موضوع خاص للعضو mohamed878 و الكل يدخل يتناقش لضرورة و للاهمية

[EngAhmedSayed]

السلام عليكم
بعد قرأتى للموضوع الخاص با الاستاذ محمد بخصوص عمرة موتور الفليشيا لانه كان عنده خبط و ترزيع فى الموتور
و كنت اتناقشة معاه فى الموضوع ده قبل ذلك

اولا موتور الفليشيا يا جماعه ما بيتعمرش اكررررررر تانى ما بيتعمرش و الله العظيم مبيتعمرش
نرجع نفهم ليه ما بيتعمرش
الموتور على نظام شمايز و الشمايز ده يعتبر من احسن انظمة الموتير و لحد الان متماسكة بية بعض الشركات المحترمة على حد علمى مرسيدس و بى ام دبليو و بيجو
المهم الموتور عندك لما تظهر عليه علامة الدخنة من الشكمان و هنا عندنا ثلاث انواع من الدخنه
الدخنة السودا عارفين دى بتاعة اية ظبط هو مع بنزين و قصة كربرتير
الدخنة الرمادى دى طقم شنبر
الدخنة البيضا بكثافة دى تيبقى اية شمايز و شنابر

طيب خلينا فى الدخنة البيضا
سياتك اول ما بتلاقى دخنة بيضا على طوووووووووول عمرة و اروح عند الميكانيكى و يقولك بكل اسف فعلا عمره و هو متأزم اقوله لالالالالالالالالالالالالا
يحبيبى فك وش السليندر و فك كرتيرة الزيت و خرج البساتم و خرج الشمايز سياتك تعمل اية
هتجيب طقم شمايز + طقم شنبر + جوان وش سليندر + جوان كرتيرة الزيت
الموتور رجع مع سياتك زيروووووووووو من تانى
وله تروح عند خراط و له الكلام الفاضى الموضوع كله تغييير قطع غيار فقط

نيجى بقى للمشكلة الاستاذ محمد بناءا على الكلام المذكور فى موضوعه
الميكانيكى او الدكتور اللى اسمه شيخ عادل


اولا انا عاوز اعرف هو لية غير النص التحتنى او بمعنى اصح غير البلوك لية
دة الجزء ده صعب جداااا انو يبوظ اللى لا قدر الله تعرض للحادث او صدمة قوية بس

تانى حاجة لما فك وش السليندر من الموتور القديم مكنش شايفه قدامه و يقدر يعرف انى الوش نضيف و له مش نضيف هو من النوع اللى بيجرب و بعدين يقولو مش لدرجة انو نغيرو علشان لو فى عيب فى الصنعه يبقى كده عنده الشمعه اللى يعلق عليه الغلط بتاعه

ثالثا قاله عاوزك تمشى بيها اليومين دول كتير تمشى اية و بتاع اية المفروض تحرق صفيحة و نص و العربية و اقفه على السلانسيه و بعدين تسقط زيت و تمشى بيها بسياسة للحد ما تليين الدنيا

رابعا قاله تعاللى السبت يارب يكون علشان يحرق على وش السليندر و السحب ضعيف ازاى ماهو على كلام العم عادل معمر و علشان الباشا محرقش على السلانسية و لو فيه عيوب هتبان على السلانسية

خامسا فى كركبه السؤال هو نفس العيب القديم او ماشبه ذلك و بطلع صوت مدافع ده موضوع ظبط كهرباء المفروض بيظبط كل حاجة علشان الموتور بيطبع على الصح يطبع يعنى يتأقلم على الوضع الصحيح

سادسا المفروض مكنتش تمشى من غير فلتر علشان الغبار و التراب ميدخلش الموتور و يبوظ الدنيا

مش عارف انتو متاكدين انو الشيخ عادل ده ميكانيكى ياجماعه حد يرد عليا يقولى انا غلط
طيب مكنش عارف انى البلوك و وش السليندر بيظين طيب كان قالك هات موتور استيراد من غير ادوات التغذية و كنت ريحة دماغك من القصة دى على الاقل كنت راكبت حاجة مقفولة
و كان هيبقى تحت التجربة لو فى حاجة هتروح ترجعه

و طبعا بقيت الموتور القديم و بقيت الحاجة هوووووو خدها كاعادة الميكانيكية ربنا يهدى

