل لو مصلحتش عندهم بدفع كشف وفي حدود كام
وهل بيقبلو عربيات وارد الخارج ولا لازم تبع ارتوك

+1111111 ????

[romany_ac]

توكيل ارتوك على الدائرى وانت رايح القطامية ومش لازم تكون تبعهم ومش لازم تصلح العطل.

[A.Roushdy]

ياريت حد يفيدنا يا جماعة الكشف الشامل على كل حاجة في العربية يتكلف كام عند التوكيل
انا من اسكندرية

[kareemafifi]

ياريت حد يفيدنا يا جماعة الكشف الشامل على كل حاجة في العربية يتكلف كام عند التوكيل
انا من اسكندرية

انا زيك من اسكندرية فيه مراكز كتير في اسكندرية غير التوكيل و ناس زي الفل يا باشا ما تدوخش نفسك يعني

[A.Roushdy]

انا زيك من اسكندرية فيه مراكز كتير في اسكندرية غير التوكيل و ناس زي الفل يا باشا ما تدوخش نفسك يعني

طب ما تدلني يا ريس ينوبك ثواب فيا
العربية مش مظبوطة في كام حاجة خفيفة كدة
وخايف اروح لميكانيكي حمار يبوظلي الدينا او يعملي العربية شوربة ويفتح فيها شغل
وانا خبرتي على قدي في الحاجات دي

[kareemafifi]

طب ما تدلني يا ريس ينوبك ثواب فيا
العربية مش مظبوطة في كام حاجة خفيفة كدة
وخايف اروح لميكانيكي حمار يبوظلي الدينا او يعملي العربية شوربة ويفتح فيها شغل
وانا خبرتي على قدي في الحاجات دي

بص يا باشا فيه عندك تي فاج اللي في اول الطريق الزراعي ( و انت داخل علي سموحة عدي جرين بلازا و عدي وحدده مرور ابيس هتلاقي مفترق يمين و شمال خش شمال كأنك رايح علي الزراعي امشي شوية عدي محطة موبيل كده قديمة فيه بعدها مدرسة لغات خش الشارع اللي بعده يمين في اول شمال مفيش 20 متر هتلاقيهم ) ناس محترمة اوي و هيعملوا معاك احلي واجب ان شاء الله و ابقي طمنا يا عم و كله خير باذن الله