مشكله فى تكييف اوكتافيا

[طارق _عبد السلام]

السلام عليكم ورحمه الله

الموضوع ان لنا زميل هنا فى المنتدى الاستاذ امجد............( megoo40002)

عنده مشكله فى تكييف سيارته وكنت متواصل معه على الخاص واستأذنته ان اعمل موضوع يتشارك فيه الجميع ووافق

المشكله انه يعيش فى الخليج والتعامل هناك مع التوكيل مباشر عنده مشكله فى مكييف السياره وهى كما كتب لى

استفسار بخصوص مكيف اوكتافيا a5 2007
و هو كالاتى :
1 - المكيف بيطلع هوا ساقع بس مش اوى و بحس بعد فترة ان الكمبروسر بيفصل و يطلع هوا رطب مش بارد و بعد تقريبا 1 دقيقة يشتغل تانى و يطلع هوا بارد ذى الاول و دة فى اى وقت طول النهار
فهل التكييف محتاج شحن فريون و لا لا ؟؟
هل ممكن يكون عيب فى الكمبروسر؟؟
مع العلم انى شارى العربية فى الخليج و روحت التوكيل بالصدفة عرفت ان صاحب السيارة غير كمبروسر بعد سنة و نصف من خروجها من الوكالة و معرفش طبعا اية سبب خراب الكمبروسر فى الوقت القليل دة
هل ممكن مشكلة فى الفلتر او قطع اخرى فى دورة التبريد ؟
2- اية هى السربنتينة دى ؟؟
3- لية هوايات الوسط اضعف كتير عن هوايات الجنب و هل دة طبيعى و لا ؟
==========================================

وكان ردى انى اظن ان الكمبريوسر فيه مشكله

وان سبب خراب الكمبريوسر وهو فى موديلات الاوكتافيا انه بيشتغل على عدد لفات الاربى ام عاليه
فبيتحرك تحرك مفاجىء مع سرعه عاليه وبيحمل بيحدث له المشكله

وانا مش متأكد من التشخيص ده فالموضوع مفتوح للاخوه ليقولوا رأيهم ويشاركونا النصيحه
تقديرى للجميع

[طارق _عبد السلام]

وكان سئلنى ايه السربنتينه
فى الصوره السربنتينه والكمبريوسر مع بعض

[Moratoz]

هوا لما غير الكمبرسور جاب بتاع الاوكتافيا برده ولا ركب بتاع تويوتا وهل بيصاحب الهواء الرطب ضعف او كتم في كميه الهواء

[megoo42002]

السلام عليكم
او اولا احى الاستاذ طارق على اهتمامة بالموضوع
و ثانيا انا عاوز اوضح بعض النقط اللى ممكن تمكون غير واضحة كالاتى :
1- السيارة اوكتافيا 2007a5 و بالصدفة كنت فى التوكيل بعد ما اشترتها استعمال و اخذت لستة بالتصليحات اللى تمت فى السيارة و كان اهم ما لفت انتباهى هو تغيير الكمبروسر فى 8/2008 اى بع سنة و نصف من استعمال السيارة
2- فى تانى زيارة لى للتوكيل علشان اغير زيوت طلبت انهم يكشفوا على المكيف من ضمن بعض الاشياء اللى طلبتها من التوكيل و تركت السيارة و ذهبت للعمل وتم الاتصال بى و قالوا فلتر المكيف محتاج يتغير بس نظرا لارتفاع سعرة انا قولت متغيروش واتكلمنا فى حاجات تانية ( للعلم كان التعامل مع فنى فلبينى و هما صعب يشرحوا الامور ببساطة ) المهم انا نزلت اليوم الصباح قولت اشيل الفلتر الخربان ة و اشوف اية اللى هيحصل فى جودة المكيف فلاقيت ان التوكيل لما لاقى الفلتر خربان مركبوش تانى و طلعت مشوار انهاردة الظهر طويل شوية و كان المكيف معقول و بليل كان جيد
فانا محتار و متشكك من ان كان الكمبروسر ضعيف ( مصيبة علشان التكلفة عالية هنا ) ام محتاج فريون ( نحمد ربنا)
فنرجوا من الخبراء افادتنا بالاراء ماذا افعل ؟؟؟
و طريقة معرفة ان كان مشكلة كمبروسر و فريون
اسف على الاطالة

[megoo42002]

هنا مفيش صيانة غير التوكيل و بالتالى كل القطع تكون اصلية و اعتقد ان كمية الهواء مش قليلة

[megoo42002]

انا سعات بشغل المكيف على 3 بس مش بحس ان فية لاسعة البرد بحس انة هوا رطب بس
فهل ممكن يكون نقص فى الفريون ام ضعف فى الكمبروسر ؟؟؟؟؟
و هل ممكن يكون زرار التحكم فى درجة الحرارة بة مشكلة مثلا؟؟؟؟؟

[inspiron]

كما شرحت لحضرتك علي الخاص
يجب مراجعة الآتي :-
- قياس درجة كبس الكمبريسور.
- قياس شحنة الفريون.
- تنظيف الفلتر لعلاج مشكلة ضعف تدفق الهواء من الفتحات الوسطي.
---------------------
تنويه:-
موديلات أوكتافيا 2006-2007 كان بها مشاكل معروفة في الفتيس والتكييف.وتم علاجها في 2008.من المفترض طالما تم تغيير الكمبريسور في 2008 يبقي أكيد ركبولك المعدل بعد حل المشكلة.

ابقي تابعنا بعد ما تعمل الخطوات السابقة وإن شاء الله خير..بالتوفيق

[Moratoz]

قيس شحن الفريون لأن الكمبرسور لو فيه مشكله مكنش هيطلع هواء ساقع اصلا