الصراحة لما قريت موضوعك قولت لالالالالالالالالا لازم اعرفك الصح
ولام تعرف اة اللى يتم
ان شاء الله هتصل بيك على الموبيل و اطمن عليك
ربك المستعان

الموضوع ده توعية لمالكى الفليشيا و الكومبى و الفيفوريت و الفورمان جميعا

[sakr_skoda]

حمد الله على السلامه....*

أولا :طيب ما معنى كلامك ان موتور الفليشيا مبيتعمرش وبعد نقططين من سردك بتقول نغير كيت وكيت ويرجع الموتور زيرو هى دى مش عمرة ولا العمرة شئ مخلف انا مش فاهم*

ثانيا : الميكانيكى غير ليه النص التختانى كامل بتقفيلة بشمايزة وبساتمة وشنابرة فبكدا مش حيحتاج تللين لأن التليين لما تمون مغير شمايز وشنابر وبسا تم بنحرق عليهم والموتور واقف علشان يعملو شربون يعنى(الكربون اللى على المعدن) فبكدا موضوع الزميل لا يحتاج الى تللين....

ثالثا :الميكانيكى قله احرق على العربية كتير وتعالى يوم السبت مهو دا الصح فعلا لازم يحرق على العربية علشان بعد يومين حيكون وش السلندر طبع على البلوكة وبيحتاج تحريق ولو حرق على ملى وقبل معاه يبقى لازم يظبط التاكيهات هو دا الصح....

انما ازاى مشفش الوش وهو بيغيرة دا اللى انا نستغربة فعلا مع العلم انه قال الوش سليم ونضيف فى بداية الأمر....

[EngAhmedSayed]

حمد الله على السلامه....*


الله يسلمك يا عم صبحى

أولا :طيب ما معنى كلامك ان موتور الفليشيا مبيتعمرش وبعد نقططين من سردك بتقول نغير كيت وكيت ويرجع الموتور زيرو هى دى مش عمرة ولا العمرة شئ مخلف انا مش فاهم*

اولا انتا سياتك مش عارف انى موتور الفليشيا على نظام شمايز يبقى كدة تمام و فعلا دى بتيبقى عمرة بس مش عند الخراط و الكلام الفاضى
ثانثا الناس هنا بتفتكر عمرة انو لازم يروح يخرط على المخرطة و يفرز و يكشط و القصة دى فأنا عاوز الناس هنا تعرف و تفهم النقطة دى كويس فعلا سياتك لما تغيير الشمايز و طقم الشنبر الموتور بيرجع معاك زيرو بخلاف ادوات التغذية


ثانيا : الميكانيكى غير ليه النص التختانى كامل بتقفيلة بشمايزة وبساتمة وشنابرة فبكدا مش حيحتاج تللين لأن التليين لما تمون مغير شمايز وشنابر وبسا تم بنحرق عليهم والموتور واقف علشان يعملو شربون يعنى(الكربون اللى على المعدن) فبكدا موضوع الزميل لا يحتاج الى تللين....

ماهو ياعم صبحى ركز معايا فى الكلام المكتوب من الاستاذ محمد اولا قاللك انو راح جاب بلوك او نص تحتينى زى ما بيقول على ما اعتقد و بعدين الميكانيكى بيقولو عندك بستمين تعبانين يبقى من الكلام اية الباشا ركب بلوك فاضى و جمع علية الحاجة من الموتور القديم وله بعد ما ركب البلوك لاقى انهما تعبانين فعلا ده اللى يخيلى


ثالثا :الميكانيكى قله احرق على العربية كتير وتعالى يوم السبت مهو دا الصح فعلا لازم يحرق على العربية علشان بعد يومين حيكون وش السلندر طبع على البلوكة وبيحتاج تحريق ولو حرق على ملى وقبل معاه يبقى لازم يظبط التاكيهات هو دا الصح....

هو مقلوش تعالى يوم السبت علشان يحرق على وش السليندر ده انا اللى بخمن انو هيعمل كدة يوم السبت هو قالو تعالى علشان نظبط و خلاص

انما ازاى مشفش الوش وهو بيغيرة دا اللى انا نستغربة فعلا مع العلم انه قال الوش سليم ونضيف فى بداية الأمر....

