استفسار: فين مكان الزرار اللي بيفتح شنطة الاوكتافيا 2005

[A.Roushdy]

السلام عليكم
طبعا شكل سؤالي هياف من العنوان بس والله الموضوع دة تاعبني جدا

كل ما احتاج افتح الشنطة بتاعت العربية لازم ابطل العربية وانزل وافتحها بالريموت لاني مش لاقيلها اي مفتاح او زرار من جوا اقدر افتحه بيها

وسألت كذا واحد وحتى الان مش عارف
هي الاوكتفايا 2005 ملهاش زرار من جنب الدركسيون او حاجة اقدر بيه افتح الشنطة من وانا جوا العربية ؟؟؟

[triomphe]

الأكتافيا ملهاش زرار من جوا لازم تتفتج من برا ودا عن طريق لوك فوق النمر الخلفية. تضغط علي زرار اللوك وترفع الشنطة لفوق بس لازم طبعا قبل كل دا تكون فاتح لوك الأبواب الأربعة عن طريق الزرار البين الكرسين عشان دا مش بس بيقفل الأبواب الأربعة لا دا كمان بيقفل الشنطة والتنك عشان محدش من برا يفتحهم

[Moratoz]

من زرار السنتر خلف الفتيس تدوس علي المفتاح بفتح لوك العربيه بالكامل ومنها الشنطه الكلام دا علي a5 ولو a٤ دور علي زرار اللوك نفس الموضوع بس بصراحه مش فاكر مكانه

[A.Roushdy]

الف شكرا جميعا على الافادة
هجرب وهرد عليكو ان شاء الله

[طارق _عبد السلام]

طول ما السنتر مفتوح الشنطه مفتوحه بترفعها عادى من الاكره فوق النمره

[inspiron]

زي ما الوحوش قالولك..من غير ما تبطل العربية.افتح السنتر من الزرار اللي تحت فرملة اليد والدنيا هتبقي شتراوبس الجنزبيل معاك

[A.Roushdy]

شكرا يا شباب ، انا لقيت الزار اللي فوق لوحة الارقام من ورا، كان مستخبي ومكنتش صراحة شوفته قبل كدة
لكن بكون فاتح لوك العربية كلها سواء السنتر في الريموت او اللوك اللي ورا الفتيس على طول
ومع ذلك بدوس على الزرار دة مش بتتفتح الشنطة

كدة بقي الزار نفسه بايظ محتاج اوديه لكهربائى ولا انا بعمل حاجة غلط ؟؟؟