اه انتا مخدش باللك من حاجة فى الكلام الاستاذ محمد بيقول هيجيب وش السليندر من واحد تبع الشيخ عادل بردك الكلام هنا انا شاكك فيه انى يكون فى مصلحة انا ان شاء الله هتصل بيه و افهم منو الموضوع بالظبط

[المنسي]

يابشمهندس احمد عمرة الموتور المتعارف عليها زى ماقلت ان يروح للمخرطة ويغير ويقشط انما هو الراجل قال له هات نص تحتانى فقط علشان يوفر عليه فلوس موتور كامل وطبعا لما بيجيب نص تحتانى يعنى كل حاجة مفتوحة ادامه وباين حالتها ايه انما موضوع الوش هو ده اللى سهو منه انه كان قال له نجيب بلوكة فاضية بدون ادوات التغذية وكمان انا مشفتش هو جاب نص تحتانى فى ايه بالظبط ولا جابه فاضى وسقط عليه حاجة الموتور القديم
انا كنت عايز اروح مع محمد علشان اشوف واعرف من الشيخ عادل هو عمل ايه بالظبط

[AhMeD MeTwAlY]

انا اول ما شوفت الموضوع استغربت جدا ورديت بردود مختصره
يا رب نكون افدناه وانت عندك حق في الست نقاط دول

[طارق _عبد السلام]

هو مش الترزيع ده بيبقى من الكرنك ؟

والدخنه بتبقى تآكل زيت ناتج عن خفيه الشمايز والبساتم

يعنى لو كرنك هيكون فيه خرط

ولو خفيه شنمبر وشميز البستم الجديد علشان يركب بردوا محتاج خرط ؟ انا بتكلم صح ولا الموضوع واقع منى

عايزين محمد يفهمنا وصل لايه

[mohamed878]

شكرا لردودكم انا بتأسف للبشمهندس احمد لعدم ردي لظروف مرضي ثانيا بشكركم كلكم لاهتمامكم بيا
انا لما روحتله بالعربيه عشان يبص علي الوش لقي الزيت عامل طحينه المهم نزلت جبت وش جديد تركي ب 1200 جنيه و هوا ركب و قاللي تمام اخويا راح جابهالي منه و دلوقتي في ملاحظات كتير و للاسف كلها وحشه لمبه الزيت منوره السحب بتاعها وحش الاهم بقي لقيت برضو الزيت مطحن رغم اننا غيرنا الوش و الجوان من يومين و كمان غيرنا زيت وفلتر طيب ايه السبب في كل ده حد يقوللي عشان انا لوحدي عيان و العربيه مكمله عليا

[mohamed878]

نسيت حاجه بتسخن و بتطلع لل 90 مبتنزلش المروح في الحر دايره علطول من ايه معرفش

[sakr_skoda]

شكرا لردودكم انا بتأسف للبشمهندس احمد لعدم ردي لظروف مرضي ثانيا بشكركم كلكم لاهتمامكم بيا
انا لما روحتله بالعربيه عشان يبص علي الوش لقي الزيت عامل طحينه المهم نزلت جبت وش جديد تركي ب 1200 جنيه و هوا ركب و قاللي تمام اخويا راح جابهالي منه و دلوقتي في ملاحظات كتير و للاسف كلها وحشه لمبه الزيت منوره السحب بتاعها وحش الاهم بقي لقيت برضو الزيت مطحن رغم اننا غيرنا الوش و الجوان من يومين و كمان غيرنا زيت وفلتر طيب ايه السبب في كل ده حد يقوللي عشان انا لوحدي عيان و العربيه مكمله عليا

الف حمد الله على سلامتك وربنا يشفيك ويعافيك*

انا اسف جدا النهاردة فيفورتى اعلنت الحرب على من اية والله منى عارف المهم ادعولها ربنا يقومها بالسلامة لأنه فى حالة مخاض وعسر هضم شديد مستنى بس اشخص المرض واعالجة واعرض التقرير عن الموضوع دا....*

انا انا بجد بخصوص موضعك بجد حزين جدا جدا ومش قادر اعرف بالظبط ايه اللى حصل معاك دا مش لاقى اى سبب انتا يعنى يعتبر غير موتور كامل طيب فية ايه بقى الشيخ عادل دا عربجى ولا ميكانيكى والله مش عرف ....

انما حكاية الزيت يطحن تانى ممكن يكون الوش عاوز تحريق شوية مكنش يبقى اسف جدا لازم ترجع النص التحتانى لصاحبة لأن بكد يبقى العيب فى البلوكة بتاعت الموتور....*

[المنسي]

شكرا لردودكم انا بتأسف للبشمهندس احمد لعدم ردي لظروف مرضي ثانيا بشكركم كلكم لاهتمامكم بيا
انا لما روحتله بالعربيه عشان يبص علي الوش لقي الزيت عامل طحينه المهم نزلت جبت وش جديد تركي ب 1200 جنيه و هوا ركب و قاللي تمام اخويا راح جابهالي منه و دلوقتي في ملاحظات كتير و للاسف كلها وحشه لمبه الزيت منوره السحب بتاعها وحش الاهم بقي لقيت برضو الزيت مطحن رغم اننا غيرنا الوش و الجوان من يومين و كمان غيرنا زيت وفلتر طيب ايه السبب في كل ده حد يقوللي عشان انا لوحدي عيان و العربيه مكمله عليا

اولا الف سلامة عليك وثانيا انا كنت منتظر تكلمنى الجمعة علشان اجى معاك المهم قدر الله ماشاء فعل دلوقتى خلينا فى مشكلتك انت لما روحتله علشان يبص على الوش اللى القديم اللى شاله من الموتور القديم لقى الزيت مطحن فمعلش اسمحلى اقولك ان العربية اكيد سخنت منك وعملت كده لان من الصعب ان الزيت يطحن من غير سبب فالمفروض ان الفترة اللى هيه مابين تسقيط النص التحتانى وانك رايح له تانى انك مكنتش قرصت على الموتور او ممكن تكون ماقرصتش بس العربية سخنت منك
ماعلينا دلوقتى انت جبت وش تركى وركبته ولمبة الزيت منورة هل الزيت ناقص علشان كده منورة ولا فى سبب تانى مخلى اللمبة منورة فراجع على الزيت وشوفه
ودولقتى بتقول انك بعد ماغيرت الوش والجوان جابت وش سلندر تانى والزيت مطحن انا كده شاكك ان النص التحتانى فيه مشكلة بنسبة 99 % ارجعله وقول له شوف لى حل وانا مستعد اجى معاك وشوف هتعمل ايه وياريت تكلمنى ضرورى

[EngAhmedSayed]

اولا حمد لله على السلامة
طبعا الموضوع محزن للغايا على الموضوع و صوله
العربية ياجماعة و الله مش صعبة لدرجتى بس
مشكلتها اللى انا كنت بنادى بيها انى هى عاوزة حد فاهم فيها و يكون ايدو على طول فيها مش بيجرب و الزبون هو اللى يدفع ياجماعه الموضوع بكل بساطة
عيب صنعة ياجماعة عيب صناعة
و كلها بتتكلم حلو شوفو فى بداية الموضوع بتاعى انا قولت راى فى الميكانيكى
ياجماعه لو عاوزين حد فاهم قالولى و متجرب بدل النصب دة
و انا قولت للمحمد يرحولو بس هو مبيسمعش الكلام
قدر الله و ماشاء فعل
ربك المستعان

[wael abbas]

اولا حمد لله على السلامة
طبعا الموضوع محزن للغايا على الموضوع و صوله
العربية ياجماعة و الله مش صعبة لدرجتى بس
مشكلتها اللى انا كنت بنادى بيها انى هى عاوزة حد فاهم فيها و يكون ايدو على طول فيها مش بيجرب و الزبون هو اللى يدفع ياجماعه الموضوع بكل بساطة
عيب صنعة ياجماعة عيب صناعة
و كلها بتتكلم حلو شوفو فى بداية الموضوع بتاعى انا قولت راى فى الميكانيكى
ياجماعه لو عاوزين حد فاهم قالولى و متجرب بدل النصب دة
و انا قولت للمحمد يرحولو بس هو مبيسمعش الكلام
قدر الله و ماشاء فعل
ربك المستعان

ممكن اعرف الميكانيكى ده فين واسمه ايه